ఈ మధ్య కాలంలో వచ్చిన ‘రానా నాయుడు’ (Rana Naidu) వెబ్ సిరీస్ తర్వాత.. అంతే స్థాయిలో, కాదు కాదు.. అంతకంటే ఎక్కువగానే హాట్ టాపిక్ అయిన వెబ్ సిరీస్ ‘సైతాన్’ (Shaitan). ‘యాత్ర’ (Yatra) దర్శకుడు మహి వి రాఘవ్ (Mahi V Raghav) రూపొందించిన ఈ వెబ్ సిరీస్.. ట్రైలర్ విడుదల తర్వాత మరింతగా హాట్ టాపిక్ అయింది. అందుకు కారణం ఆ ట్రైలర్‌లో ఉన్న కంటెంటే. ట్రైలర్‌లో చూపిన ఒళ్ళు గగుర్పొడిచే క్రైమ్ అంశాలు, బూతు డైలాగ్స్.. ఓ వర్గపు ఆడియన్స్‌ని ఆకట్టుకోవడంతో.. మిలియన్ల కొద్దీ వ్యూస్ ఆ ట్రైలర్ సొంతం చేసుకుంటోంది. అయితే ట్రైలర్‌లో ఉన్న కొన్ని ఘాటైన అభ్యంతకర పదాలు, డైలాగ్స్‌పై కూడా అంతే స్థాయిలో విమర్శలు, చర్చలు నడుస్తున్నాయి. ఈ నేపధ్యంలో తాజాగా ‘సైతాన్’ వెబ్ సిరీస్‌ (Shaitan Web Series)లోని ఒక ఎపిసోడ్‌తో పాటు షో రీల్‌ను మేకర్స్ మీడియాకు ప్రదర్శించారు.

ఈ ప్రదర్శన అనంతరం దర్శకుడు మహి వి రాఘవ్ (Director Mahi V Raghav) మీడియాతో ముచ్చటిస్తూ.. మరోసారి ప్రేక్షకులకు హెచ్చరిక జారీ చేశారు. ఆయన మాట్లాడుతూ.. ఈ సిరీస్ వీక్షించిన మీడియా వారు సిరీస్ కంటెంట్‌ను అలాగే టేకింగ్‌ను మెచ్చుకోవడం సంతోషంగా అనిపించింది. సమాజంలో జరిగే కొన్ని సంఘటనల ఆధారంగా ఈ సిరీస్‌లోని పాత్రలను రూపొందించడం జరిగింది. ఆర్టిస్ట్‌లు రిషి, సెల్లి, జాఫర్, దేవయాని అలాగే ఇతర నటీనటులు అందరూ చాలా బాగా చేశారు. (Mahi V Raghav about Shaitan)

ఒక తెలుగు వెబ్ సిరీస్‌లో క్రైమ్ సన్నివేశాలని ఈ తరహాలో భయకంరంగా చూపించడం ఇదే తొలిసారి. వెన్నులో వణుకుపుట్టించే విధంగా ఆ సీన్స్ ఉంటాయి. నేను కొత్తగా ఇందులో చూపించింది ఏమీ లేదు.. ప్రస్తుతం బయట ప్రపంచంలో క్రైమ్ ఏ విధంగా పెరిగిందో, జరుగుతుందో.. అదే ఇందులో చూపించాను. ఈ వెబ్ సిరీస్‌లో ఉండే వయలెన్స్.. బోల్డ్ కంటెంట్ చాలా డిస్టర్బ్ చేసే విధంగా ఉంటాయి. కానీ.. తప్పలేదు. అందుకే ముందుగానే ఈ వెబ్ సిరీస్ చూసే ముందు అందరూ తగిన జాగ్రత్తలు తీసుకోమని చెబుతున్నాను. ఇంతకు ముందు కూడా చెప్పాను.. ఇప్పుడు మరోసారి తెలియజేస్తున్నాను. జూన్ 15 నుంచి డిస్నీ ప్లస్ హాట్ స్టార్‌ (Disney Plus Hotstar)లో ఈ సిరీస్ స్ట్రీమింగ్ కాబోతోంది..’’ అని తెలిపారు.

ఇవి కూడా చదవండి:

**************************************

*Shah Rukh Khan: ఎంత అభిమాని అయితే మాత్రం.. పబ్లిగ్గా అలా ముద్దు పెట్టేసిందేంటి?

*****************************************

*Sreeleela: బర్త్‌డే బ్యూటీ.. శ్రీలీల గురించి ఈ విషయాలు తెలుసా..?

**************************************

*Prabhas Srinu: తల్లి సమానురాలితో ఎఫైరా?.. రూమర్స్‌పై ప్రభాస్ శ్రీను క్లారిటీ!

**************************************

*Varun Tej: ఎంగేజ్‌మెంట్ తర్వాత లావణ్యతో కలిసి.. వరుణ్ తేజ్ చేసిన పోస్ట్ వైరల్

**************************************

*Kaliveerudu: ‘కాంతార’ తరహాలో మరో కన్నడ చిత్రం.. తెలుగు ప్రేక్షకులు ఆదరిస్తారా?

**************************************

*Adipurush: ఆదిపురుష్‌ టీమ్‌కు కేసీఆర్ సర్కార్ తియ్యటి శుభవార్త.. ఈ విషయం సినీ ప్రేక్షకులు, ఫ్యాన్స్‌కు తెలిస్తే..!

**************************************