మోక్షజ్ఞ ఎంట్రీ సినిమాలో శ్రీలీల కాదా.. ఆ బాలీవుడ్ బ్యూటీయేనా?

నందమూరి అభిమానులు ఎన్నో ఏళ్లుగా ఎదురుచూస్తున్న ఆ శుభ తరుణం రానే వచ్చింది. నటసింహం నందమూరి బాలకృష్ణ (Nandamuri Balakrishna) నట వారసుడు మోక్షజ్ఞ (Mokshagna) సినీ అరంగేట్రంపై నిత్యం సోషల్ మీడియాలో ఏదో ఒక క్రేజీ న్యూస్ హల్‌చల్ చేస్తూనే ఉంది. ఇప్పటికే స్లిమ్ అండ్ హ్యాండ్‌సమ్ లుక్‌తో దర్శనమిచ్చిన మోక్షజ్ఞను చూసి ఫ్యాన్స్ ఫుల్ ఖుషీ అవుతుండగా.. ఆయన తొలి చిత్రానికి సంబంధించిన విశేషాలు సినీ వర్గాల్లో హాట్ టాపిక్‌గా మారాయి. మొదట్లో మోక్షజ్ఞ సరసన టాలీవుడ్ సెన్సేషన్ శ్రీలీల నటించబోతోందంటూ గట్టిగానే ప్రచారం సాగింది. తాజా సమాచారం ప్రకారం.. శ్రీలీల (Sreeleela) స్థానంలోకి ఓ బాలీవుడ్ స్టార్ కిడ్ బ్యూటీ వచ్చి చేరినట్లు ఇండస్ట్రీ వర్గాల్లో బలంగా వార్తలు వినిపిస్తున్నాయి.

బాలీవుడ్ సీనియర్ స్టార్ హీరోయిన్ రవీనా టాండన్ ముద్దుల కుమార్తె రాషా తడాని (Rasha Thadani)ని మోక్షజ్ఞ సరసన హీరోయిన్‌గా ఎంపిక చేసే యోచనలో మేకర్స్ ఉన్నట్లు తెలుస్తోంది. ప్రస్తుతం బీ-టౌన్‌లో మోస్ట్ ప్రామిసింగ్ డెబ్యూటెంట్‌గా మంచి క్రేజ్ సొంతం చేసుకున్న రాషా, మోక్షజ్ఞల జోడీ వెండితెరపై ఒక ఫ్రెష్ అండ్ ఎనర్జిటిక్ పెయిర్‌గా అద్భుతంగా కుదురుతుందని చిత్ర బృందం భావిస్తోందట. ఆల్రెడీ రాషా తెలుగు ప్రేక్షకులకు కూడా పరిచయమైంది. ఇటీవల వచ్చిన జై కృష్ణ ఘట్టమనేని అరంగేట్ర చిత్రం ‘శ్రీనివాస మంగాపురం’తో ఆమె కూడా టాలీవుడ్ ఎంట్రీ ఇచ్చారు. ఆ సినిమా బాక్సాఫీస్ వద్ద నిరాశపరిచినా.. రాషాకు మాత్రం మంచి పేరే వచ్చిందని చెప్పుకోవచ్చు. ఇక స్టార్ కిడ్స్ డెబ్యూ అంటే రెగ్యులర్ కమర్షియల్ మాస్ మసాలా ఫార్ములాను ఎంచుకుంటారు. కానీ మోక్షజ్ఞ కోసం ‘బింబిసార’తో సోషియో ఫాంటసీ కథలను అద్భుతంగా మలచగలడని నిరూపించుకున్న టాలెంటెడ్ డైరెక్టర్ వశిష్ఠ సరికొత్త కథా ప్రపంచాన్ని సిద్ధం చేశారు. మల్టిపుల్ టైమ్‌లైన్లు, పునర్జన్మల నేపథ్యం, భారీ వీఎఫ్‌ఎక్స్ హంగులతో రూపొందే ఈ యూనిక్ కాన్సెప్ట్ చిత్రం పాన్-ఇండియా స్థాయిలో సంచలనం సృష్టించనుందని భావిస్తున్నారు.

ఈ ప్రాజెక్ట్‌కు మరింత హైప్ తెచ్చేలా మరో రెండు భారీ సర్‌ప్రైజ్‌లు కూడా ప్లాన్ చేస్తున్నట్లు సమాచారం. స్వయంగా నందమూరి బాలకృష్ణ ఓ కీలక పవర్‌ఫుల్ పాత్రలో కొడుకుతో కలిసి స్క్రీన్ షేర్ చేసుకోబోతున్నారని, అలాగే కథను మలుపు తిప్పే ఫ్లాష్‌బ్యాక్ ఎపిసోడ్స్ కోసం బాలీవుడ్ దిగ్గజ నటి కాజోల్‌ (Kajol)ను కూడా రంగంలోకి దించుతున్నారని టాక్ నడుస్తోంది. అత్యున్నత సాంకేతిక విలువలతో, భారీ బడ్జెట్‌తో తెరకెక్కనున్న ఈ చిత్రం డిసెంబర్ 2న ఎలాంటి హంగామా లేకుండా సెట్స్‌పైకి వెళ్లనుందని తెలుస్తోంది. రెండు భారీ షెడ్యూల్స్ చిత్రీకరణ పూర్తయిన తర్వాతే మోక్షజ్ఞ ఫస్ట్ లుక్‌ను గ్రాండ్‌గా రివీల్ చేసి, మోక్షును అధికారికంగా మీడియా ముందుకు తీసుకురావాలని మేకర్స్ పక్కా ప్లాన్‌తో ఉన్నారట. మరి శ్రీలీల స్థానంలోకి వచ్చిన ఈ బాలీవుడ్ బ్యూటీ రాషా తడాని ఎంట్రీపై అధికారిక ప్రకటన ఎప్పుడు వస్తుందో వేచి చూడాల్సిందే!

ఇవి కూడా చదవండి:

‘ఆద‌ర్శ కుటుంబం’లో ఆ పాటని పక్కన పెట్టేయడానికి కారణమిదేనా?

ఎన్టీఆర్ ‘డ్రాగన్’.. రంగంలోకి మరో మ్యూజిక్ డైరెక్టర్?

‘జంగా’లో శివగా త్రిగుణ్.. రా అండ్ రస్టిక్ పోస్టర్ వైరల్