Samantha: మళ్లీ అదే పని.. చైను వదలవా సామ్

స్టార్ హీరోయిన్ సమంత (Samantha) ప్రస్తుతం బాలీవుడ్ డైరెక్టర్ రాజ్ నిడిమోరుతో డేటింగ్ లో ఉందని వార్తలు వినిపిస్తున్న విషయం తెల్సిందే.

Samantha: స్టార్ హీరోయిన్ సమంత (Samantha) ప్రస్తుతం బాలీవుడ్ డైరెక్టర్ రాజ్ నిడిమోరుతో డేటింగ్ లో ఉందని వార్తలు వినిపిస్తున్న విషయం తెల్సిందే. ఈ మధ్య సామ్ ఎక్కువగా రాజ్ తోనే కనిపిస్తుంది. ఇంకోపక్క రాజ్ భార్య.. కర్మ, నమ్మకం అంటూ సోషల్ మీడియాలో పోస్టులు పెడుతూ వస్తుంది. అందుతున్నా సమాచారం ప్రకారం.. రాజ్ తన భార్యకు విడాకులు ఇవ్వనున్నాడని,అవి వచ్చే వరకు వారు విడిగానే ఉంటున్నారని తెలుస్తోంది. అంతేకాకుండా సమంత - రాజ్ ప్రస్తుతం కలిసే ఉంటున్నారని బాలీవుడ్ మీడియా కోడై కూస్తోంది.

ఇక నాగ చైతన్యతో విడాకుల అనంతరం సామ్ బాగా కుంగిపోయిందన్న విషయం అందరికీ తెల్సిందే. సామ్ తో ఉన్న బంధాలను, జ్ఞాపకాలను మొత్తం చెరిపేసి చై.. ఈ ఏడాదే నటి శోభితను పెళ్ళాడి కొత్త జీవితాన్ని మొదలుపెట్టాడు. ఇక ఇప్పుడు సామ్ వంతు. మరికొన్ని రోజుల్లో వీరిద్దరి ప్రేమ ప్రయాణాన్ని అధికారికం చేయనున్నారని టాక్ నడుస్తోంది.

ఇక ఇదంతా పక్కన పెడితే.. సోషల్ మీడియాలో సామ్ ఎలా హైలైట్ అవ్వాలో ఆమెకు తెలుసు. ముఖ్యంగా అభిమానుల అటెన్షన్ ను ఎలా గ్రాబ్ చేయాలో సామ్ కు తెలిసినంతగా ఎవరికి తెలియదు. ఆమె ఒక ఫోటో పెడితే ట్రెండ్.. కొన్నిరోజులు ఫోటోలు పెట్టకపోయినా ట్రెండ్ నే. ఒకసారి టాటూతో పెడితే ట్రెండ్.. టాటూ చెరిపేసి పెడితే మరింత ట్రెండ్. అలా గత కొంతకాలంగా సామ్ ఈ టాటూల ఆట ఆడుతూనే ఉంది. చేతిలో సినిమాలు కూడా లేవు కాబట్టి ఇప్పుడప్పుడే అమ్మడు బయట కనిపించదు. అంతగా ఫాలోయింగ్ రాదు. అందుకే ఈ చిన్నది ఈ గేమ్ మొదలుపెట్టినట్లు తెలుస్తోంది.

మొన్నటికి మొన్న ఒళ్ళంతా కనిపించేలా రెడ్ కలర్ డ్రెస్ లో అందాలను ఆరబోస్తూ ఒక వీడియో పెట్టింది. అందులో అమ్మడు మెడ వెనుక భాగంలో ఉన్న YMC టాటూ కనిపించలేదు. ఇంకేముంది.. నాగ చైతన్య జ్ఞాపకాలను చెరిపేసింది. రాజ్ తో రిలేషన్ లో ఉంది కాబట్టి చెరిపేసిందని చర్చలు మొదలుపెట్టడంతో ఆ వారమంతా సామ్ నే ట్రెండింగ్ లో ఉంది. ఆ తరువాత వెకేషన్స్ తో బిజీగా మారింది. రాజ్ నిడిమోరుతో కలిసి కెమెరా కంటికి చిక్కడం, అతడితో కలిసి దిగిన ఫోటోలను షేర్ చేయడంతో మరోసారి సామ్.. సోషల్ మీడియాలో హాట్ టాపిక్ గా మారింది.

ఇక గత వారం నుంచి సామ్ సోషల్ మీడియాలో అంతగా కనిపించడం లేదు. అడపదడపా కనిపించినా ట్రెండింగ్ లో అమ్మడి పేరు రావడం లేదు. దీంతో ఈ చిన్నది మరోసారి టాటూ గేమ్ మొదలుపెట్టింది. తాజాగా చీరలో సామ్ అందాల బొమ్మలా మెరిసింది. బ్లాక్ అండ్ వైట్ థీమ్ లో ఫ్లోరల్ చీర పై బ్యాక్ లెస్ నెక్ ధరించి.. పియానో వద్ద ఫోజులు ఇస్తూ నిలబడింది. ఇక సామ్ అందాన్ని వర్ణించడం కష్టంతో కూడుకున్న పనే. ఇక అన్ని ఫొటోల్లో అందరి చూపు మాత్రం సామ్ బ్యాక్ ఫోటో వద్దనే ఆగింది. ఎందుకంటే.. ఆ ఫొటోలో సామ్ మెడ వెనుక భాగంపై ఉన్న ఆ టాటూ కొట్టొచ్చినట్లు కనిపిస్తుంది.

ఇంకా చెప్పాలంటే ఆ టాటూ కనిపించడం కోసం సామ్ ఆ ఫోజ్ ఇచ్చిందన్నట్లు ఉంది. ప్రస్తుతం ఈ ఫోటోలు సోషల్ మీడియాలో వైరల్ గా మారాయి. ఇక ఈ ఫోటోలు చూసిన అభిమానులు ఆ టాటూ గురించి మాట్లాడుకోవడం మొదలుపెట్టారు. సామ్ పెళ్లి తరువాత కూడా ఆ టాటూను అలానే ఉంచుకుంటుందా.. ? మళ్లీ ఆ టాటూను బయటపెట్టవా.. ఇంకా చైను వదలవా అని నెటిజన్స్ కామెంట్స్ పెడుతున్నారు. మరి నిజంగా సామ్ ఈ టాటూ గేమ్ అటెన్షన్ కోసం ఆడుతుందా.. ? లేక అలా తన జ్ఞాపకాలను బయటపెడుతుందా.. ? అనేది ఆమెకే తెలియాలి.

Tollywood Rain Songs: చినుకూ చిటికేస్తోంది...

Ilaiyaraaja: ముదిరిన 'మిసెస్ అండ్ మిస్టర్' వివాదం