Akhil: అయ్య‌గారు.. సైలెంట్ అయ్యాడేంటి? ఏమైనా.. ఫ్లాన్ చేస్తున్నాడా
ABN , Publish Date - Oct 30 , 2026 | 03:35 PM
'లెనిన్' సినిమా తర్వాత అక్కినేని అఖిల్ కొత్త ప్రాజెక్ట్ ఏదీ ప్రకటించకపోవడానికి కారణమేంటి? అనే అంశం ఇప్పుడు సినీ వర్గాల్లో ఆస‌క్తిక‌రంగా మారింది.
టాలీవుడ్ యంగ్ హీరో అక్కినేని అఖిల్ (Akhil) రీసెంట్ టైమ్‌లో ఎలాగైనా సాలిడ్ కమ్‌బ్యాక్ ఇవ్వాలనే పట్టుదలతో బరిలోకి దిగాడు. రీసెంట్‌గా వచ్చిన లెనిన్ (Lenin) మూవీతో బాక్సాఫీస్ వద్ద డీసెంట్ సక్సెస్‌ను తన ఖాతాలో వేసుకున్నాడు. ఈ విజయం అఖిల్‌కు ఎంతో అవసరమైన బూస్టప్‌ను అందించింది. అప్పట్లో సినిమా ప్రమోషన్స్ సమయంలో కూడా అఖిల్ ఫ్యాన్స్‌కు ఓ ప్రామిస్ చేశాడు. ఇకపై ఏమాత్రం గ్యాప్ తీసుకోనని, బ్యాక్ టు బ్యాక్ చిత్రాలతో ఆడియన్స్‌ను అలరిస్తానని స్పష్టం చేశాడు. కానీ సీన్ కట్ చేస్తే..లెనిన్ థియేటర్లలోకి వచ్చి దాదాపు మూడు నెలలు గడిచిపోయింది. అయితే ఇప్పటివరకు అఖిల్ నుంచి ఎలాంటి కొత్త ప్రాజెక్ట్ అధికారిక ప్రకటన రాకపోవడానికి కారణమేంటి..?
సాధారణంగా ఒక సినిమా హిట్ కొట్టగానే నెక్స్ట్ ప్రాజెక్ట్ తాలూకు లీకులు, రూమర్లు సోషల్ మీడియాలో విపరీతంగా చక్కర్లు కొడుతుంటాయి. కానీ అఖిల్ విషయంలో చిత్ర యూనిట్ నుంచి ఎలాంటి చిన్న లీక్ కూడా బయటకు రాలేదు. దీంతో అభిమానుల్లో సహజంగానే కాస్త ఉత్కంఠ, మరికొంత కంగారు మొదలయ్యాయి. అయితే ఇండస్ట్రీ వర్గాల నుంచి వస్తున్న తాజా సమాచారం ప్రకారం.. అఖిల్ ఊరికే సైలెంట్‌గా కూర్చోలేదు. తెర వెనుక చాలా పెద్ద కసరత్తే జరుగుతోంది. వరుస హిట్లు అందుకోవడమే లక్ష్యంగా కథల ఎంపికలో ఆయన చాలా పక్కా ప్లానింగ్‌తో అడుగులు వేస్తున్నాడు. ప్రస్తుతం అఖిల్ ఇద్దరు ప్రముఖ దర్శకులతో చర్చలు జరుపుతున్నట్లు తెలిసింది.
ఆ ఇద్దరూ కూడా వైవిధ్యమైన కథలతో పాటు మాస్, యూత్‌ను ఆకట్టుకునే స్క్రిప్టులను సిద్ధం చేసినట్లు టాక్. ఇప్పటికే వీరితో మ్యూచువల్ డిస్కషన్స్ పూర్తయ్యాయని, వచ్చే కొన్ని రోజుల్లోనే ఒకరిని ఫైనల్ చేసి పూజా కార్యక్రమాలతో ప్రాజెక్ట్‌ను అఫీషియల్‌గా అనౌన్స్ చేయబోతున్నారని సినీ వర్గాల్లో వినిపిస్తోంది. షెడ్యూల్ విషయానికొస్తే.. సంక్రాంతి హడావుడి ముగిసిన వెంటనే ఈ కొత్త సినిమా సెట్స్‌పైకి వెళ్లే అవకాశాలు స్పష్టంగా కనిపిస్తున్నాయి. నాన్‌స్టాప్‌గా షూటింగ్ పూర్తి చేసి, 2027 సెకండాఫ్‌లో ఈ చిత్రాన్ని భారీ స్థాయిలో ప్రేక్షకుల ముందుకు తీసుకురావడానికి సన్నాహాలు చేస్తున్నారు. ఏమాత్రం తొందరపడకుండా, సరైన సమయానికి పర్‌ఫెక్ట్ ప్లానింగ్‌తో థియేటర్లలోకి రావాలనేది టీమ్ వ్యూహం.
ఇది మాత్రమే కాదు.. అక్కినేని ఫ్యాన్స్‌కు మరో బిగ్ సర్ ప్రైజ్ కూడా రెడీ అవుతోంది. హోమ్ బ్యానర్ అయిన అన్నపూర్ణ స్టూడియోస్ కూడా అఖిల్‌తో ఓ భారీ ప్రాజెక్ట్‌ను లైన్లో పెట్టింది. భారీ బడ్జెట్‌తో సరికొత్త కాన్సెప్ట్‌తో ఈ ప్రాజెక్ట్ రూపుదిద్దుకోనుందని సమాచారం. దీనికి సంబంధించిన అధికారిక వివరాలు, నటీనటులు, సాంకేతిక నిపుణుల లిస్ట్ వచ్చే ఏడాది ఆరంభంలో బయటకు వచ్చే అవకాశం ఉంది. ఒకవైపు క్రేజీ డైరెక్టర్‌తో చేయబోయే సినిమా.. ఇంకోవైపు సొంత బ్యానర్‌లో రాబోయే క్రేజీ వెంచర్.. మొత్తానికి అఖిల్ సైలెంట్‌గా ఉన్నా, రాబోయే రోజుల్లో బాక్సాఫీస్ వద్ద డబుల్ ధమాకా ఇవ్వడం ఖాయంగా కనిపిస్తోంది.