యంగ్‌ లుక్‌లో మహేశ్‌?.. ‘వారణాసి' షూటింగ్ పూర్తి
ABN , Publish Date - Sep 24 , 2026 | 07:46 AM
రాజమౌళి తెరకెక్కిస్తున్న ‘వారణాసి చిత్రంలో మహేశ్‌బాబు తన షూటింగ్ పార్ట్‌ను పూర్తి చేశారనేది సమాచారం.
మహేశ్‌బాబు (Mahesh Babu) కథానాయకుడిగా రాజమౌళి (SS Rajamouli) తెరకెక్కిస్తున్న పాన్ వరల్డ్ యాక్షన్‌ అడ్వెంచరస్‌ థ్రిల్లర్‌ ‘వారణాసి’ (Varanasi Movie). బాహుబలి, ఆర్ఆర్ఆర్ వంటి గ్లోబల్ హిట్స్ తర్వాత దర్శక ధీరుడు రాజమౌళి తెరకెక్కిస్తున్న ఈ యాక్షన్‌ అడ్వెంచరస్‌ థ్రిల్లర్‌ లో ప్రియాంక చోప్రా కథానాయికగా.. మళయాల స్టార్ నటుడు పృధ్వీరాజ్ సుకుమార్ విలన్ పాత్ర పోషిస్తున్నారు. ఇప్పటివకే విడుదలై గ్లింప్స్ పోస్టర్‌ తో సినిమాపై అంచనాలు ఆకాశానికి చేరాయి. దీంతో ఈ సినిమా కోసం ప్రపంచ వ్యాప్తంగా ఉన్న సినీ ప్రేక్షకుల్లో వేయి కళ్లతో ఎదురుచూస్తున్నారు.
దుర్గా ఆర్ట్స్ పై కేఎల్ నారాయణ, ఎస్.ఎస్ కార్తీకేయ దాదాపు రూ.1300 కోట్ల భారీ బడ్జెట్ తో ఈ విజువల్ వండర్ ను నిర్మిస్తున్నారు. ఇటీవల లీక్ అయిన వర్కింగ్ స్టిల్స్, షూటింగ్ పిక్స్ సోషల్ మీడియాలో విపరీతంగా వైరల్ అవుతూ సినిమా రేంజ్‌ను సగం చూపించేసాయి. ఇక ఈ సినిమాకి సంబంధించిన మహేష్ బాబు తన షూటింగ్ ను పూర్తి చేశారట. దీంతో మహేష్ అభిమానులు ఫుల్ ఖుషీ అవుతున్నారు.
ఇప్పుడు సినీ సర్కిల్స్ లో ఈ చిత్రం గురించి ఓ ఆసక్తికరమైన విషయం వైరల్ అవుతోంది. ఈ ప్రాజెక్ట్ కోసం తన కెరీర్‌లో ఎన్నడూ లేని విధంగా మహేష్ బాబు శారీరకంగా పూర్తిగా ట్రాన్స్‌ఫార్మ్‌ అయ్యారట. ఈ సినిమాలోని కొన్ని సన్నివేశాల్లో ఆయన 24 ఏళ్ల కుర్రాడిగా కనిపించనున్నారని తెలుస్తోంది. ఎటువంటి డూప్‌, ఏఐ సహాయం లేకుండానే మహేశ్‌ ఈ సన్నివేశాల్లో నటించారట. థియేటర్లో ఈ సీన్స్ వచ్చేటప్పుడు ప్రేక్షకులు కచ్చితంగా ఆశ్చర్యానికి లోనవుతారని చిత్రయూనిట్‌ భావిస్తోంది. విజువల్ వండర్స్ క్రియేట్ చేయడంలో జక్కన్న నైపుణ్యం ఎలాంటిదో మనందరికీ తెలిసిందే. దీంతో ఆ సీన్స్ ఏ రేంజ్ ఉంటాయోని అభిమానులు ఆత్రుతగా ఎదురుచూస్తున్నారు.
ఇక వారణాసిలో ఒక ప్రత్యేకమైన 'రామాయణ ఎపిసోడ్' ఉంటుందన్న సంగీతి తెలిసిందే. సుమారు 25 నిమిషాల పాటు సాగే రామాయణ ఘట్టం కథలో సందర్భానుసారంగా చిన్న చిన్న సబ్-ఎపిసోడ్స్‌గా విభజించి చూపిస్తారట. వారణాసికి సంబంధించిన ప్రతి అప్‌డేట్ ప్రస్తుతం సోషల్ మీడియాను షేక్ చేస్తోంది.
ఈ ప్రాజెక్ట్ కోసం ఏకంగా ప్రపంచవ్యాప్తంగా గుర్తింపు పొందిన నార్వేకి చెందిన వీఎఫ్ఎక్స్ సంస్థ ‘గింప్‌విల్లే’ ఈ సినిమా పోస్ట్-ప్రొడక్షన్ వీఎఫ్ఎక్స్ బాధ్యతలను చేపట్టినట్లు తెలుస్తోంది. ఈ ప్రాజెక్ట్ కోసం ఏకంగా అంతర్జాతీయ టాప్-క్లాస్ వీఎఫ్ఎక్స్ స్టూడియోలు రంగంలోకి దిగాయంటే జక్కన్న ఈసారి బిగ్ స్క్రీన్ పై ఎలాంటి మ్యాజిక్ క్రియేట్ చేయబోతున్నారో అర్థం చేసుకోవచ్చు. ఈ అంతర్జాతీయ అడ్వెంచర్ డ్రామాలో సూపర్‌స్టార్ మహేష్ బాబు రెండు శక్తిమంతమైన పాత్రల్లో కనిపించబోతున్నారు.
స్క్రీన్‌పై రాజమౌళి సృష్టించిన ఆ ఊహా ప్రపంచం, అందులో మహేష్ బాబు మాస్ అండ్ రాయల్ లుక్ ఎలా ఉండబోతోందో ఊహించుకుంటేనే అభిమానులకు రోమాలు నిక్కబొడుచుకుంటున్నాయి.ఇక బాక్సాఫీస్ రికార్డులను బద్దలు కొట్టడానికి సిద్ధమవుతున్న ఈ విజువల్ వండర్ వచ్చే ఏడాది ఏప్రిల్ 7వ తేదీన ప్రపంచవ్యాప్తంగా థియేటర్లలోకి రానుంది.