యూట్యూబ్‌ను ఊపేస్తున్న ‘ఏషనాగుల’ సాంగ్

నేచురల్ స్టార్ నాని (Natural Star Nani), డైరెక్టర్ శ్రీకాంత్ ఓదెల (Srikanth Odela) కాంబినేషన్ అంటేనే బాక్సాఫీస్ దగ్గర మాస్ జాతర గుర్తుకొస్తుంది. ‘దసరా’ వంటి బ్లాక్‌బస్టర్ తర్వాత వీరి కాంబోలో వస్తున్న మోస్ట్ అవైటెడ్ మూవీ.. ‘ది ప్యారడైజ్’ (The Paradise). ఇప్పటికే ఈ సినిమా నుంచి వచ్చిన ప్రమోషనల్ కంటెంట్, టీజర్, సాంగ్స్ ప్రేక్షకుల్లో, నాని ఫ్యాన్స్‌లో అంచనాలను అమాంతం పెంచేశాయి. శ్రీ లక్ష్మీ వెంకటేశ్వర సినిమాస్ బ్యానర్‌పై ప్రముఖ నిర్మాత సుధాకర్ చెరుకూరి అత్యంత భారీ బడ్జెట్‌తో, ఎక్కడా కాంప్రమైజ్ కాకుండా ఈ చిత్రాన్ని నిర్మిస్తున్నారు. ఇక ఈ సినిమాలో నాని సరసన కయాదు లోహర్ కథానాయికగా నటిస్తుండగా... కలెక్షన్ కింగ్ మోహన్ బాబు, సోనాలి కులకర్ణి, రాఘవ్ జుయల్, సంపూర్ణేష్ బాబు కీలక పాత్రల్లో కనిపించనున్నారు. ఇప్పటికే షూటింగ్ పనులు పూర్తి చేసుకున్న ‘ది ప్యారడైజ్’ చిత్రం సెప్టెంబర్ 24వ తేదీన ప్రపంచ వ్యాప్తంగా థియేటర్లలో విడుదల కానుంది. దసరా కాంబో మళ్ళీ రిపీట్ అవుతుండటంతో టాలీవుడ్‌లోనే కాకుండా పాన్ ఇండియా వ్యాప్తంగా ఈ సినిమాపై భారీ హైప్ నెలకొంది.

అయితే, అసలు విషయానికి వస్తే... ఇటీవల ఈ సినిమా నుంచి విడుదలైన ‘ఏషనాగుల’ పాట ఇప్పుడు సోషల్ మీడియాను, యూట్యూబ్‌ను ఒక రేంజ్‌లో ఊపేస్తోంది. ఇన్‌స్టాగ్రమ్ రీల్స్, యూట్యూబ్ షార్ట్స్, మీమ్స్.. ఎక్కడ చూసినా, ఏ నోట విన్నా ఈ పాట ట్రెండింగే నడుస్తోంది. ఈ పాటకు వస్తున్న రెస్పాన్స్ చూసి ఇండస్ట్రీ వర్గాలు కూడా ఆశ్చర్యపోతున్నాయి. అంతేకాదు, ఇప్పుడు ఈ పాట టాలీవుడ్ హిస్టరీలోనే ఒక అరుదైన, ఆల్ టైమ్ రికార్డును సొంతం చేసుకుంది. అదేంటంటే.. ‘ఏషనాగుల’ పాట విడుదలైన కేవలం 5 రోజుల్లోనే యూట్యూబ్‌ వేదికగా ఏకంగా 50 మిలియన్‌కు పైగా వ్యూస్‌ను దాటేసింది. ఐదు రోజుల వ్యవధిలోనే 50 మిలియన్ మార్కును క్రాస్ చేసిన తొలి తెలుగు పాటగా రికార్డు సృష్టించింది. చిత్ర బృందం ఈ విషయాన్ని సోషల్ మీడియా పోస్ట్ ద్వారా తెలియజేసింది. సాధారణంగా తెలుగులో ఎన్నో సూపర్ హిట్ మాస్ సాంగ్స్ వచ్చాయి కానీ... కేవలం 5 రోజుల్లో 50M మార్కును తాకడం అనేది సాధారణ విషయం కాదు. ఈ పాటలోని మాస్ ఎనర్జీ, ఆకట్టుకునే రీథమ్ ఆడియన్స్ పిచ్చెక్కిస్తోంది.

రాక్‌స్టార్ అనిరుధ్ అందించిన మైండ్ బ్లోయింగ్ మ్యూజిక్, స్క్రీన్‌పై నాని, కీర్తి సురేశ్‌ల ఆ ఊరమాస్ డ్యాన్స్ మూవ్స్ ప్రేక్షకులను విపరీతంగా ఆకట్టుకుంటున్నాయి. నెటిజన్లు, మ్యూజిక్ లవర్స్ ఈ పాటను రిపీట్ మోడ్‌లో పెట్టి మరీ ఆస్వాదిస్తున్నారు.​ కేవలం తెలుగు రాష్ట్రాలకే పరిమితం కాకుండా... దేశ విదేశాల్లోని శ్రోతలను సైతం తన మాస్ బీట్స్‌తో కట్టిపడేస్తూ ఈ పాట ఒక ‘గ్లోబల్ మాస్ మ్యూజిక్ మూవ్‌మెంట్’గా మారింది. యూట్యూబ్‌లో వ్యూస్ పరుగులు తీస్తున్న వేగం చూస్తుంటే, రాబోయే రోజుల్లో ‘ఏషనాగుల’ సాంగ్ మరిన్ని రికార్డులను బద్దలు కొట్టడం ఖాయంగా కనిపిస్తోంది. మరి సెప్టెంబర్ 24న రాబోతున్న ‘ది ప్యారడైజ్’ బాక్సాఫీస్ వద్ద ఎలాంటి సంచలనాలు సృష్టిస్తుందో చూడాలి.

ఇవి కూడా చదవండి:

జక్కన్న నెక్ట్స్‌ హీరో ఎవరు.. ఆ లెక్కలన్నీ మారుతాయా?

హీరోయిజం కాదు.. ఇప్పుడు దర్శకులదే హవా

‘టాక్సిక్’ ఇంగ్లీష్ వెర్షన్ డేట్ ఫిక్స్.. వర్కవుట్ అవుతుందా