Ilaiyaraaja: దర్శకుడిపై ఇళయరాజా సంచలన వ్యాఖ్యలు

ABN , First Publish Date - 2023-03-11T16:57:50+05:30 IST

ఈ మూవీ చిత్ర పరిశ్రమ ఇప్పటివరకు చూడని కాలంలో సాగుతుంది. ఈ దర్శకుడు చెప్పే ఒక్కో కథ ఒక ఆణిముత్యంలాంటిది. సినీ ఇండస్ట్రీలో

Ilaiyaraaja: దర్శకుడిపై ఇళయరాజా సంచలన వ్యాఖ్యలు

Isaignani Ilaiyaraaja

చిత్రపరిశ్రమలో వెట్రిమారన్‌ ఒక ముఖ్యమైన దర్శకుడు అని ఇసైజ్ఞాని ఇళయరాజా (Isaignani Ilaiyaraaja) అన్నారు. అలాగే ‘విడుదలై’ (Viduthalai) చిత్రంలో తన నుంచి ఇప్పటివరకు సినీ ప్రేక్షకులు వినని సంగీతాన్ని వింటారని వ్యాఖ్యానించారు. ఆర్‌.ఎస్‌. ఇన్ఫోటై‌న్‌మెంట్‌ బ్యానరుపై నిర్మాత ఎల్‌రెడ్‌ కుమార్‌ నిర్మించిన ‘విడుదలై’ చిత్రం ఆడియో రిలీజ్‌ వేడుక తాజాగా చెన్నైలో జరిగింది. ఈ వేడుకలో ఇళయరాజా (Ilaiyaraaja) ఆసక్తికర వ్యాఖ్యలు చేశారు.

ఆయన మాట్లాడుతూ.. ‘‘ఈ మూవీ చిత్ర పరిశ్రమ ఇప్పటివరకు చూడని కాలంలో సాగుతుంది. వెట్రిమారన్‌ (Vetrimaaran) చెప్పే ఒక్కో కథ ఒక ఆణిముత్యంలాంటిది. సినీ ఇండస్ట్రీలో వెట్రిమారన్‌ కీలకమైన దర్శకుడు. ఈ సినిమాలో ఇప్పటివరకు వినని సరికొత్త సంగీతాన్ని ప్రేక్షకులు వింటారు’’ అని అన్నారు. అనంతరం దర్శకుడు వెట్రిమారన్‌ మాట్లాడుతూ.. ‘‘ఈ చిత్ర ప్రారంభోత్సవానికి ఇళయరాజా సార్‌ ఓ ముఖ్య కారణం. 45 నిమిషాలు సినిమా రూపొందించి, ఇళయరాజాకు చూపించాను. ఆయన పాటే ఈ చిత్రాన్ని ముందుకు తీసుకెళుతుంది. నేపథ్య సంగీతం వినగానే ఒక విధమైన అనుభూతికి లోనయ్యా. ఇళయరాజాతో కలిసి పనిచేయడం ఒక గొప్ప అనుభవం. ఆయన షేర్‌ చేసిన అనేక విషయాలు నాకు మంచి పాఠాలు వంటివి. ఇళయరాజా పాటలను వింటూ పెరిగాం. ఇపుడు ఆయన సంగీతాన్ని ఆనందంతో ఆస్వాదిస్తున్నాం’’ అని అన్నారు. (Viduthalai Audo Launch)

ఇంకా ఈ కార్యక్రమంలో విలక్షణ నటుడు విజయ్‌ సేతుపతి (Vijay Sethupathi) మాట్లాడుతూ.. ‘వడ చెన్నై’ (Vada Chennai) చిత్రంలో వెట్రిమారన్‌తో కలిసి పనిచేసే అవకాశాన్ని కోల్పోయా. అందుకే ‘విడుదలై’ చిత్రంలో నటించే ఛాన్స్‌ను మిస్‌ చేసుకోలేదు అన్నారు. నటుడు సూరి, హీరోయిన్‌ భవానీ శ్రీ, సంగీత దర్శకుడు సంతోష్‌ నారాయణన్‌, నిర్మాత కలైపులి ఎస్‌ థాను, నిర్మాత ఎల్‌రెడ్‌ కుమార్‌ తదితరులు ప్రసంగించారు.