జేడీ చక్రవర్తి నెంబర్ వన్ ఫ్రాడ్.. నటుడు సురేష్ షాకింగ్ కామెంట్స్!

టాలీవుడ్ సీనియర్ నటుడు సురేష్ ఇటీవల ఇచ్చిన ఓ ప్రత్యేక ఇంటర్వ్యూలో తన సుదీర్ఘ సినీ ప్రయాణం, తోటి నటీనటులతో తనకున్న వ్యక్తిగత బంధంపై పలు ఆసక్తికర విషయాలను వెల్లడించారు.

టాలీవుడ్ సీనియర్ నటుడు సురేష్ (Senior Actor Suresh) ఇటీవల ఇచ్చిన ఓ ప్రత్యేక ఇంటర్వ్యూలో తన సుదీర్ఘ సినీ ప్రయాణం, తోటి నటీనటులతో తనకున్న వ్యక్తిగత బంధంపై పలు ఆసక్తికర విషయాలను వెల్లడించారు. ముఖ్యంగా విలక్షణ నటుడు, దర్శకుడు జేడీ చక్రవర్తి (JD Chakravarthy)తో ఉన్న సాన్నిహిత్యం గురించి సురేష్ చేసిన వ్యాఖ్యలు ప్రస్తుతం నెట్టింట తెగ వైరల్ అవుతున్నాయి. మాటల సందర్భంలో జేడీని తాను ఎంతో చనువుగా ‘నెంబర్ వన్ ఫ్రాడ్ 420’ అని పిలుస్తుంటానని సురేష్ సరదాగా పేర్కొన్నారు. ఈ సరదా కామెంట్ వారిద్దరి మధ్య దశాబ్దాలుగా ఉన్న స్నేహాన్ని, చనువును తెలియజేస్తోందని సినీ వర్గాలు భావిస్తున్నాయి.

జేడీ చక్రవర్తి మనస్తత్వం చాలా భిన్నంగా, ప్రత్యేకంగా ఉంటుందని సురేష్ వివరించారు. ‘‘జేడీ మనసులో ఏ ఆలోచన ఉందో, తర్వాత క్షణంలో ఆయన ఏం చేస్తారో ఎవరూ ముందే ఊహించలేరు. ఆఖరికి జేడీకి కూడా తన మైండ్‌లో ఏముందో ఆయనకే తెలియదేమో’’ అంటూ సురేష్ నవ్వులు పూయించారు. తామిద్దరం కలిసినప్పుడు ప్రతి విషయాన్ని ఎంతో నిష్కల్మషంగా, ఓపెన్‌గా మాట్లాడుకుంటామని.. పరస్పరం వేసుకునే సెటైర్లు, విమర్శలను చాలా స్పోర్టివ్‌గా తీసుకుంటామని చెప్పారు. సినిమా ఇండస్ట్రీలో ఇలాంటి అహం లేని, నిజాయితీతో కూడిన స్నేహాలు దొరకడం చాలా అరుదని అన్నారు. జేడీతో పాటు జగపతిబాబు, సుమన్, శ్రీకాంత్, ఉత్తేజ్ వంటి వారితో కూడా తనకు ఎంతో కాలంగా మంచి స్నేహబంధం కొనసాగుతోందని గుర్తుచేసుకున్నారు.

ఇక తన సెకండ్ ఇన్నింగ్స్ పాత్రల ఎంపికపై సురేష్ ఆసక్తికరమైన స్పష్టతనిచ్చారు. సినిమా చివర్లో వచ్చి జస్ట్ కనిపించి ‘శుభం కార్డు’ వేసే రబ్బర్ స్టాంప్ లాంటి బలహీనమైన పాత్రలు చేయడం తనకు ఏమాత్రం ఇష్టం ఉండదని కుండబద్దలు కొట్టారు. కేవలం స్క్రీన్ స్పేస్ కోసమే కాకుండా, నటనకు ఆస్కారం ఉండి కథను మలుపు తిప్పే బలమైన విలన్ లేదా నెగెటివ్ షేడ్స్ ఉన్న వైవిధ్యమైన పాత్రలు చేయడానికే తాను అధిక ప్రాధాన్యత ఇస్తానని సురేష్ స్పష్టం చేశారు. ఆయన చేసిన ఈ బోల్డ్ అండ్ ఫ్రాంక్ కామెంట్స్ ప్రస్తుతం ఫిలిం వర్గాల్లో హాట్ టాపిక్‌గా మారాయి.

ఇవి కూడా చదవండి:

‘న్యాయం చేయరా దేవుడా’ అంటూ.. శ్రష్టి వర్మ డ్యాన్స్‌తో దుమ్మురేపింది

బీజేపీపై సంచలన ఆరోపణలు.. విజయ్ ‘టీవీకే’లోకి నటుడు దేవన్

Varanasi: 50 భాషల్లో.. జక్కన్న అంటే ఆ మాత్రం ఉండాల్సిందే