Adivi Sesh: సైన్స్‌ అంటే ఎంత ఇష్టమో.. గణితం అంటే అంత భయం

ABN , First Publish Date - 2023-03-23T22:35:20+05:30 IST

సైన్స్‌ (Science) అంటే ఎంత ఇష్టమో గణితం (Maths) అంటే అంత భయమని అన్నారు యంగ్ హీరో అడవి శేష్ (Adivi Sesh). హైదరాబాద్‌ మాదాపూర్‌లోని ఓ హోటల్‌లో

Adivi Sesh: సైన్స్‌ అంటే ఎంత ఇష్టమో.. గణితం అంటే అంత భయం

Hero Adivi Sesh

సైన్స్‌ (Science) అంటే ఎంత ఇష్టమో గణితం (Maths) అంటే అంత భయమని అన్నారు యంగ్ హీరో అడవి శేష్ (Adivi Sesh). హైదరాబాద్‌ మాదాపూర్‌లోని ఓ హోటల్‌లో గుడ్‌ స్కూల్‌ యాప్‌ (Good School App)ను ఆయన ప్రారంభించారు. ఈ సందర్భంగా ఆయన మాట్లాడుతూ.. చదవడం ఎంత ముఖ్యమో.. చదవి అంశాన్ని గుర్తు పెట్టుకోవడం అంతే ముఖ్యం. పరీక్షల (Exams) సయమంలో తీవ్ర ఒత్తిడికి గురి కాకుండా సులభమైన పద్ధతితో నేర్చుకోని గుర్తు పెట్టుకోవాలి. తెలుగు, ఆంగ్లంలో బోధన అందించడం ద్వారా గ్రామీణ ప్రాంత పిల్లలకు సైతం ఎంతో ఉపయోగంగా ఉంటుంది. తెలుగు వారికి కావాల్సిన రీతిలో విద్యను అందించేందుకు యాప్‌ను అందుబాటులోకి తీసుకరావడం చాలా ఆనందంగా ఉందని అన్నారు. ప్రస్తుతం గూఢచారి 2 (Gudachari 2) చిత్రం సెట్స్‌పై ఉందని.. త్వరలో ప్రేక్షకుల ముందుకు రానుందని.. ఈ తర్వాత హాలీవుడ్‌ (Hollywood) తరహా చిత్రంలో నటిస్తున్నట్లు ఆయన చెప్పుకొచ్చారు. (Adivi Sesh Launches Good School App)

విద్యార్థులకు నాణ్యత గల దృశ్యమాన కంటెంట్‌ను అందించడానికి ప్రత్యేకంగా రూపొందించబడిన కొత్త-ఏజ్డ్-టెక్కో సిస్టమ్, గుడ్ స్కూల్ యాప్‌ అని ఛైర్మన్‌ వెంకట్‌రెడ్డి (Venkat Reddy) అన్నారు. శిక్షణతో పాటు, ఇది విశిష్టమైన విద్యా అనుభవాలను అందిస్తున్నట్లు ఆయన చెప్పారు. ఇందులో సహకారం, సృజనాత్మకత, ఆట నేర్చుకునే విధంగా రూపొందించినట్లు ఆయన తెలిపారు. ఇంకా ఈ కార్యక్రమంలో ఎండీ శ్రీనివాసరావు, సీఈవో విజయ్‌ భాస్కర్‌, విద్యారంగానికి సంబంధించిన ప్రముఖులు పున్నమి కృష్ణ, మేములపాటి శ్రీధర్‌, అజయ్‌ కుమార్‌ తదితరులు పాల్గొన్నారు.