Murali Raju: ప్రముఖ నిర్మాత తండ్రి కన్నుమూత

ABN , First Publish Date - 2023-03-07T14:28:02+05:30 IST

డైరెక్టర్ రామ్ గోపాల్ వర్మ (Ram Gopal Varma) మేనమామ అయిన నిర్మాత మురళీ రాజు (70) మంగళవారం ఉదయం అనారోగ్యంతో హైదరాబాద్‌ మధురానగర్‌లో

Murali Raju: ప్రముఖ నిర్మాత తండ్రి కన్నుమూత

బాలీవుడ్‌లో భారీ చిత్రాలను నిర్మించిన తెలుగు నిర్మాత మధు మంతెన (Madhu Mantena) తండ్రి, డైరెక్టర్ రామ్ గోపాల్ వర్మ (Ram Gopal Varma) మేనమామ అయిన నిర్మాత మురళీ రాజు (70) మంగళవారం ఉదయం అనారోగ్యంతో హైదరాబాద్‌ మధురానగర్‌లో మృతి చెందారు. ఆంధ్రప్రదేశ్‌లోని భీమవరం పట్టణానికి చెందిన మురళీ రాజు.. (Murali Raju) గతంలో సినీ నిర్మాతగా పలు చిత్రాలను నిర్మించారు. అలాగే సినీ నిర్మాణమే కాకుండా పలు వ్యాపారాలను కూడా ఆయన కొనసాగించారు. మురళీ రాజుకు ఇద్దరు సంతానం. అందులో ఒకరు మధు మంతెన కాగా, కూతురు అంబిక (Ambica). నిర్మాత మధు మంతెన అందరికీ పరిచయమే. తెలుగులో ‘గజని’, ‘రక్త చరిత్ర 1, 2’ చిత్రాలను నిర్మించిన మధు మంతెన బాలీవుడ్‌, ఇతర భాషలలో సుమారు 34కు పైగా చిత్రాలను నిర్మించారు.

మురళీ రాజు మృతి వార్త తెలిసి సినీ, రాజకీయ ప్రముఖులు ఆయన ఆత్మకు శాంతి చేకూరాలని కోరుతూ.. కుటుంబ సభ్యులకు సానుభూతిని తెలియజేస్తున్నారు. నిర్మాత అల్లు అరవింద్ (Allu Aravind), హీరో అల్లు అర్జున్ (Allu Arjun), డైరెక్టర్ క్రిష్ (Krish), గీతా ఆర్ట్స్ మేనేజర్ బన్నీ వాసు (Bunny Vas) తదితరులు మధురానగర్‌లోని మురళీ రాజు నివాసానికి వెళ్లి నివాళులు అర్పించారు. బాలీవుడ్ స్టార్ హీరో ఆమిర్ ఖాన్ (Aamir Khan).. మురళీ రాజు పార్దీవదేహాన్ని సందర్శించి.. నివాళులర్పించారు. బుధవారం అంత్యక్రియలు నిర్వహించనున్నారని తెలుస్తోంది.