Kingdom: ఓవైపు చీఫ్ ఆర్కిటెక్ట్.. మ‌రో వైపు కొత్త ఆర్కిటెక్ట్
ABN, Publish Date - Jul 25 , 2025 | 12:31 PM
విజయ్ దేవరకొండ నటిస్తున్న పాన్ ఇండియా బిగ్ మూవీ “కింగ్డమ్” ప్రమోషన్స్ జోరుగా ప్రారంభ‌మ‌య్యాయి.
విజయ్ దేవరకొండ (Vijay Deverakonda) కథానాయకుడిగా నటించిన ‘కింగ్డమ్’ (Kingdom)చిత్రం ఈ నెల 31న పాన్ ఇండియా స్థాయిలో విడుదలవుతున్న విషయం తెలిసిందే. రిలీజ్‌కు మ‌రో వారం మాత్రమే స‌మ‌యం ఉండ‌డంతో మేక‌ర్స్ ప్ర‌చార కార్య‌క్ర‌మాల్లో వేగం పెంచారు.
ఈ నేప‌థ్యంలో విజయ్ దేవ‌ర‌కొండ‌తో పాటు ఈ చిత్ర ద‌ర్శ‌కుడు గౌత‌మ్ తిన్న‌నూరి (Gautam Tinnanuri), అర్జున్ రెడ్డి, యానిమ‌ల్ చిత్రాల ద‌ర్శ‌కుడు సందీప్ రెడ్డి వంగా (Sandeep Reddy Vanga) ముగ్గురు కలిసి కింగ్డమ్ బాయ్స్ పేరుతో ఓ స్పెషల్ ఇంటర్వ్యూ చేశారు.
ఇందుకు సంబంధించిన ఫొటోలను సోషల్ మీడియాలో పోస్టు చేసి నా కింగ్డమ్ ను రూపొందించిన చీఫ్ ఆర్కిటెక్ట్ ఒకవైపు, దాన్ని మరింతగా పెంచుతున్న కొత్త ఆర్కిటెక్ట్ మరోవైపు ఉన్నారని విజయ్ దేవరకొండ వ్రాసుకొచ్చాడు.
ఇదిలాఉంటే.. ఈ సినిమా ట్రైల‌ర్‌ను రేపు (శ‌నివారం) తిరుప‌తి ప్ర‌త్యేక ఈవెంట్ నిర్వ‌హించి విడుదల చేయ‌నున్నారు. మరోవైపు ఈ చిత్రాన్ని ‘సామ్రాజ్య’ ( Samrajya) పేరుతో హిందీలో విడుదల చేస్తున్నారు.భాగ్యశ్రీ బోర్సే కథానాయిక న‌టించ‌గా స‌త్య‌దేవ్ కీల‌క పాత్ర‌లో క‌నిపంచ‌నున్నాడు. అనిరుధ్ సంగీతం అందించాడు. సితార బ్యాన‌ర్‌పై సూర్యదేవర నాగవంశీ, సాయిసౌజన్య నిర్మించారు.