Mirai: 'మిరాయ్' మ్యూజిక్.. కీరవాణి గారితో పోల్చడం భయం కలిగిస్తోంది

'మిరాయ్'కు హరి గౌర ఇచ్చిన సంగీతం సినిమా విజయంలో ప్రధాన పాత్ర పోషించింది. దీంతో పీపుల్ మీడియా ఫ్యాక్టరీలోనే ఆయనకు నాలుగు సినిమాలకు సంగీతం అందించే అవకాశం లభించింది.

పలు కన్నడ చిత్రాలకు సంగీతం అందించిన హరి గౌర కు తెలుగులో మంచి గుర్తింపును తీసుకొచ్చిన సినిమా 'హను-మాన్'. ఆ సినిమా తర్వాత తేజ సజ్జా హీరోగా నటించిన 'మిరాయ్'కూ హరి గౌర నే సంగీతం అందించాడు. ఈ సినిమా విజయపథంలో సాగిపోతున్న సందర్భంగా తన మనసులోని మాటలను హరిగౌర తెలియచేశాడు. విలేకరుల సమావేశంలో అతని మనసులోని మాటలివి!

'హను-మాన్, మిరాయ్' రెండు బ్యాక్ టు బ్యాక్ పాన్ ఇండియా హిట్స్ అందుకున్నారు. ఎలా సెలబ్రేట్ చేసుకుంటున్నారు?

- చాలా ఆనందంగా ఉంది. ఇలాంటి సక్సెస్ వచ్చినప్పుడు సినిమా కోసం పడ్డ కష్టం మర్చిపోతాం. మా నిర్మాత, దర్శకుడు, హీరో, టీమ్ అందరం చాలా హ్యాపీగా ఉన్నాం. కార్తీక్ గారు చాలా అద్భుతమైన పిక్చర్ తీశారు. ఆ పిక్చర్ నన్ను మ్యూజిక్ ఇవ్వడానికి ఇన్‌స్పైర్ చేసింది. సినిమా చూస్తున్నప్పుడే ఇంటర్నేషనల్ స్టాండర్డ్స్‌కి దగ్గరగా ఉందనిపించింది.

ఈ సినిమాకి మీరు అందుకున్న బెస్ట్ కాంప్లిమెంట్?

- చాలా కాంప్లిమెంట్స్ వచ్చాయి. ఫోన్ కంటిన్యూగా రింగ్ అవుతూనే ఉంది. అందరికీ మ్యూజిక్ చాలా నచ్చింది. ఆడియన్స్ థియేటర్‌లో గ్రేట్ మ్యూజిక్ ఎక్స్‌పీరియన్స్ చేయడం చాలా ఆనందాన్ని ఇచ్చింది.

మీకు ఈ సినిమాలో మ్యూజిక్ చేయడానికి బిగ్గెస్ట్ ఛాలెంజ్ అనిపించిన క్యారెక్టర్ ఏమిటి?

- ప్రతి పాత్రకి వెయిటేజ్ ఉంది. ప్రతి పాత్ర గొప్ప మ్యూజిక్ ఇవ్వడానికి ఇన్‌స్పైర్ చేసింది. ఇందులో మిరాయ్ ఆయుధానికి లార్డ్ శివ్ బ్యాక్‌గ్రౌండ్ మ్యూజిక్ (బిజి) ఉపయోగించడం జరిగింది. శ్రీ రాములవారి ఆయుధం అయినప్పటికీ దానికి పినాక అనే పేరు ఉంది. ఆస్ఫూర్తితో బ్యాక్‌గ్రౌండ్ మ్యూజిక్ చేయడం జరిగింది. స్టోరీని దృష్టిలో పెట్టుకుని మ్యూజిక్ స్కోర్ కూడా రాయడం జరిగింది. ఈ సినిమా రాములవారి పోర్షన్ చేయడానికి దాదాపు 10 డేస్ పట్టింది. అందులో చాలా ఎలిమెంట్స్ ఉంటాయి. అవన్నీ కూడా పవర్‌ఫుల్‌గా ప్రెజెంట్ చేయడానికి టైమ్ పట్టింది. ఈ సినిమా కోసం రకరకాల జానర్స్‌ని వాడడం జరిగింది. ఇంటర్వల్ బ్యాంగ్‌లో నాలుగు జానర్స్‌లో సౌండ్‌ని మిక్స్ చేసి ప్రెజెంట్ చేసే అవకాశం రావడం చాలా ఆనందాన్ని ఇచ్చింది.

వైబ్ వుంది సాంగ్‌కు చాలా మంచి రెస్పాన్స్ వచ్చింది.. అది సినిమాలో లేకపోవడం మిమ్మల్ని నిరాశపరిచిందా?

- లేదు. అది అంతా టీమ్ డెసిషన్. సినిమాకి ఏది అవసరమో అది చేయడమే కరెక్ట్. మేమందరం కలిసి తీసుకున్న నిర్ణయం అది. నిజానికి చాలా పెద్ద కథ ఇది. ఒక పార్ట్‌గా చెప్పడం చాలా చాలెంజ్. కానీ కార్తీక్ గారు చాలా అద్భుతంగా సినిమాని ప్రెజెంట్ చేశారు. ఆ సాంగ్ ఎడిటింగ్ టేబుల్ దగ్గర చూసుకుంటే ఫ్లోకి ఇబ్బంది కలిగిస్తుందేమో అనే ఫీలింగ్ కలిగింది. దీంతో ఆ నిర్ణయం తీసుకున్నాం.

ఈ సినిమా రిలీజ్ అయిన తర్వాత మిమ్మల్ని కీరవాణి గారితో పోల్చుతూ కొన్ని కాంప్లిమెంట్స్ వినిపించడం ఎలా అనిపించింది?

- కీరవాణి గారు లాంటి లెజెండరీ కంపోజర్‌తో పోల్చడం నాకు ఒక భయాన్ని తీసుకొస్తుంది. భవిష్యత్తులో తెలిసో తెలియక ఏదో ఒక చిన్న తప్పు చేసినా అది నాకు పెద్ద అపవాదాన్ని తీసుకొచ్చి పెడుతుంది. ఆయనతో పోల్చడం ఆనందాన్ని ఇచ్చినప్పటికీ అదే సమయంలో భయాన్ని కూడా ఇస్తుంది.

మీ జర్నీ ఇప్పటివరకు ఎలా అనిపించింది?

- నమ్మకాన్ని బిల్డ్ చేసుకునే ప్రాసెస్‌లో చాలా టైమ్ పట్టింది. కన్నడలో చార్మినార్‌తో మంచి హిట్ వచ్చింది. అయితే తెలుగులో ప్రూవ్ చేసుకోవడానికి ఇక్కడికి వచ్చాను. 'తుంగభద్ర, డియర్ మేఘ, గాలివాన' అలాంటి సినిమాలు చేశాను. ప్రశాంత్ వర్మ గారి 'హను-మాన్' సినిమాకి పనిచేసే అవకాశం వచ్చింది. ఫస్ట్ 'పూలమ్మె పిల్ల' సాంగ్ ఇచ్చాను. ఆయనకి నచ్చింది. తర్వాత ఆయన సినిమా చూపించారు. నేను చేసిన స్కోర్ చాలా నచ్చింది. ఆ సినిమా విజయం గొప్ప నమ్మకాన్ని ఇచ్చింది. తేజ గారు మళ్లీ 'మిరాయ్' సినిమా చేసే అవకాశం ఇచ్చారు. ఈ మొత్తం జర్నీలో మెల్లమెల్లగా నమ్మకాన్ని బిల్డ్ చేసుకుని రావడం ఆనందాన్ని ఇచ్చింది.

నెక్స్ట్ ప్రాజెక్ట్...

- పీపుల్ మీడియా ఫ్యాక్టరీలోనే నాలుగు ప్రాజెక్ట్స్ చేస్తున్నాను.

Also Read: Tuesday Tv Movies: మంగ‌ళ‌వారం, Sep 16.. టీవీ ఛాన‌ళ్ల‌లో వ‌చ్చే తెలుగు సినిమాలివే

Also Read: Nidhhi Agerwal: బ్యాడ్ లక్ అంటే నిధి పాపదే.. పాపం