‘నువ్వొస్తానంటే నేనొద్దంటానా’ (Nuvvostanante Nenoddantana), ‘బొమ్మరిల్లు’ (Bommarillu) వంటి సినిమాలతో తెలుగు ప్రేక్షకుల మదిలో స్థానం సంపాదించుకున్న చార్మింగ్ హీరో సిద్ధార్థ్ (Siddharth). చాలా గ్యాప్ తర్వాత మళ్లీ ‘టక్కర్’ అనే సినిమాతో సరికొత్తగా అలరించడానికి సిద్ధమవుతున్నారు. ఈ చిత్రానికి కార్తీక్ జి. క్రిష్ దర్శకత్వం వహిస్తున్నారు. పీపుల్ మీడియా ఫ్యాక్టరీ (People Media Factory) బ్యానర్‌పై అభిషేక్ అగర్వాల్ ఆర్ట్స్ (Abhishek Agarwal Arts), పాషన్ స్టూడియోస్‌తో కలిసి టీజీ విశ్వప్రసాద్ (TG Vishwa Prasad) ఈ చిత్రాన్ని తెలుగులో విడుదల చేస్తున్నారు. వివేక్ కూచిభొట్ల సహ నిర్మాతగా వ్యవహరిస్తున్న ఈ సినిమాలో దివ్యాంశ కౌశిక్ కథానాయికగా నటించారు. 2023, మే 26న తెలుగు, తమిళ భాషల్లో థియేటర్లలో గ్రాండ్‌గా విడుదల చేసేందుకు మేకర్స్ సన్నాహాలు చేస్తున్నారు. ఏప్రిల్ 17 సిద్ధార్థ్ పుట్టినరోజు. ఈ సందర్భంగా ‘టక్కర్’ (Takkar) మూవీ టీజర్‌ను మేకర్స్ విడుదల చేశారు. ప్రస్తుతం ఈ టీజర్ టాప్‌లో ట్రెండ్ అవుతోంది.

టీజర్ (Takkar Movie Teaser) విషయానికి వస్తే.. ‘‘రొమాన్స్, యాక్షన్ మేళవింపుతో ఈ సినిమా తెరకెక్కినట్లుగా టీజర్ చూస్తుంటే తెలుస్తుంది. ‘నేనంటే ఇష్టం లేదా’, ‘లవ్ అంటేనే ఇష్టంలేదు’ అంటూ హీరోహీరోయిన్ల సంభాషణలతో టీజర్ ఆసక్తికరంగా ప్రారంభమైంది. అసలు ప్రేమ అనేదే లేదని నమ్మే యువతికి ఓ యువకుడు దగ్గరవ్వడం, ఆ తరువాత జరిగిన పరిణామాల నేపథ్యంలో రూపొందిన టీజర్ ఆసక్తికరంగా సాగింది. ఇక టీజర్‌లో సిద్ధార్థ్ సరికొత్త మేకోవర్ ప్రత్యేక ఆకర్షణగా నిలిచింది. ఈ రొమాంటిక్ యాక్షన్ రైడ్ ప్రేక్షకులను అలరించడం ఖాయమని మేకర్స్ నమ్మకంగా ఉన్నారు. (Siddharth Takkar Movie Teaser Out)

అభిమన్యు సింగ్, యోగి బాబు, మునీశ్ కాంత్, ఆర్జే విజ్ఞేశ్ కాంత్ తదితరులు ఇతర ముఖ్యపాత్రలు పోషిస్తున్న ఈ చిత్రానికి నివాస్ కె. ప్రసన్న (Nivas K Prasanna) సంగీతం అందిస్తున్నారు. ఈ సినిమానే కాకుండా ఈ సంవత్సరం మొత్తంగా తన నుంచి 5 సినిమాలు (Siddharth 5 Movies) వస్తాయని సిద్ధార్థ్ తెలిపారు. త్వరలోనే మిగతా చిత్రాల వివరాలను కూడా తెలియజేస్తానని ఆయన తాజాగా ఓ ఈవెంట్‌లో పేర్కొన్నారు.

ఇవి కూడా చదవండి:

*********************************

*Trisha: కార్తీతో కెమిస్ట్రీపై.. త్రిష ఆసక్తికర వ్యాఖ్యలు

*Kanchu Kagada: ఎన్టీఆర్‌ అభిమానుల ఆందోళన.. వెనక్కి తగ్గని కృష్ణ!

*Box Office: బావలు కలిస్తే.. బాక్సాఫీస్ బద్దలే!

*Vetrimaaran: ‘విడుదల’కు పాజిటివ్ టాక్.. ఛాన్స్ ఇచ్చే టాలీవుడ్ హీరో ఎవరు?

*Tammreddy Bharadwaja: మీ ఫ్యామిలీస్‌‌ని తిట్టినప్పుడు.. ఏమైంది మీ మగతనం? ఇండస్ట్రీ హీరోలకి సూటి ప్రశ్న?