Rashmika: విజయ్ కష్టాన్ని చూసి ఆనందంతో పొంగిపోయిన రష్మిక!
ABN, Publish Date - Oct 17 , 2026 | 06:54 PM
రాహుల్‌ సాంకృత్యాన్‌ దర్శకత్వం వహించిన ‘రణబాలి’ సినిమాలో రష్మిక పోషించిన జయమ్మ పాత్రకు వస్తున్న స్పందనపై రష్మిక భావోద్వేగానికి గురయ్యారు.
"విజయ్.. నీకు ఎప్పుడూ ఒక మాట చెబుతూనే ఉంటాను. ఇప్పుడూ అదే చెబుతున్నాను. నీ కష్టపడే గుణానికి నేను అభిమానిని. ఇప్పుడు నీ కష్టాన్ని ప్రేక్షకులు, సన్నిహితులు అందరూ మెచ్చుకుంటుంటే, నాలో ఆనందం ఉప్పొంగుతోంది. మనసంతా ప్రశాంతతతో నిండిపోయింది. ఇప్పటికే ఈ సినిమాను చూసినవారికి గట్టిగా హగ్స్‌ ఇచ్చి నా ప్రేమను తెలియజేస్తున్నాను. ప్రేమతో, మీ జయమ్మ’’ అని రష్మిక సోషల్ మీడియాలో పోస్టు చేస్తారు. ప్రస్తుతం ఆమె పోస్ట్ నెట్టింట వైరల్ అవుతోంది. విజయ్ దేవరకొండ, రష్మిక నటించిన చిత్రం ‘రణబాలి’. రాహుల్‌ సాంకృత్యాన్‌ దర్శకత్వం వహించిన ఈ సినిమా శుక్రవారం ప్రేక్షకుల ముందుకు వచ్చింది. ఈ సినిమాలో ఆమె పోషించిన జయమ్మ పాత్రకు వస్తున్న స్పందనపై రష్మిక భావోద్వేగానికి గురయ్యారు.
"జయమ్మ.. ప్రేమ ఎంతో స్వచ్ఛమైనది. ఓ మహిళగా ఉండటమంటే ఏంటో ఆమె నాకు నేర్పింది. ప్రజల కోసం నిలవడం, తనవారిని కాపాడుకోవడం, ప్రేమను పంచడం..స్త్రీతత్వానికి అర్థమని తెలియపరిచింది. రణబాలి, జయమ్మలపై కురిపిస్తున్న ప్రేమను చూసి ఎంతో ఆనందం, ఉద్వేగం కలుగుతోంది. థియేటర్లలో ఎంజాయ్ చేయాల్సిన ఓ అద్భుతమైన అనుభూతి ఈ సినిమా' అని పోస్టులో పేర్కొన్నారు.
ఇవి కూడా చదవండి:
‘కల్కి 2’ షూటింగ్‌పై అప్‌డేట్.. సాయిపల్లవి ఎంట్రీపై టాక్
దీపావళి రేసులో సూర్య, నయనతార.. విజేత ఎవరు?
‘బాషా’, ‘మాస్టర్’, ‘తొలిప్రేమ’ సంగీత దర్శకుడు దేవా కన్నుమూత