Rashmika Mandanna: ది గర్ల్ ఫ్రెండ్ నుండి మరో గీతం!

నేషనల్ క్రష్ రష్మికా మందణ్ణ (Rashmika Mandanna), దీక్షిత్ శెట్టి (Deekishith Shetty) ప్రధాన పాత్రలు పోషించిన సినిమా 'ది గర్ల్ ఫ్రెండ్' (The Girlfriend). రాహుల్ రవీంద్రన్ (Rahul Ravindran) దర్శకత్వంలో విద్య కొప్పినీడి, ధీరజ్ మొగిలినేని నిర్మించిన ఈ చిత్రానికి అల్లు అరవింద్ సమర్పకుడిగా వ్యవహరిస్తున్నారు. నవంబర్ 7న సినిమా విడుదల కాబోతున్న నేపథ్యంలో థర్డ్ సింగిల్ ను మేకర్స్ రిలీజ్ చేశారు. 'లాయీ లే...' అంటూ సాగే ఈ పాటను హేషమ్ అబ్దుల్ వహాబ్ స్వర పర్చగా, రాకేందు మౌళి రాశారు. దీన్ని కపిల్ కపిలన్ అద్భుతంగా పాడారు. అమాయకురాలైన అమ్మాయిని తెలివిగా ఎర వేసే ఉచ్చులోకి లాగే కపట ప్రేమికులు ఉంటారని ఈ పాట ద్వారా చెప్పకనే చెప్పాడు దర్శకుడు. ఈ పాటలో హీరో మనస్తత్త్వాన్ని అన్యోపదేశంగా చెప్పారు. దాంతో హీరో, హీరోయిన్ల మధ్య ఉండే బంధాలు ఎలా ఉంటాయనే విషయంలో ఆడియెన్స కు అవగాహన ఏర్పడుతుంది.