Manoj Manchu: బతకండి.. బతకనివ్వండి.. మంచు మనోజ్ మరోసారి సంచలన ట్వీట్!

ABN, First Publish Date - 2023-03-25T16:16:12+05:30

మంచు మనోజ్ (Manchu Manoj) రెండో పెళ్లి తర్వాత మంచు ఫ్యామిలీలో విభేదాలు తారాస్థాయికి చేరినట్లుగా కనిపిస్తోంది. అదెలా అంటే.. తాజాగా మంచు మనోజ్ సోషల్ మీడియా వేదికగా

Manchu Vishnu and Manchu Manoj

అన్నపూర్ణ మ్యారేజెస్... వరల్డ్ వైడ్‌గా తెలుగువారు ఎక్కడున్నా అన్ని కులముల వారికీ పెళ్లి సంబంధాలు కుదర్చడంలో టాప్ పొజిషన్. ఉన్నతమైన కుటుంబాల ఎంపిక. సం|| 9397 9797 50

మంచు మనోజ్ (Manchu Manoj) రెండో పెళ్లి తర్వాత మంచు ఫ్యామిలీలో విభేదాలు తారాస్థాయికి చేరినట్లుగా కనిపిస్తోంది. అదెలా అంటే.. తాజాగా మంచు మనోజ్ సోషల్ మీడియా వేదికగా ఓ వీడియోని షేర్ చేసి.. మంచు విష్ణు (Manchu Vishnu) రౌడీయిజం చేస్తున్నారనేలా రాసుకొచ్చారు. అయితే వెంటనే ఆ వీడియోని డిలీట్ చేసినప్పటికీ.. అప్పటికే ఆ వీడియో సోషల్ మాధ్యమాలలో వైరల్ అయింది. ఈ వీడియోలో సారధి (Saradhi) అనే మంచు ఫ్యామిలీ అనుచరుడిపై మంచు విష్ణు గొడవపడుతూ.. కొట్టబోతున్నాడు. అయితే, ఇప్పుడే కాదు.. ఎప్పటి నుండో మంచు ఫ్యామిలీలో (Manchu Family) విభేదాలు చెలరేగుతున్నాయనేలా వార్తలు వస్తున్నాయి. అందుకే మోహన్ బాబు (Mohan Babu) ఫిల్మ్ నగర్‌లో (Film Nagar) ఉన్న ఇంటిని వదిలేసి ప్రశాంతత కోసం శంషాబాద్‌కు వెళ్లిపోయారనేలా టాక్ నడుస్తోంది. అయితే అసలు విషయం ఏమిటనేది ఎవరికీ తెలియదు కానీ.. మంచు మనోజ్ షేర్ చేసిన వీడియోతో మాత్రం.. మంచు ఫ్యామిలీలో గొడవలు ఏ స్థాయిలో ఉన్నాయనేది జనానికి ఓ క్లారిటీ వచ్చేసింది. ఇప్పుడా గొడవలపై మరింత క్లారిటీ ఇచ్చేలా మంచు మనోజ్ సోషల్ మీడియాలో పోస్ట్‌లు పెడుతున్నారు. అయితే ఈసారి ఆయన డైరెక్ట్‌గా కాకుండా ఇన్‌డైరెక్ట్‌గా కొటేషన్స్‌తో కాక రేపాడు.

‘బతకండి.. బతకనివ్వండి’ అంటూ దండం పెడుతున్న ఎమోజీలను జోడించిన మనోజ్.. సుజీ కశీమ్ (Suzy Kassem), డేవిడ్ లించ్ (David Lynch) కొటేషన్స్‌ను షేర్ చేశాడు. ‘కళ్ల ముందు జరుగుతున్న తప్పును పట్టించుకోకుండా వదిలేయడం కన్నా.. ఆ తప్పును ఎదురించి న్యాయం కోసం నిలబడేందుకు చావడానికైనా సిద్ధమే’ అని ఒక కోట్.. ‘క్రియేటివిటీకి నెగిటివిటీయే శత్రువు’ అని మరో కోట్‌ ఉన్న కార్డులను మనోజ్ షేర్ చేశాడు. మనోజ్ చేసిన ఈ ట్వీట్‌కు నెటిజన్లు కూడా ఆయనకు సపోర్ట్‌గా నిలుస్తున్నారు. మనోజ్ చెబుతున్న ప్రకారం.. మంచు విష్ణు తప్పు చేస్తున్నాడా? అందుకే మంచు మనోజ్ ఎదురించి.. అలా వీడియో పోస్ట్ చేశాడా? అనేలా కామెంట్స్ చేస్తున్నారు. (Manchu Manoj Tweets)

అసలీ గొడవలకు కారణం ఏమిటి? ఎందుకు మంచు ఫ్యామిలీ అనుచరుడైన సారధిని మంచు విష్ణు కొట్టబోయాడు? ఈ విషయంపై మోహన్ బాబు, మంచు లక్ష్మీ కూడా ఎందుకు సైలెంట్‌గా ఉన్నారు? అందరి ఇంట్లో ఉన్నట్లే మా ఫ్యామిలీలోనూ చిన్న చిన్న గొడవలు ఉంటాయని.. మంచు ఫ్యామిలీ ఎంత కవర్ చేయాలని చూసినా.. మనోజ్ షేర్ చేసిన వీడియోతో ఇంటిలో నుంచి పబ్లిక్‌లోకి ఆ గొడవలు వచ్చేశాయని.. మంచు ఫ్యామిలీ ఎందుకు గమనించడం లేదు? వంటి ప్రశ్నలను నెటిజన్లు సోషల్ మీడియా (Social Media) వేదికగా రైజ్ చేస్తున్నారు. ఇక మంచు ఫ్యామిలీని ఆరాధించే అభిమానులు మాత్రం.. పెద్దాయన మంచు మోహన్ బాబు (Manchu Mohan Babu) యాక్షన్‌లోకి దిగి.. వీలైనంత త్వరగా వీటిని పరిష్కరిస్తే బాగుంటుందని కోరుకుంటున్నారు.