SSMB29: రాజమౌళి సినిమాలో మహేష్ బాబు లుక్ ఇదే, అదిరింది కదా

అగ్ర దర్శకుడు రాజమౌళి, సూపర్ స్టార్ మహేష్ బాబు జతకడుతున్న సినిమాకి ఎప్పటినుంచే హైప్ క్రియేట్ అయింది. ఈ సినిమా ఇంకా అధికారికంగా ఏమీ మొదలుపెట్టకపోయినా, ఈ సినిమా గురించి ఎదో ఒక వార్త వైరల్ అవుతూనే వుంది. ఇప్పుడు తాజాగా ఈ సినిమాలో మహేష్ బాబు ఎలా కనపడబోతున్నారో అనే విషయం కూడా బయటకి వచ్చింది.

మహేష్ బాబు ప్రముఖ క్రికెట్ ఆటగాడు మయాంక్ అగర్వాల్ ని కలిశారు. సన్ రైజర్స్ హైదరాబాద్ కి మయాంక్ అగర్వాల్ ఆడుతున్న నేపథ్యంలో మహేష్ బాబు ని ఆ టీము సభ్యులు కొంతమంది కలిసినట్టు తెలుస్తోంది. అందులో కొందరు మహేష్ బాబు తో ఫోటోలు కూడా తీయించుకొని అవి తమ సామాజిక మాధ్యమంలో పోస్ట్ చేశారు. ఇందులో మహేష్ బాబు ఒక కొత్త లుక్ లో అదిరిపోయే గెటప్ తో కనపడుతున్నారు.

ఇంకేముంది నెటిజన్స్ ఇదే రాజమౌళి సినిమాలో మహేష్ బాబు లుక్ అని చెపుతున్నారు. ఇప్పుడు ఈ ఫోటోలు సామాజిక మాధ్యమాల్లో వైరల్ అవుతూ వున్నాయి. ఈ సినిమాకి ఇంకా ఎటువంటి పేరు పెట్టలేదు కానీ ప్రస్తుతానికి #SSMB29 అని పిలుస్తున్నారు. రాజమౌళి తండ్రి విజయేంద్ర ప్రసాద్ ఈ సినిమాకి కథ అందిస్తున్నారు. ఈ సినిమా మేలో మొదలవ్వొచ్చు అని ఒక వార్త నడుస్తోంది.