హిట్లు లేకున్నా అరడజను సినిమాలు.. నిధి సక్సెస్‌ సీక్రెట్‌ అదేనా..

సినీ పరిశ్రమలో గ్లామర్, టాలెంట్ రెండూ ఉన్నా.. అదృష్టం అనే చిన్న ఫ్యాక్టర్ కలిసి రాకపోతే స్టార్‌డమ్ అంత తేలిగ్గా దక్కదు. సరిగ్గా ఇదే పరిస్థితిని ప్రస్తుతం ఎదుర్కొంటున్నారు అందాల భామ నిధి అగర్వాల్.

సినీ పరిశ్రమలో గ్లామర్, టాలెంట్ రెండూ ఉన్నా.. అదృష్టం అనే చిన్న ఫ్యాక్టర్ కలిసి రాకపోతే స్టార్‌డమ్ అంత తేలిగ్గా దక్కదు. సరిగ్గా ఇదే పరిస్థితిని ప్రస్తుతం ఎదుర్కొంటున్నారు అందాల భామ నిధి అగర్వాల్ (Nidhhi Agerwal). చూడ్డానికి అదిరిపోయే గ్లామర్, యూత్‌ను ఆకట్టుకునే స్క్రీన్ ప్రెజెన్స్.. అన్నీ ఉన్నా బాక్సాఫీస్ దగ్గర ఆశించిన స్థాయి సాలిడ్ బ్రేక్ మాత్రం ఇంకా దక్కడం లేదు. కెరీర్ మొదలై ఇన్నేళ్లవుతున్నా.. ఆమె సక్సెస్ గ్రాఫ్ మాత్రం ఆశించిన వేగాన్ని అందుకోలేకపోతోంది. తెలుగులో వచ్చిన రెండు భారీ సినిమాలు డిజాస్టర్‌ కావడంతో అమ్మడి కెరీర్‌ ఖతం అనుకున్న వాళ్లకు ధీటుగా వరుస ప్రాజెక్ట్స్‌తో అందరికీ షాక్‌ ఇచ్చింది ఈ హాట్‌ బ్యూటీ..

2018లో నాగచైతన్య హీరోగా వచ్చిన ‘సవ్యసాచి’ సినిమాతో టాలీవుడ్‌లో గ్రాండ్‌గా అడుగుపెట్టారు నిధి. ఆ తర్వాత అక్కినేని అఖిల్‌తో ‘మిస్టర్ మజ్ను’ చేసి యూత్‌లో మంచి క్రేజ్ తెచ్చుకున్నారు. ఇక రామ్ పోతినేని - పూరి జగన్నాథ్ కాంబినేషన్‌లో వచ్చిన ‘ఇస్మార్ట్ శంకర్’ సినిమా ఆమె కెరీర్‌కే ఒక పెద్ద టర్నింగ్ పాయింట్‌గా మారింది. ఆ సినిమాలో నిధి గ్లామర్, యాక్టింగ్‌కు మాస్ ఆడియన్స్ ఫిదా అయ్యారు. ఇక అక్కడి నుంచి ఆమె స్టార్ హీరోయిన్ల లీగ్‌లోకి దూసుకెళ్తుందని అంతా అనుకున్నారు. కానీ, విధి మరోలా తలచింది. ‘ఇస్మార్ట్ శంకర్’ ఇచ్చిన ఊపును కంటిన్యూ చేసే మరో బలమైన హిట్ ఆమె ఖాతాలో పడలేదు. ఆ తర్వాత పవన్ కళ్యాణ్ మోస్ట్ ప్రెస్టీజియస్ పాన్ ఇండియా మూవీ ‘హరిహర వీరమల్లు’ (Hari Hara Veeramallu), రెబల్ స్టార్ ప్రభాస్ ‘ది రాజా సాబ్’ (The Raja Saab) వంటి భారీ ప్రాజెక్టులలో నిధి కీలక పాత్రలు దక్కించుకున్నారు. ఒక హీరోయిన్‌కు ఇలాంటి బిగ్ లీగ్ ప్రాజెక్టులు దక్కడం అంటే మామూలు విషయం కాదు. అయితే ప్రాజెక్టులు ఎంత భారీ స్థాయిలో ఉన్నా, అనివార్య కారణాల వల్ల రిలీజ్ ఆలస్యం కావడం లేదా బాక్సాఫీస్ వద్ద ఆశించిన స్థాయి ఫలితాలు రాకపోవడం వల్ల ఆమె కెరీర్‌కు రావాల్సిన అసలైన మైలేజ్ మాత్రం రాలేదనే చెప్పాలి. అయితే ఇక్కడే సినీ విశ్లేషకులను సైతం ఆశ్చర్యపరిచే ఒక ఆసక్తికరమైన ట్విస్ట్ ఉంది. సాధారణంగా చిత్ర పరిశ్రమలో సరైన హిట్లు లేకపోతే అవకాశాలు తగ్గడం సహజం. కానీ నిధి అగర్వాల్ విషయంలో మాత్రం సీన్ పూర్తిగా రివర్స్‌గా ఉంది. ఆమె చేతిలో సాలిడ్ బాక్సాఫీస్ సక్సెస్ లేకపోయినా.. అవకాశాలు మాత్రం ఆమె గుమ్మం ముందు క్యూ కడుతున్నాయి.

ప్రస్తుత సమాచారం ప్రకారం ఆమె ఏకంగా ఆరు ప్రాజెక్టులతో సూపర్ బిజీగా ఉన్నట్లు టాలీవుడ్, బాలీవుడ్ సర్కిల్స్‌లో జోరుగా ప్రచారం సాగుతోంది. ఈ అరడజను ప్రాజెక్టుల లైనప్ చూస్తే ఎవరైనా షాక్ అవ్వాల్సిందే. బాలీవుడ్‌లో ఏకంగా మూడు క్రేజీ హిందీ చిత్రాలు ఆమె చేతిలో ఉన్నాయి. అటు కోలీవుడ్‌లో విలక్షణ దర్శకుడు కార్తీక్ సుబ్బరాజ్‌కు చెందిన స్టోన్ బెంచ్ ప్రొడక్షన్స్ బ్యానర్‌లో ఒక ప్రెస్టీజియస్ తమిళ ప్రాజెక్ట్ తెరకెక్కుతోంది. ఇక తెలుగు విషయానికి వస్తే, ఒక క్రేజీ యంగ్ హీరో సినిమాతో పాటు ఆమె ప్రధాన పాత్రలో సాగే ఒక ఉమెన్ సెంట్రిక్ ప్రాజెక్ట్ కూడా ప్రీ-ప్రొడక్షన్ పనుల్లో ఉన్నట్లు సమాచారం. గ్లామరస్ రోల్స్‌కే పరిమితం కాకుండా కంటెంట్ ఓరియెంటెడ్ కథలను, లేడీ ఓరియెంటెడ్ సబ్జెక్ట్‌లను ఎంచుకుంటూ రూటు మారుస్తున్న నిధి అగర్వాల్.. రాబోయే రెండేళ్లలో వరుసగా బాక్సాఫీస్ టెస్ట్‌ను ఎదుర్కోనున్నారు. పాన్ ఇండియా రేంజ్ ఎక్స్‌పోజర్, విభిన్న భాషల చిత్రాలు ఆమె ముంగిట సిద్ధంగా ఉన్నాయి. మరి ఈ అరడజను సినిమాలతోనైనా నిధి అగర్వాల్ భారీ హిట్లు కొట్టి, తన సత్తా చాటుతూ స్టార్ హీరోయిన్‌గా టాప్ చైర్‌ను దక్కించుకుంటారా లేదా అన్నది కాలమే నిర్ణయించాలి.

ఇవి కూడా చదవండి:

‘గేమ్ ఛేంజర్’లో గ్యాంగ్‌స్టర్ ట్రాక్ లేపేశారు: కార్తీక్ సుబ్బరాజ్ కామెంట్స్ వైరల్

‘ఆదర్శకుటుంబం’లో టెన్షన్.. అసలు విషయం ఏంటంటే

‘కిల్లర్’ సినిమా ట్విస్ట్ చెబితే రూ. కోటి.. కాంటెస్ట్ రూల్స్ ఇవే