Kushi: రెండు రోజులకే 50 కోట్ల క్లబ్‌లోకి చేరిన ‘ఖుషి’..

ABN , First Publish Date - 2023-09-03T15:44:30+05:30 IST

టాలీవుడ్ లేటెస్ట్ సూపర్ హిట్ మూవీ ‘ఖుషి’ కలెక్షన్స్ జోరు కొనసాగుతోంది. విజయ్ దేవరకొండ, సమంత జంటగా నటించిన ఈ సినిమా శుక్రవారం ప్రేక్షకుల ముందుకొచ్చిన విషయం తెలిసిందే. లవ్, ఫ్యామిలీ ఎంటర్‌టైనర్‌గా అందరినీ ఆకట్టుకుంటోన్న ‘ఖుషి’ చిత్రం బాక్సాఫీస్ వద్ద వసూళ్ల వర్షం కురిపిస్తోంది. విడుదలైన రెండు రోజులకే ఈ చిత్రం 50 కోట్ల కలెక్షన్స్ రాబట్టినట్లుగా మేకర్స్ అధికారికంగా ప్రకటించారు.

Kushi: రెండు రోజులకే 50 కోట్ల క్లబ్‌లోకి చేరిన ‘ఖుషి’..

Kushi Movie Poster

టాలీవుడ్ లేటెస్ట్ సూపర్ హిట్ మూవీ ‘ఖుషి’ (Kushi) కలెక్షన్స్ జోరు కొనసాగుతోంది. విజయ్ దేవరకొండ (Vijay Deverakonda), సమంత (Samantha) జంటగా నటించిన ఈ సినిమా శుక్రవారం ప్రేక్షకుల ముందుకొచ్చిన విషయం తెలిసిందే. లవ్, ఫ్యామిలీ ఎంటర్‌టైనర్‌గా అందరినీ ఆకట్టుకుంటోన్న ‘ఖుషి’ (Kushi) చిత్రం బాక్సాఫీస్ వద్ద వసూళ్ల వర్షం కురిపిస్తోంది. తొలి రోజు ప్రపంచ వ్యాప్తంగా 30.1 కోట్ల రూపాయల గ్రాస్ కలెక్షన్స్ సాధించిన ఈ సినిమా.. రెండో రోజుకు 51 కోట్ల రూపాయలు ఆర్జించింది. తెలుగు రాష్ట్రాల్లోని అన్ని సెంటర్స్ లో మంచి కలెక్షన్స్ రాబడుతూ.. విజయదుంధుబి మోగిస్తోంది. (Kushi 2 Days Collections)

ఒక్క నైజాం ఏరియాలో రెండో రోజున ఖుషి 3.3 కోట్ల రూపాయల వసూళ్లు సాధించిందీ అంటే.. ప్రేక్షకులు ఈ సినిమాను ఎంతగా ఆదరిస్తున్నారో అర్థం చేసుకోవచ్చు. ఖుషికి పెరుగుతున్న బుకింగ్స్ మూడో రోజైన సండే కూడా ఇదే జోరు కొనసాగుతుందని మేకర్స్ భావిస్తున్నారు. మరోవైపు యూఎస్ బాక్సాఫీస్ వద్ద కూడా ఖుషి జోరు కనిపిస్తోంది. రెండో రోజుకే ఈ సినిమా యూఎస్ బాక్సాఫీస్ వద్ద వన్ మిలియన్ డాలర్స్ ఫీట్ సాధించడంతో.. విజయ్ మరియు సమంత ఫ్యాన్స్ చాలా హ్యాపీగా ఉన్నారు. (Vijay Deverakonda Kushi Collections)

మైత్రీ మూవీ మేకర్స్ (Mythri Movie Makers) బ్యానర్‌పై నవీన్ యెర్నేని, వై రవిశంకర్ నిర్మాణంలో దర్శకుడు శివ నిర్వాణ (Shiva Nirvana) ఈ చిత్రాన్ని రూపొందించారు. క్లీన్ లవ్, ఫ్యామిలీ ఎంటర్ టైనర్‌గా తెరకెక్కిన ఈ సినిమాకు అన్ని వర్గాల ప్రేక్షకుల నుంచి ఆదరణ లభిస్తోందని మేకర్స్ చెబుతున్నారు. కలెక్షన్స్ చూస్తుంటే మరికొద్ది రోజుల పాటు ఖుషి జోరు ఇలాగే కొనసాగుతుందనేలా.. వారు ఆశాభావం వ్యక్తం చేస్తున్నారు.