Vijayashanthi: నా దూకుడు, పోరాటం వెనుక ఉండేది ఎప్పుడూ వారే..

ABN , First Publish Date - 2023-07-06T22:14:42+05:30 IST

‘ది యాక్షన్ క్వీన్ ఆఫ్ ఇండియన్ సినిమా’ అంటూ విజయశాంతి యాక్షన్ సీన్స్‌తో నిండిన ఓ వీడియోను.. పవర్ ఫుల్ తమిళ సాంగ్‌తో ఆమె అభిమానులు విడుదల చేశారు. ఈ వీడియోని చూసిన విజయశాంతి మరోసారి తన ‘కర్తవ్యం’ సినిమా రోజులని గుర్తు చేసుకుంటూ సోషల్ మీడియా వేదికగా ఓ పోస్ట్ చేశారు. ఆ పోస్ట్ ఇప్పుడు వైరల్ అవుతోంది.

Vijayashanthi

తాజాగా లేడీ సూపర్ స్టార్ విజయశాంతి (Vijayashanthi) తన సోషల్ మీడియా వేదికగా ఓ వీడియోను షేర్ చేసి.. ఆ వీడియోని క్రియేట్ చేసిన వారి గురించి రాసుకొచ్చింది. ఈ వీడియో విజయశాంతి పాలిటిక్స్‌కు సంబంధించినది కాదు. కానీ నా తెంపరితనం, దూకుడు, పోరాటం వారే అంటూ ఆమె చేసిన పోస్ట్ ప్రస్తుతం టాక్ ఆఫ్ ద సోషల్ మీడియాగా వైరల్ అవుతోంది. ఈ ట్వీట్‌కు నెటిజన్లు కూడా ‘మాస్ తలైవి’ అంటూ కామెంట్స్ చేస్తుండటం విశేషం.

‘ది యాక్షన్ క్వీన్ ఆఫ్ ఇండియన్ సినిమా’ (The Action Queen of Indian Cinema) అంటూ విజయశాంతి యాక్షన్ సీన్స్‌తో నిండిన ఓ వీడియోను.. పవర్ ఫుల్ తమిళ సాంగ్‌తో ఆమె అభిమానులు విడుదల చేశారు. ఈ వీడియోని చూసిన విజయశాంతి మరోసారి తన ‘కర్తవ్యం’ (Karthavyam Movie) సినిమా రోజులని గుర్తు చేసుకున్నారు. ఆ వీడియోని పోస్ట్ చేసిన విజయశాంతి..

‘‘నా తెంపరితనం, దూకుడు, పోరాటం ఎప్పుడు అభిమానులే... మీ వీడియో దృష్ట్యా ఇది, కళాకారిణిగా నాకు మీరు ప్రసాదించిన జన్మ బంధం, వరం ఎప్పటికి.. మీరు అభిమానంతో ఇచ్చే ఈ గౌరవాన్ని కాపాడుకోవడంలో.. అదే మీ ఆవేశం, సినిమా అయినా.. ప్రజా జీవనమైనా నాకు ఎన్నటికి స్ఫూర్తిపూర్వకం... మీ రాములమ్మ (Ramulamma)’’ అంటూ పోస్ట్ చేశారు.

ఇక ఈ పోస్ట్ చూసిన నెటిజన్లు.. ‘‘మీ అభిమానులుగా మేము మీతోనే ఉంటాము, అభిమానులపై మీరు చూపించే ప్రేమ అజరామరం. మీరే మాకు స్ఫూర్తి, మీరు చూపించిన నీతి, నిజాయితీ, పట్టుదల, కృషి బాటలోనే విజయశాంతిగారి అభిమానులుగానే మా జీవనం ఎన్నటికీ..’, ‘మాస్ తలైవి’ (Mass Thalaivi), ‘మాస్ లేడీ సూపర్‌స్టార్’ అంటూ విజయశాంతిపై ఉన్న అభిమానాన్ని చాటుకుంటున్నారు.