పవర్ స్టార్ పవన్ కళ్యాణ్ (Power Star Pawan Kalyan), బ్లాక్‌బస్టర్ డైరెక్టర్ హరీష్ శంకర్ (Harish Shankar) కాంబినేషన్‌లో తెరకెక్కుతోన్న ‘ఉస్తాద్ భగత్ సింగ్’ (Ustaad Bhagat Singh) చిత్రం మళ్లీ సెట్స్‌పైకి వెళ్లబోతోంది. మంగళవారం (సెప్టెంబర్ 5) నుంచి ఈ సినిమా తదుపరి షెడ్యూల్ షూటింగ్ మొదలవ్వబోతుందని తెలుపుతూ.. నిర్మాణ సంస్థ ఓ పిక్‌ని సోషల్ మీడియాలో షేర్ చేసింది. ఈ పిక్ చూసిన వారంతా భయపడిపోతున్నారు. ఎందుకని అనుకుంటున్నారా?

ఈ పిక్‌లో దర్శకుడు హరీష్ శంకర్ నిలబడి ఉండగా.. ఆయన ఎదురుగా రకరకాల కత్తులు దర్శనమిస్తున్నాయి. హరీష్ శంకర్ నిలబడిన తీరు, ఆయన ఎదురుగా ఉన్న కత్తులను చూసిన వారంతా.. అయ్యబాబోయ్ ఇన్ని రకాల కత్తులు వాడుతున్నారా? అనేలా కామెంట్స్ చేస్తున్నారు. కొందరైతే.. ఆ కత్తులేంటి సామి.. భయపెట్టేస్తున్నావ్‌గా..! మొత్తానికి ఏదో పెద్ద ప్లానే వేసినట్లున్నావ్.. అంటూ హరీష్ శంకర్ అండ్ టీమ్‌కు శుభాకాంక్షలు తెలుపుతున్నారు. ప్రస్తుతం ఈ పిక్ సోషల్ మీడియాలో వైరల్ అవుతోంది. ఈ అప్‌డేట్‌తో ఈ సినిమా సెట్స్‌పైకి వెళుతుందనే విషయం తెలిసి ఫ్యాన్స్ కూడా హ్యాపీగా ఫీలవుతున్నారు. మంగళవారం నుంచి మొదలయ్యే షెడ్యూల్‌లో ఓ మాసివ్ యాక్షన్ ఎపిసోడ్‌ని చిత్రీకరించనున్నారని తెలుస్తోంది. (Ustaad Bhagat Singh Update)

ఇక ఈ సినిమాకు సంబంధించి పవన్ కళ్యాణ్ పుట్టిన రోజును పురస్కరించుకుని మేకర్స్ ఓ కొత్త పోస్టర్‌‌ని విడుదల చేసిన విషయం తెలిసిందే. ఖాకీ చొక్కా, గళ్ళ లుంగీ ధరించి, స్పోర్ట్స్ షేడ్స్‌తో పవన్ కళ్యాణ్ ఈ పోస్టర్‌లో కనిపించారు. ఈ పోస్టర్‌లో కూడా పవన్ కళ్యాణ్ చేతిలో కత్తిని గమనించవచ్చు. రక్తంతో తడిచిన కత్తిని పవన్ కళ్యాణ్ పట్టుకుని వుండగా, అతని వెనుక కొంత మంది వ్యక్తులు నిలబడి ఉన్నారు. ఆ పోస్టర్ ట్రెండ్ క్రియేట్ చేసింది. ఇప్పుడు మేకర్స్ పోస్ట్ చేసిన పిక్ కూడా ట్రెండ్‌ బద్దల్ చేసేందుకు సిద్ధమవుతోంది. మేకర్స్ చేసిన ఈ పోస్ట్‌కు హరీష్ శంకర్ కూడా ‘మనల్ని ఎవడ్రా ఆపేది..’ అంటూ రియాక్ట్ అయ్యారు. కాగా, మైత్రీ మూవీ మేకర్స్ (Mythri Movie Makers) పతాకంపై నిర్మాతలు నవీన్ యెర్నేని, వై రవిశంకర్‌ ఈ చిత్రాన్ని గ్రాండ్‌గా నిర్మిస్తున్నారు.

ఇవి కూడా చదవండి:

============================

*Kushi: ‘ఖుషి’ ఫస్ట్ వీకెండ్ కలెక్షన్స్ ఎంతో తెలుసా.. సేఫ్ జోన్‌లోకి చేరుకున్నట్టే!

************************************

*Peddha Kapu-1: ‘పెదకాపు-1’ కూడా ఫిక్సయ్యాడు

*************************************

*Devil: కళ్యాణ్ రామ్ ‘డెవిల్’ గురించి ఈ విషయం తెలుసా..

*************************************

*Rules Ranjann: ‘సలార్’ డేట్‌కి ఫిక్సయిన ‘రూల్స్ రంజన్’.. క్లారిటీ కూడా ఇచ్చేశారు

************************************