‘ద ప్యారడైజ్’ వచ్చేది ఏ ఓటీటీలో అంటే..

నేచురల్ స్టార్ నాని హీరోగా, దర్శకుడు శ్రీకాంత్ ఓదెల కాంబినేషన్‌లో భారీ అంచనాల నడుమ రూపొందిన యాక్షన్ డ్రామా ‘ద ప్యారడైజ్’. ఈ సినిమాకు ఓటీటీ పార్టనర్ లాకైంది.

నేచురల్ స్టార్ నాని (Natural Star Nani) హీరోగా, దర్శకుడు శ్రీకాంత్ ఓదెల (Srikanth Odela) కాంబినేషన్‌లో భారీ అంచనాల నడుమ రూపొందిన యాక్షన్ డ్రామా ‘ద ప్యారడైజ్’ (The Paradise) ప్రపంచవ్యాప్తంగా గ్రాండ్‌గా థియేటర్లలోకి వచ్చేసింది. ఇప్పటికే పూర్తి చేసుకున్న ప్రీమియర్ షోలు, అడ్వాన్స్ బుకింగ్స్‌తో బాక్సాఫీస్ వద్ద నాని కెరీర్‌లోనే బిగ్గెస్ట్ ఓపెనింగ్స్‌ను ఈ చిత్రం నమోదు చేసినట్లుగా తెలుస్తోంది. ఎన్నో అంచనాలతో థియేటర్లలోకి వచ్చిన ఈ చిత్రానికి ప్రేక్షకుల నుంచి ప్రస్తుతం మిశ్రమ స్పందన లభిస్తుండటం గమనార్హం. ఇదే సమయంలో, ఓటీటీ డీల్ నిబంధనల కోసమే ఈ చిత్రాన్ని మేకర్స్ హడావుడిగా థియేటర్లలోకి రిలీజ్ చేశారనే ప్రచారం కూడా సినీ వర్గాల్లో జోరుగా వినిపిస్తోంది.

ఈ నేపథ్యం మధ్యనే సినిమా డిజిటల్ స్ట్రీమింగ్ హక్కులకు సంబంధించిన అధికారిక సమాచారం కూడా వచ్చేసింది. ‘ది ప్యారడైజ్’ డిజిటల్ హక్కులను ప్రముఖ అంతర్జాతీయ ఓటీటీ దిగ్గజం ‘నెట్‌ఫ్లిక్స్’ (Netflix) భారీ ఫ్యాన్సీ రేటుకు దక్కించుకుంది. థియేట్రికల్ రన్ విజయవంతంగా పూర్తయిన అనంతరం ఈ చిత్రం నెట్‌ఫ్లిక్స్‌లో స్ట్రీమింగ్‌కు రానుంది. భారీ బడ్జెట్‌తో తెరకెక్కిన ఈ చిత్రానికి ప్రముఖ ఓటీటీ ప్లాట్‌ఫామ్ భాగస్వామిగా మారడం ట్రేడ్ వర్గాల్లో ఆసక్తిని రేకెత్తిస్తోంది. ప్రస్తుతం ఉన్న టాక్‌ని బట్టి చూస్తే.. నాలుగు వారాల్లోనే ఈ సినిమా ఓటీటీకి రావడం ఖాయంగా కనిపిస్తోంది.

ఎస్ఎల్‌వి సినిమాస్ బ్యానర్‌పై సుధాకర్ చెరుకూరి నిర్మించిన ఈ చిత్రంలో కలెక్షన్ కింగ్ మోహన్ బాబు, సోనాలీ కులకర్ణి, కాయదు లోహర్, రాఘవ్ వంటి వారంతా కీలక పాత్రల్లో నటించారు. రాక్‌స్టార్ అనిరుధ్ రవిచందర్ సమకూర్చిన నేపథ్య సంగీతం సినిమాకు ప్రధాన బలంగా నిలిచింది. మిశ్రమ స్పందన ఉన్నప్పటికీ, నాని మాస్ పెర్ఫార్మెన్స్, ప్రీ-బుకింగ్స్ ఊపుతో తొలిరోజు బాక్సాఫీస్ వద్ద ఈ చిత్రం ఎలాంటి సరికొత్త రికార్డులను నమోదు చేస్తుందోనని ఇండస్ట్రీ వర్గాలు ఆసక్తిగా ఎదురుచూస్తున్నాయి.

ఇవి కూడా చదవండి:

శర్వా ‘జార్జ్ క్రిష్’ ఫస్ట్ బూస్టర్ విడుదల.. ఎలా ఉందంటే

బాలకృష్ణ వీడియోతో ట్రంప్‌కు ఇరాన్ కౌంటర్.. ఇది నటసింహం రేంజ్!

Chiranjeevi: చిరంజీవి–శ్రీకాంత్ ఓదెల సినిమా ఉంటుందా?