Lokesh Kanagaraj: ఆ డైలాగ్ వివాదానికి పూర్తి బాధ్యత నాదే!
ABN , First Publish Date - 2023-10-09T17:44:08+05:30 IST
హీరో విజయ్ నటించిన తాజా చిత్రం ‘లియో’కు సంబంధించిన ట్రైలర్ను ఈ నెల 5న విడుదల చేయగా, అందులో ఓ అసభ్య పదజాలంతో కూడిన డైలాగ్ ఉంది. ఇది పెను దుమారం రేపింది. ఈ వివాదానికి పూర్తి బాధ్యత తనదేనని లియో దర్శకుడు లోకేష్ కనకరాజ్ స్పష్టం చేశారు. సూపర్స్టార్ రజనీకాంత్ నటించే 171 చిత్ర కథను ‘మానగరం’కు ముందే సిద్ధం చేశానని కూడా లోకేష్ చెప్పుకొచ్చారు.
![Lokesh Kanagaraj: ఆ డైలాగ్ వివాదానికి పూర్తి బాధ్యత నాదే!](https://media.chitrajyothy.com/media/2023/20230730/Lokesh_Kanakaraj_6e15bf3e42.jpg)
హీరో విజయ్ నటించిన తాజా చిత్రం ‘లియో’ (Leo)కు సంబంధించిన ట్రైలర్ను ఈ నెల 5న విడుదల చేయగా, అందులో ఓ అసభ్య పదజాలంతో కూడిన డైలాగ్ ఉంది. ఇది పెను దుమారం రేపింది. ఈ వివాదానికి పూర్తి బాధ్యత తనదేనని లియో దర్శకుడు లోకేష్ కనకరాజ్ (Lokesh Kanagaraj) స్పష్టం చేశారు. ఈనెల 19న లియో విడుదలకానుంది. దీన్ని పురస్కరించుకుని తాజాగా జరిగిన ఓ ప్రమోషన్ కార్యక్రమంలో ఆయన పాల్గొన్నారు.
ఈ కార్యక్రమంలో ఈ డైలాగ్ వివాదం గురించి మాట్లాడుతూ.. ‘‘సినిమాలో కచ్చితంగా ఆ డైలాగ్ ఉండాలి. అమాయకుడైన ఒక వ్యక్తి తీవ్ర మనోవేదనకు గురై అలా మాట్లాడుతారు. ఆ డైలాగ్ ఏ ఒక్కరినీ నొప్పించాలన్నది ఉద్దేశం కాదు. దీనిపై చెలరేగిన వివాదానికి పూర్తి బాధ్యత నాదే. దీనికి, విజయ్ (Vijay)కు ఎలాంటి సంబంధం లేదు. ఈ షాట్ చిత్రీకరణ సమయంలో ఈ డైలాగ్ అవసరమా? అని విజయ్ ప్రశ్నించగా, కథ డిమాండ్ మేరకు ఉండాలని చెప్పాను. యూట్యూబ్లో రిలీజ్ చేసే ట్రైలర్లో సెన్సార్ ఉండదు. కానీ, సెన్సార్ చేసే సమయంలో ఆ డైలాగ్ను మ్యూట్ చేస్తారు. కాబట్టి మూవీలో ఆ డైలాగ్ వినిపించదు. (Lokesh Kanagaraj about Leo Dialogue Controversy)
సూపర్స్టార్ రజనీకాంత్ (Super Star Rajinikanth) నటించే 171 చిత్ర కథను ‘మానగరం’కు ముందే సిద్ధం చేశాను. ఇందులో నా స్నేహితుడు ఒకరు నటించాల్సి ఉంది. ఆ కథలోనే ఇపుడు రజనీకాంత్ నటిస్తున్నారు. ఇటీవల రజనీని కలిసి 20 నిమిషాలు పాటు కథ వినిపించాను. ‘దుమ్ము రేపుదాం కన్నా’ అని ఆయన అన్నారు. రెండు వారాల క్రితం ఆఫీసును కూడా ప్రారంభించాం. మార్చి నెలాఖరు లేదా ఏప్రిల్ మొదటి వారంలో ఈ చిత్ర షూటింగ్ ప్రారంభమయ్యే అవకాశం ఉంది’’ అని వివరించారు.
ఇవి కూడా చదవండి:
============================
*Kangana Ranaut: నాకూ పెళ్లి చేసుకోవాలనే ఉంది.. కానీ?
******************************
*Sreeleela: కట్ చెప్పిన తర్వాత కూడా అదే ఎమోషన్లో ఉండేదాన్ని..
************************************
*Chiranjeevi: మీ మాటను వెనక్కి తీసుకోవాలి.. సినీ జర్నలిస్ట్ను కోరిన చిరు!
**********************************
*NBK: ‘భగవంత్ కేసరి’ ట్రైలర్లో చూసింది కొంతే.. చూడాల్సింది చాలా ఉంది.. అదంతా దాచి పెట్టాం!
*************************************
*Ganjam: మ్యారేజ్ అనంతరం త్రిగుణ్ చేస్తున్న సినిమా ఇదే.. టీజర్ విడుదల
**********************************
*Ayalaan: ట్రెండింగ్లో ‘అయలాన్’.. అందుకే సంక్రాంతికి అంటోన్న ఎస్.కె.
*************************************
*Manchu Lakshmi: మంచు లక్ష్మీ ‘ఆదిపర్వం’ లుక్.. అరాచకం అంతే..!
**************************************