‘డ్రాగన్’లోని ఆ సంచనాల కోసం వెయిటింగ్ -ఎన్టీఆర్

మ్యాన్ ఆఫ్ మాసెస్ ఎన్టీఆర్ (Man Of Masses Jr NTR), క్రేజీ డైరెక్టర్ ప్రశాంత్ నీల్ (Prashanth Neel) కాంబినేషన్‌లో వస్తున్న మోస్ట్ అవైటెడ్ పాన్-ఇండియా మూవీ ‘డ్రాగన్’ (Dragon). ఫస్ట్‌ టైమ్ ఈ ఇద్దరి కలయికలో తెర‌కెక్కుతున్న ఈ చిత్రంపై నందమూరి అభిమానుల్లోనూ, యాక్షన్ ప్రియుల్లోనూ భారీగా అంచనాలు ఉన్నాయి. ఈ క్రమంలోనే జూన్ 4వ తేదీన దర్శకుడు ప్రశాంత్ నీల్ పుట్టినరోజు (HBD Prashanth Neel)ను పురస్కరించుకుని ఎన్టీఆర్ తన సోషల్ మీడియా వేదికగా చేసిన ఒక ప్రత్యేక పోస్ట్ ప్రస్తుతం నెట్టింట విపరీతంగా వైరల్ అవుతోంది. తారక్ తన అధికారిక ఎక్స్ (ట్విట్టర్) ఖాతాలో షేర్ చేసిన‌ ఈ బర్త్‌డే విష్‌లో ప్రశాంత్ నీల్‌పై తనకున్న గౌరవాన్ని, నమ్మకాన్ని ఎంతో అద్భుతంగా వ్యక్తపరిచారు.

‘‘హ్యాపీ బర్త్‌డే డైరెక్టర్ గారూ... మీరు వెండితెరపై ఆవిష్కరించే కథల లాగే ఈ ఏడాది కూడా మీకు అంతే గ్రాండ్‌గా, అద్భుతంగా ముందుకు సాగాలని కోరుకుంటున్నాను’’ అంటూ ఎన్టీఆర్ ట్వీట్ చేశారు. అంతేకాకుండా ‘‘ప్రశాంత్... మన కాంబినేషన్‌ మునుముందు ఎలాంటి సంచలనాలను దాచి ఉంచిందో చూడటానికి నేను ఎంతో ఆతృతగా ఎదురుచూస్తున్నాను!’’ అంటూ ఎన్టీఆర్ చేసిన కామెంట్ ఈ ప్రాజెక్ట్ స్క్రిప్ట్ ఎంత పవర్‌ఫుల్‌గా సిద్ధమైందో పరోక్షంగా స్పష్టం చేస్తోంది. ఈ పుట్టినరోజు శుభాకాంక్షల సందేశంతో పాటు జూనియర్ ఎన్టీఆర్ షేర్ చేసిన ఒక ప్రత్యేకమైన వర్కింగ్ స్టిల్ ఇప్పుడు అందరి దృష్టిని విశేషంగా ఆకర్షిస్తోంది. సినిమాలో డైరెక్టర్ ప్రశాంత్ నీల్ ఒక భారీ యాక్షన్ సీక్వెన్స్ జరుగుతున్న సెట్స్‌లో చేతిలో మైక్ పట్టుకుని సీరియ‌స్‌గా ఆలోచిస్తూ నడుస్తూ కనిపిస్తున్నారు. ఆయన వెనుక భాగంలో కొందరు మనుషులు కింద పడిపోయి ఉండటం, నేలపై మంటలు మండుతుండటం సినిమాపై ఆస‌క్తిని మ‌రింత పెంచుతోంది. నీల్ మార్క్ సిగ్నేచర్ స్టైల్ అయిన ‘రా అండ్ రస్టిక్’ యాక్షన్ వాతావరణం ఈ స్టిల్‌లో స్పష్టంగా కనిపిస్తుండటంతో, ఎన్టీఆర్‌ను ఆయన ఏ రేంజ్‌లో చూపించబోతున్నారోననే క్యూరియాసిటీ ప్రేక్షకుల్లో శరవేగంగా పెరుగుతోంది. కేజీఎఫ్ సిరీస్, సలార్ వంటి సూపర్ హిట్లతో బాక్సాఫీస్ రికార్డులను తిరగరాసిన ప్రశాంత్ నీల్.. తన సినిమాల్లో హీరోలను అత్యంత ప‌వ‌ర్ ఫుల్ ఎలివేషన్లతో ప్రెజెంట్ చేయడంలో సిద్ధహస్తుడు.

మరోవైపు యంగ్ టైగ‌ర్ ఎన్టీఆర్ తన ఎదురేలేని నటన, హై-ఎనర్జీ, పవర్‌ఫుల్ డైలాగ్ డెలివరీతో ఏ పాత్రలోనైనా విశ్వరూపం చూపించ‌గల నేర్పరి. ఈ ఇద్దరు పవర్‌హౌస్ ప్రతిభావంతులు ఒకే ప్రాజెక్ట్ కోసం చేతులు కలపడం వల్ల.. ఈ చిత్రం ఇండియ‌న్ సినిమాని మరోసారి గ్లోబల్ స్థాయికి తీసుకువెళ్లే కమర్షియల్ వండర్‌గా నిలుస్తుందని ట్రేడ్ వర్గాలు విశ్లేషిస్తున్నాయి. ముఖ్యంగా తారక్ తన కామెంట్‌లో ‘సంచలనాలను దాచి పెట్టామనే’ హింట్ ఇవ్వడంతో, వాటిని ఫ్యాన్స్ కోసం తొందరలోనే రివీల్ చేస్తారని ఆశిస్తున్నారు. ప్రశాంత్ నీల్ చిత్రాల్లో ఉండే ప్రత్యేకమైన డార్క్ అండ్ రస్టిక్ యాక్షన్ ప్రపంచం, ఎన్టీఆర్ లాంటి హై-వోల్టేజ్ ఎమోషన‌ల్ స్టార్‌తో తోడైతే బాక్సాఫీస్ రికార్డులు బద్దలవ్వడమే కాకుండా, ఇండియన్ కమర్షియల్ సినిమా మేకింగ్ శైలిలోనే ఒక సరికొత్త ట్రెండ్ సెట్ కావడం ఖాయంగా కనిపిస్తోంది.

ఇవి కూడా చదవండి:

త్రిషకు మెగా కోడలు ఉపాసన స్పెషల్ సర్‌ప్రైజ్‌

‘పెద్ది’ పోరాటానికి తెలంగాణలోనూ లైన్ క్లియర్! పెరిగిన టికెట్ల ధరలు

NBK 111: ‘నో మోర్‌ వింటేజ్‌, ఓన్లీ న్యూ ఏజ్‌’.. సరికొత్త అవతారంలో బాలయ్య

Blast Zone : అర్జున్ సర్జా బ్లాస్ట్ జోన్ మూవీ రివ్యూ