‘జైలర్ 2’ ప్రీ-సేల్స్ విధ్వంసం: టాప్ 10 ఆల్‌టైమ్ లిస్ట్‌లో రజనీ రికార్డ్

సూపర్ స్టార్ రజనీకాంత్, డార్క్ కామెడీ డైరెక్టర్ నెల్సన్ దిలీప్‌కుమార్ కలయికలో తెరకెక్కిన మోస్ట్ యాంటిసిపేటెడ్ సీక్వెల్ ‘జైలర్ 2’ నేడు (అక్టోబర్ 15) ప్రపంచవ్యాప్తంగా థియేటర్లలోకి అడుగుపెట్టింది.

సూపర్ స్టార్ రజనీకాంత్ (Super Star Rajinikanth), డార్క్ కామెడీ డైరెక్టర్ నెల్సన్ దిలీప్‌కుమార్ కలయికలో తెరకెక్కిన మోస్ట్ యాంటిసిపేటెడ్ సీక్వెల్ ‘జైలర్ 2’ (Jailer 2) నేడు (అక్టోబర్ 15) ప్రపంచవ్యాప్తంగా థియేటర్లలోకి అడుగుపెట్టింది. విడుదలైన తొలి ఆట నుంచే అభిమానుల ఈలలు, గోలలతో థియేటర్లు దద్దరిల్లిపోతున్నాయి. భారీ అంచనాల నడుమ ప్రేక్షకుల ముందుకు వచ్చిన ఈ సినిమా, బాక్సాఫీస్ వద్ద తన అసలైన స్టామినాను ప్రీ-సేల్స్ రూపంలోనే చాటిచెప్పింది. తమిళనాడులో ఆల్‌టైమ్ అత్యధిక ప్రీ-సేల్స్ కలెక్షన్లు సాధించిన చిత్రాల టాప్ 10 జాబితాలోకి ‘జైలర్ 2’ ఘనంగా ఎంట్రీ ఇచ్చింది.

ఈ సినిమా అడ్వాన్స్ బుకింగ్స్ ప్రారంభమైన క్షణం నుంచే తమిళనాట టిక్కెట్ల కోసం విపరీతమైన పోటీ నెలకొంది. కేవలం తమిళనాడు బాక్సాఫీస్ వద్దే ఈ చిత్రం రూ. 14 కోట్లకు పైగా ప్రీ-సేల్స్ గ్రాస్‌ను కొల్లగొట్టింది. గతంలో వచ్చిన ‘జైలర్’ (తొలి భాగం) సాధించిన రూ. 13.35 కోట్ల ప్రీ-సేల్స్ రికార్డును ‘జైలర్ 2’ అలవోకగా తిరగరాసింది. అంతేకాకుండా మణిరత్నం డ్రీమ్ ప్రాజెక్ట్ ‘పొన్నియిన్ సెల్వన్ 1’ (రూ. 13.75 కోట్లు) కలెక్షన్లను కూడా వెనక్కి నెట్టి ఆల్‌టైమ్ లిస్ట్‌ (Pre Sales Record)లో 8వ స్థానాన్ని దక్కించుకుంది.

టాప్ ప్లేస్‌లో లోకేష్-రజనీ ‘కూలీ’!

తమిళనాడు ఆల్‌టైమ్ ప్రీ-సేల్స్ చార్ట్‌లో రజనీకాంత్-లోకేష్ కనగరాజ్ కాంబోలో వచ్చిన ‘కూలీ’ రూ. 19 కోట్ల గ్రాస్‌తో నంబర్ 1 స్థానంలో కొనసాగుతోంది. ఆ తర్వాత దళపతి విజయ్ చిత్రాలు ‘లియో’ (రూ. 18.8 కోట్లు), ‘ది గోట్’ (రూ. 18.10 కోట్లు) తర్వాతి స్థానాల్లో ఉన్నాయి.

తమిళనాడు ఆల్‌టైమ్ టాప్ 10 ప్రీ-సేల్స్ చిత్రాలు:

కూలీ- రూ. 19 కోట్లు

లియో- రూ. 18.8 కోట్లు

ది గోట్ (The GOAT)- రూ. 18.10 కోట్లు

గుడ్ బ్యాడ్ అగ్లీ – రూ. 17.4 కోట్లు

బీస్ట్ – రూ. 17.3 కోట్లు

జననాయగన్ – రూ. 17.25 కోట్లు

విడాముయర్చి – రూ. 16.5 కోట్లు

జైలర్ 2 – రూ. 14 కోట్లు +

పొన్నియిన్ సెల్వన్-1 – రూ. 13.75 కోట్లు

జైలర్ – రూ. 13.35 కోట్లు

నేడు థియేటర్లలోకి వచ్చిన ‘జైలర్ 2’కు పాజిటివ్ టాక్ రావడంతో, తొలి రోజే తమిళనాడుతో పాటు ప్రపంచవ్యాప్తంగా రికార్డు స్థాయి ఓపెనింగ్స్ నమోదయ్యే అవకాశాలు స్పష్టంగా కనిపిస్తున్నాయి.

ఇవి కూడా చదవండి:

విశాఖలో మెగాస్టార్ చిరంజీవి మల్టీప్లెక్స్.. లీక్ చేసిన ఎమ్మెల్యే

బాలీవుడ్‌కు కృతి శెట్టి.. ఫస్ట్ ఫిల్మ్ షూటింగ్ ప్రారంభం

MS Subbulakshmi Biopic: మొన్న కమల్.. ఇప్పుడు రజనీ..