OTT content: తాజాగా ఓటీటీలో విడుదలైన సినిమాలు, వెబ్‌సిరీస్‌లు ఇవే..

ABN , First Publish Date - 2023-03-17T08:09:30+05:30 IST

నెట్ వినియోగం పెరిగిన ఈ డిజిటల్ యుగంలో ఓటీటీల హవా విపరీతంగా పెరిగింది.

OTT content: తాజాగా ఓటీటీలో విడుదలైన సినిమాలు, వెబ్‌సిరీస్‌లు ఇవే..

నెట్ వినియోగం పెరిగిన ఈ డిజిటల్ యుగంలో ఓటీటీల హవా విపరీతంగా పెరిగింది. దీంతో థియేటర్‌‌లతో పోటీ పడుతూ స్పెషల్ కంటెంట్‌తో ముందుకు వస్తున్నాయి. అంతేకాకుండా థియేటర్‌లో రిలీజైన సినిమాలు, కొద్ది రోజుల గ్యాప్‌లోనే ఓటీటీలోకి రావడం ఇప్పుడు సర్వసాధారణమైపోయింది. అంతేకాకుండా కొన్ని సినిమాలైతే డైరెక్ట్ ఓటీటీలోనే విడుదల అవుతూ ప్రేక్షకులకు వినోదాన్ని పంచుతున్నాయి. మార్చి 15న ఓటీటీలో విడుదలైన సినిమాలు, వెబ్‌సిరీస్‌ల గురించి తెలుసుకుందాం..

కుత్తే (Kuttey)

కోట్ల నగదుతో వెళ్తున్న వ్యాన్ వెళుతూ ఉంటుంది. ముంబై శివార్లలో రాత్రి వర్షం పడుతుండగా.. మూడు వేరు వేరు గ్యాంగ్స్ ఆ డబ్బు కోసం ప్రయత్నాలు చేస్తాయి. దీంతో ఆ మూడు గ్యాంగ్స్ మధ్య గొడవ జరుగుతుంది. ఆ గొడవలో ఎవరు గెలిచారు.. ఎవరు ఓడిపోయారు అనేది కుత్తే కథాశం. ఈ హిందీ మూవీ ప్రస్తుతం ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో స్ట్రీమింగ్ అవుతోంది. ఆదిత్య రాయ్ కపూర్, టబు, కొంకణ్ సేన్ శర్మ, నసిరుద్దీన్ షా ముఖ్య పాత్రల్లో నటించారు.

ది వేల్ (The Whale)

డారెన్ అరోనోఫ్స్కీ దర్శకత్వం వహించిన 2022 అమెరికన్ సైకలాజికల్ డ్రామా చిత్రం 'ది వేల్'. 2012లో శామ్యూల్ డి. హంటర్ రచించిన నాటకం ది వేల్ ఆధారంగా తెరకెక్కింది. ఈ చిత్రంలో బ్రెండన్ ఫ్రేజర్, సాడీ సింక్, హాంగ్ చౌ, టై సింప్‌కిన్స్, సమంతా మోర్టన్ నటించారు. ఓ ఇంగ్లిష్ టీచర్ ఉబకాయంతో బాధ పడుతుంటాడు. అందుకే తన గదిలోనే ఉంది అతిగా తింటూ చనిపోవాలని అనుకుంటాడు. అయితే చివరిసారిగా తన టీనేజ్ కూతురుతో మంచి రిలేషన్ కోసం ప్రయత్నిస్తాడు. ఈ తరుణంలో అతనికి ఎదురైన సంఘటనల సమాహారమే ఈ చిత్ర కథాంశం. ఈ మూవీ ప్రస్తుతం ప్రముఖ ఓటీటీ ప్లాట్ ఫామ్ సోనీ లీవ్ లో స్ట్రీమింగ్ అవుతోంది.