Sarath Babu: హాస్పిటల్‌లో నటుడు శరత్ బాబు.. అసలేమైంది?

ABN , First Publish Date - 2023-03-30T13:05:54+05:30 IST

సీనియర్ నటుడు శరత్ బాబు (Sarath Babu) అనారోగ్యానికి గురైనట్లుగా తెలుస్తుంది. ఆయనకు ఏమైందనే దానిపై ఇంకా ఎటువంటి విషయం తెలియరాలేదు కానీ..

Sarath Babu: హాస్పిటల్‌లో నటుడు శరత్ బాబు.. అసలేమైంది?

Actor Sarath Babu

సీనియర్ నటుడు శరత్ బాబు (Sarath Babu) అనారోగ్యానికి గురైనట్లుగా తెలుస్తుంది. ఆయనకు ఏమైందనే దానిపై ఇంకా ఎటువంటి విషయం తెలియరాలేదు కానీ.. ప్రస్తుతానికైతే ఆయన హాస్పిటల్‌లో ట్రీట్‌మెంట్ తీసుకుంటున్నట్లుగా కోలీవుడ్ మీడియాలో వార్తలు వినిపిస్తున్నాయి. క్యారెక్టర్ ఆర్టిస్ట్ కరాటే కల్యాణి కూడా తన ఫేస్‌బుక్ అకౌంట్ వేదికగా శరత్ బాబు త్వరగా కోలుకోవాలంటే ఓ పోస్ట్ చేయడంతో.. శరత్‌ బాబుకు అసలేమైంది? అంటూ నెటిజన్లు కామెంట్స్ చేస్తున్నారు. (Sarath Babu Hospitalized)

నటుడు శరత్ బాబు దాదాపు 2000కి పైగా సినిమాలలో నటించారు. ఇప్పటికీ నటిస్తూనే ఉన్నారు. పవర్ స్టార్ పవన్ కల్యాణ్ (Power Star Pawan Kalyan) నటించిన ‘వకీల్ సాబ్’ (Vakeel Saab) చిత్రంలో ఆయన ఓ కీలక పాత్రలో కనిపించిన విషయం తెలిసిందే. ఇప్పుడు జనానికి నీ అవసరం ఉంది అంటూ ఆయన చెప్పిన డైలాగ్‌కు థియేటర్స్ దద్దరిల్లాయి. ఇదే కాకుండా.. తన వరకు వచ్చిన పాత్రలను ఆయన మిస్ కాకుండా చేస్తూనే ఉన్నారు. అలాంటిది.. సడెన్‌గా ఆయనని హాస్పిటల్‌లో చేర్చారని, ఆయనని పరామర్శించేందుకు ప్రముఖులెందరో వెళుతున్నట్లుగా కోలీవుడ్ మీడియా (Kollywood Media) రాసుకొస్తుంది.

‘‘నాకు ఇష్టమైన హీరో.. అప్పట్లో అమ్మాయిల కలల రాకుమారుడు శరత్ బాబుగారు కోలుకోవాలని మనం స్వామిని వేడుకుందాం.. శ్రీరామరక్ష’’ అంటూ కరాటే కల్యాణి (Kalyani Padala) తన ఫేస్‌బుక్ పోస్ట్‌లో తెలిపింది. దీంతో అసలు ఆయనకు ఏమైంది? చాలా మంచి నటుడు. ఆయన త్వరగా కోలుకోవాలని నెటిజన్లు కామెంట్స్ చేస్తున్నారు. ఇక కరాటే కల్యాణి (Karate Kalyani) పోస్ట్‌కు ఒక నెటిజన్ కామెంట్ చేస్తూ.. ‘మీరు ఎవరిని కోలుకోవాలని ప్రార్థిస్తే వాళ్లు టపా అంటున్నారు..😔 నీకో దండం ఏ రక్షలు పని చేయవు గానీ.. ఇలా పోస్ట్ పెట్టకు.🙏’ అని రాసుకొచ్చారు. దీనికి ఆమె కౌంటర్ ఇస్తూ.. ‘నీకు ఇలా అర్థం అయింది కదా నువ్వు కొలుకో.. తొందరగా.. మానసికంగా నువ్వు బాగాలేవు..’ అని సమాధానమిచ్చింది. ప్రస్తుతం ఆమె పోస్ట్ సోషల్ మీడియాలో వైరల్ అవుతోంది. (Karate Kalyani about Sarath Babu Health)