Rishabh Shetty: టాప్ 1 పొజిషన్ కు చేరువలో...

'కాంతార' (kantara) సినిమాతో జాతీయ ఉత్తమ నటుడుగా ఎంపికైన రిషభ్‌ శెట్టి (Rishabh Shetty) ఇప్పుడు దాని ప్రీక్వెల్ తోనూ మరోసారి తన సత్తాను చాటాడు. రాబోయే అవార్డుల సంగతి ఏమో కానీ ప్రస్తుతం కమర్షియల్ గా ఈ సినిమాను విజయపథంలోకి లోకి తీసుకెళ్ళాడు రిషభ్‌. అతనిలోని నటుడు, దర్శకుడు ఇద్దరూ ఒకరితో ఒకరు పోటీ పడి సై అంటే సై అనే రీతిలో ఈ సినిమాకు పని చేసిన భావన ప్రతి ప్రేక్షకుడికీ కలిగేలా చేశాడు.

తాజాగా 'కాంతార : చాప్టర్ 1' సినిమా ప్రపంచవ్యాప్తంగా రూ. 717.50 కోట్ల గ్రాస్ ను వసూలు చేసింది. తెలుగులో రెండు వారాలకు గానూ 105 కోట్ల రూపాయల గ్రాస్ ను వసూలు చేసింది. ఓ కన్నడ డబ్బింగ్ సినిమా వంద కోట్ల గ్రాస్ ను తెలుగులో వసూలు చేయడమనేది నిజంగా ఊహకందని విషయం. ఇప్పటికీ 'కాంతార' థియేటర్లలో సందడి చేస్తూనే ఉంది. అందుకనే ఈ యేడాది ఇంతవరకూ రూ. 800 కోట్ల గ్రాస్ ను సాధించి, అగ్రస్థానంలో ఉన్న 'ఛావా' (Chaawa) సినిమాను 'కాంతార : చాప్టర్ 1' అధిగమిస్తుందని ట్రేడ్ వర్గాలు భావిస్తున్నాయి. ఇంకా కేవలం రెండున్నర నెలలు మాత్రమే ఉండటం, ఈ సమయంలో చెప్పుకోదగ్గ పెద్ద చిత్రమేదీ లేకపోవడంతో ఈ యేడాది 'కాంతార: చాప్టర్ 1' టాప్ పొజిషన్ లో నిలుస్తుందని అంటున్నారు. మరి బాలకృష్ణ 'అఖండ -2' (Akhanda -2) సినిమా సైతం పాన్ ఇండియా స్థాయిలో బరిలోకి దిగుతోంది కాబట్టి... దాని ఫలితం ఎలా ఉంటుందో, ఎన్ని కోట్ల వసూలు చేస్తుందో చూడాలి.

Also Read: Telusu Kada : తెలుసు కదా మూవీ రివ్యూ

Also Read: Saamrajyam: నా స్టోరీని ఎన్టీఆర్‌తో.. చేపించండి కుమ్మేస్తాడు! అదిరిన శింబు సామ్రాజ్యం ప్రోమో