Thangalaan: విక్రమ్ ‘తంగలాన్‌’ ఎంత వరకు వచ్చిందంటే..
ABN , First Publish Date - 2023-07-06T17:38:26+05:30 IST
చియాన్‌ విక్రమ్, మాళవిక మోహనన్‌ జంటగా పా.రంజిత్‌ దర్శకత్వంలో రూపొందుతున్న ‘తంగలాన్‌’ చిత్ర అప్‌డేట్‌ని మేకర్స్ విడుదల చేశారు. ప్రస్తుతం ఈ సినిమా షూటింగ్ పూర్తి చేసుకుని పోస్ట్ ప్రొడక్షన్ కార్యక్రమాలను జరుపుకుంటున్నట్లుగా మేకర్స్ వెల్లడించారు. విక్రమ్ కూడా తన ట్విట్టర్ వేదికగా ఈ సినిమా షూటింగ్ పూర్తయినట్లుగా తెలుపుతూ కొన్ని ఫొటోలను షేర్ చేశారు.
చియాన్‌ విక్రమ్ (Chiyaan Vikram), మాళవిక మోహనన్‌ (Malavika Mohanan) జంటగా పా.రంజిత్‌ (Pa Ranjith) దర్శకత్వంలో రూపొందుతున్న ‘తంగలాన్‌’ (Thangalaan) చిత్ర అప్‌డేట్‌ని మేకర్స్ విడుదల చేశారు. ప్రస్తుతం ఈ సినిమా షూటింగ్ పూర్తి చేసుకుని పోస్ట్ ప్రొడక్షన్ కార్యక్రమాలను జరుపుకుంటున్నట్లుగా మేకర్స్ వెల్లడించారు. మొత్తం 118 రోజుల పాటు సాగిన ఈ సినిమా షూటింగ్ మంగళవారంతో ముగిసినట్టు చిత్రం బృందం అధికారికంగా వెల్లడించింది. ఈ సందర్భంగా విక్రమ్, మాళవిక తమ పాత్రల వేషధారణలో ఉండగా, వారితో కలిసి దర్శకుడు రంజిత్‌ దిగిన ఫొటోను మీడియాకు విడుదల చేశారు.
కేజీఎఫ్‌ (Kolar Gold Fields- KGF) బ్యాక్‌డ్రాప్‌లో పీరియాడిక్‌ మూవీగా ఈ సినిమా రూపొందుతోంది. బ్రిటీష్‌ పాలనలో కర్ణాటక రాష్ట్రంలోని కోలార్‌ గోల్డ్‌ ఫ్యాక్టరీ, బంగారు గనుల్లో పనిచేసిన కూలీలపై ఈ సినిమాను దర్శకుడు చిత్రీకరించారు. ప్రముఖ నిర్మాత కేఈ జ్ఞానవేల్‌ రాజా తన సొంత నిర్మాణ సంస్థ స్టూడియో గ్రీన్‌ బ్యానరుపై భారీ బడ్జెట్‌తో తెరకెక్కించారు. ఈ చిత్ర నిర్మాణంలో పా.రంజిత్‌ సొంత బ్యానరు నీలం ప్రొడక్షన్స్‌ కూడా పాలుపంచుకుంది. చిత్ర పోస్ట్ ప్రొడక్షన్ పనులు పూర్తి చేసి.. సంక్రాంతికి విడుదల చేసేందుకు మేకర్స్ సన్నాహాలు చేస్తున్నారు. (Thangalaan Shooting Wrapped)
ఈ చిత్రానికి ఈ మధ్యకాలంలో సక్సెస్‌ఫుల్ సంగీత దర్శకుడిగా వరుస అవకాశాలను చేజిక్కించుకుంటున్న జీవీ ప్రకాష్‌ కుమార్‌ (GV Prakash Kumar) సంగీతం అందిస్తున్నారు. కాగా, ఈ చిత్ర షూటింగ్ పూర్తి కావడంపై విక్రమ్ ట్విటర్‌లో తన సంతోషాన్ని వ్యక్తం చేస్తూ ట్వీట్‌ చేశారు. ‘ఈ సినిమా కోసం 118 రోజుల పాటు గొప్ప వ్యక్తులతో కలిసి పనిచేశా. అద్భుతమైన అనుభవాలను ఈ సినిమా ఇచ్చింది. ఒక కొత్త ప్రపంచంలో గడిపినట్టుగా అనిపించింది’ అని పేర్కొన్నారు.
ఇవి కూడా చదవండి:
**************************************
*Lavanya Tripathi: పెళ్లి కళ వచ్చేసింది.. ఎంగేజ్‌మెంట్ తర్వాత ఎంత మార్పు వచ్చిందో చూశారా!
**************************************
*Nikhil: ఇక ఆ తప్పు జరగనివ్వను.. సారీ చెప్పిన హీరో నిఖిల్
**************************************
*Pawan Kalyan: మళ్లీ విడాకులు అంటున్న వారికి చెప్పుతో కొట్టినట్లుగా సమాధానం
**************************************
*NKR21: మరో యంగ్ దర్శకుడితో.. యాక్షన్-ప్యాక్డ్ అవతార్‌లో.. కళ్యాణ్ రామ్ స్పీడ్ చూశారా!
**************************************