‘వారణాసి’ కీలక అప్‌డేట్.. ఇంత స్పీడ్ ఏంటి జక్కన్నా?

‘బాహుబలి’, ‘ఆర్ఆర్ఆర్’ చిత్రాలతో అంతర్జాతీయ స్థాయిలో భారతీయ సినిమా సత్తా చాటిన దర్శక ధీరుడు ఎస్.ఎస్. రాజమౌళి, ప్రజంట్ సూపర్ స్టార్ మహేష్ బాబుతో చేస్తోన్న ‘వారణాసి’ చిత్రాన్ని పరుగులు పెట్టిస్తున్నారు.

గ్లోబల్ బాక్సాఫీస్ వద్ద రికార్డులను తిరగరాసేందుకు సిద్ధమవుతున్న భారీ విజువల్ వండర్ ‘వారణాసి’ (Varanasi). ‘బాహుబలి’, ‘ఆర్ఆర్ఆర్’ చిత్రాలతో అంతర్జాతీయ స్థాయిలో భారతీయ సినిమా సత్తా చాటిన దర్శక ధీరుడు ఎస్.ఎస్. రాజమౌళి (SS Rajamouli), సూపర్ స్టార్ మహేష్ బాబు (Super Star Mahesh Babu) కాంబినేషన్‌లో వస్తున్న ఈ గ్లోబ్-ట్రాటింగ్ మైథలాజికల్ యాక్షన్ అడ్వెంచర్‌పై ప్రపంచవ్యాప్తంగా కనీవినీ ఎరుగని విధంగా అంచనాలు నెలకొన్నాయి. గ్లోబల్ బ్యూటీ ప్రియాంకా చోప్రా కథానాయికగా, మలయాళ స్టార్ హీరో పృథ్వీరాజ్ సుకుమారన్ ప్రధాన ప్రతినాయకుడిగా నటిస్తున్న ఈ పాన్-వరల్డ్ ప్రాజెక్ట్ గతేడాది 2025లో గ్రాండ్‌గా సెట్స్‌పైకి వెళ్లిన సంగతి తెలిసిందే. రాజమౌళి సినిమా అంటేనే సుదీర్ఘ కాలం పాటు షూటింగ్ సాగుతుందనే ముద్ర పరిశ్రమలో ఉంది. కానీ అందరి అంచనాలను తలకిందులు చేస్తూ, జక్కన్న ఎన్నడూ లేనంత వేగంతో ఈ ప్రాజెక్ట్‌ను పరుగులు పెట్టిస్తూ ఇచ్చిన తాజా అప్‌డేట్ ఇప్పుడు సినీ ప్రియులను, సూపర్ స్టార్ ఫ్యాన్స్‌ను ఆశ్చర్యపరుస్తోంది.

విశ్వసనీయ సమాచారం ప్రకారం.. ‘వారణాసి’ చిత్ర నిర్మాణ పనులు ఇప్పటికే దాదాపు 90 శాతానికి పైగా పూర్తయిపోయినట్లు రాజమౌళి స్వయంగా వెల్లడించారు. కేవలం ఏడాదిన్నర వ్యవధిలోనే అంతర్జాతీయ లొకేషన్లు సహా భారీ ఎపిసోడ్స్‌ను చకచకా లాక్ చేసేయడం నిజంగా ఆశ్చర్యకరం. మరీ ముఖ్యంగా మహేష్ బాబుకు సంబంధించిన మెజారిటీ షూటింగ్ పార్ట్ మొత్తం ఇప్పటికే కంప్లీట్ అయిపోయింది. ప్రస్తుతం హైదరాబాద్‌లోని ప్రత్యేక సెట్‌లో మహేష్ బాబుకు సంబంధించిన హై-వోల్టేజ్ ఇంట్రడక్షన్ ఎపిసోడ్‌ను రాజమౌళి అత్యంత భారీ స్కేల్‌లో తెరకెక్కిస్తున్నారు. ఈ ఒక్క ఇంట్రో సీక్వెన్స్ చిత్రీకరణ ముగిస్తే.. సూపర్ స్టార్‌ పోర్షన్‌కు సంబంధించిన షూట్ ముగిసినట్లేనని సమాచారం.

సాధారణంగా రాజమౌళి షూటింగ్ మొత్తం పూర్తయిన తర్వాతే పోస్ట్-ప్రొడక్షన్ పనులపై దృష్టి పెడతారు. కానీ ‘వారణాసి’ విషయంలో హాలీవుడ్ తరహా పక్కా ప్రణాళికను అమలు చేస్తున్నారు. ఒకవైపు సెట్స్‌పై చిత్రీకరణ జరుగుతుండగానే.. మరోవైపు సమాంతరంగా డబ్బింగ్, ఎడిటింగ్, నేపథ్య సంగీతం, హై-ఎండ్ విజువల్ ఎఫెక్ట్స్ పనులను శరవేగంగా నడిపిస్తున్నారు. షూట్ జరుగుతున్న క్రమంలోనే పోస్ట్-ప్రొడక్షన్ వర్క్స్ కూడా శరవేగంగా పూర్తి చేస్తుండటంతో సినిమా అనుకున్న సమయానికే గ్రాండ్ రిలీజ్‌కు రెడీ అవుతోంది. ఎప్పుడూ లేని విధంగా జక్కన్న చూపుతున్న ఈ రాకెట్ స్పీడ్ చూసి.. ‘‘ఇంత స్పీడ్ ఏంటి జక్కన్నా.. మామూలోడివి కాదు!’’ అంటూ నెటిజన్లు, సినీ వర్గాలు ఆశ్చర్యపోతున్నాయి. మహేష్ బాబును సరికొత్త అవతారంలో చూపించనున్న ఈ విజువల్ స్పెక్టాకిల్‌తో బాక్సాఫీస్ వద్ద సరికొత్త చరిత్ర లిఖించడం ఖాయంగా కనిపిస్తోంది.

ఇవి కూడా చదవండి:

TFTDDA: జానీ మాస్టర్ వైఫ్ సుమలత స్కెచ్ అదిరిందిగా.. కోర్టు సంచలన తీర్పు

దేవిశ్రీ కాదు.. సుక్కు, చరణ్ ‘RC17’ మ్యూజిక్ డైరెక్టర్ ఎవరంటే?

నా జీవితంలో నటించిన వారికి ఆస్కార్‌ ఇవ్వొచ్చు: ఆర్తి