అందుకే చిరు.. ‘ఠాగూర్’ సినిమాపై రాజశేఖర్ ఆసక్తికర వ్యాఖ్యలు

మెగాస్టార్ చిరంజీవి చేసిన ‘ఠాగూర్’ సినిమా, యాంగ్రీమ్యాన్ రాజశేఖర్ చేయాల్సిన సినిమా అని, చివరి నిమిషంలో చేతులు మారిందనేలా ఇప్పటికీ వార్తలు వినిపిస్తూనే ఉన్నాయి. ఆ వార్తలపై రాజశేఖర్ క్లారిటీ ఇచ్చారు.

మెగాస్టార్ చిరంజీవి (Megastar Chiranjeevi) చేసిన ‘ఠాగూర్’ (Tagore) సినిమా, యాంగ్రీమ్యాన్ రాజశేఖర్ (Angryman Rajasekhar) చేయాల్సిన సినిమా అని, చివరి నిమిషంలో చేతులు మారిందనేలా ఇప్పటికీ వార్తలు వినిపిస్తూనే ఉన్నాయి. తమిళ్‌లో పెద్ద హిట్టైన ఈ సినిమా హక్కులను మొదట రాజశేఖర్ సొంతం చేసుకుని, అడ్వాన్స్ చెల్లించారట. కానీ, అగ్రిమెంట్ చేసుకోకపోవడంతో, ఈ సినిమా చేతులు మారి నిర్మాత మధు (Producer Madhu) చేతికి వెళ్లిందని, వాళ్లు చిరంజీవితో ఆ సినిమా చేశారని తాజాగా ఓ ఇంటర్వ్యూలో రాజశేఖర్ తెలిపారు. అసలు ఈ చేతులు మారడం వెనుక ఏం జరిగింది? ఎందుకు రాజశేఖర్ ఈ సినిమా చేయలేకపోయారు? అనే ప్రశ్నలకు సమాధానమిస్తూ..

‘‘ఠాగూర్.. నేను చేయాల్సిన సినిమా. రైట్స్ నేను కొనుక్కున్నాను. ఆ సినిమా కొనుక్కొని అడ్వాన్స్ అంతా ఇచ్చేసి, నా ఫ్రెండే కదా అని అగ్రిమెంట్ చేసుకోలేదు. అప్పుడు.. ఠాగూర్ మధు ఉన్నారు కదా! ఆయన వెళ్లి, ఆ ప్రొడ్యూసర్‌ని కలిసి.. చిరంజీవితో అనుకుంటున్నామని, ఎక్కువ డబ్బులు ఇస్తానని చెప్పి, ఎక్కువ డబ్బులు ఇచ్చి రైట్స్ తీసుకున్నారు. నేను అప్పటికి అగ్రిమెంట్ చేయలేదు కాబట్టి నాకివ్వలేదు, వాళ్ళు పట్టుకెళ్ళిపోయారు.. అది జరిగింది’’ అంటూ, ఈ ఇంటర్వ్యూలో రాజశేఖర్ చెప్పుకొచ్చారు. ప్రస్తుతం ఈ వ్యాఖ్యలు వైరల్ అవడమే కాకుండా, దీనికి సంబంధించిన వీడియో సోషల్ మీడియాలో చక్కర్లు కొడుతోంది.

దీనిపై నెటిజన్లు రకరకాలుగా కామెంట్స్ చేస్తున్నారు. మెగా డామినేషన్ అప్పట్లో అలా ఉండేదని కొందరు అంటుంటే, మరికొందరు మాత్రం, రాజశేఖర్ ఈ సినిమా చేసుంటే, అంత పెద్ద హిట్టయ్యేది కాదని అంటున్నారు. చిరంజీవి ఈ సినిమా చేయడం, క్లైమాక్స్ మార్చడం వంటివి ప్లస్ అయ్యాయని.. అదే రాజశేఖర్ చేసి ఉంటే యాజీటీజ్‌గా చేసేవారని, అప్పుడది మరో ‘శేషు’ అయ్యేది అంటూ నెటిజన్లు చేస్తున్న కామెంట్స్‌తో ఈ వీడియో బాగా సంచారం చేస్తోంది. చిరంజీవి హీరోగా మాస్ డైరెక్టర్ వి.వి. వినాయక్ దర్శకత్వంలో ఈ సినిమా రూపుదిద్దుకుని సంచలన విజయాన్ని నమోదు చేసిన విషయం తెలిసిందే.

ఇవి కూడా చదవండి:

‘పెద్ది’ రిలీజ్ డేట్.. మరోసారి ‘లెనిన్’ త్యాగం చేయాల్సిందేనా!

తమన్నాతో బ్రేకప్.. మరో యంగ్ బ్యూటీని పట్టిన విజయ్ వర్మ!

పెయిడ్ సబ్‌స్క్రిప్షన్ ట్రెండ్‌లోకి మరో బ్యూటీ! ఇక పరువాల విందే!