రవితేజ.. 'అక్కాయిలు బాగున్నారా?

మాస్ మహారాజా రవితేజ కొత్త ప్రయోగాలకు రెడీ అవుతున్నాడు. ఫ్యామిలీ ఎంటర్ టైనర్లపై మనసు పారేసుకుంటున్నాడు. ఇటీవలే 'భర్త మహాశయులకు విజ్ణప్తి' అంటూ కొత్త ప్రయోగం చేసిన మాసోడు.. అప్ కమింగ్ మూవీ విషయంలోనూ అదే ప్లాన్ చేస్తున్నాడు. ఈ క్రమంలో నిర్మాత దిల్ రాజుతో చేయబోయే సినిమాకు ఇంట్రెస్టింగ్ టైటిల్ ను పెట్టబోతున్నారట.

యంగ్ డైరెక్టర్ హసిత్ గోలి ఈ సినిమాను తెరకెక్కించబోన్నాడు. 'రాజా రాజా చోర' వంటి హిట్ చిత్రంతో మంచి పేరు తెచ్చుకున్న హసిత్.. రవితేజ మాస్ స్టైల్‌కు సరిపడా పవర్ ఫుల్ స్క్రిప్ట్‌ను సిద్ధం చేశారట. అంతేకాదు.. ఈ మూవీకి ఓ క్రేజీ టైటిల్‌ను కూడా అనుకుంటున్నాడట. సోషల్ మీడియాలో ప్రస్తుతం తెగ వైరల్ అవుతున్న ఆ టైటిల్ ఏమిటంటే.. 'అక్కాయిలు బాగున్నారా?'. ఈ పేరు విన్నవారంతా ఆశ్చర్యపోతున్నారు.

ఈ మధ్య కాలంలో డిఫరెంట్‌ మాస్ టైటిల్స్‌తో వస్తున్నాడు రవితేజ. కానీ ఏదీ కూడా పెద్దగా వర్కవుట్ కావడం లేదు. దీంతో ఈ సారి కాస్త క్లాసీ ఫీల్‌తో పాటు ఫ్యామిలీ టచ్ ఉన్న టైటిల్‌తో రావాలని టీమ్ భావిస్తోందట. 'అక్కాయిలు బాగున్నారా?' అనే టైటిల్ ఆ దిశగా ఒక ఆసక్తికరమైన ప్రయత్నం అవుతుందని భావిస్తున్నారు. ప్రస్తుతం శివ నిర్వాణ దర్శకత్వంలో 'ఇరుముడి' సినిమా షూటింగ్‌లో బిజీగా ఉన్న రవితేజ, ఆ చిత్రం పూర్తి కాగానే ఈ కొత్త ప్రాజెక్ట్ మొదలు పెట్టబోతున్నట్టు తెలుస్తోంది. ఇప్పటికే స్టోరీ లాక్ అయ్యిందని తెలుస్తోంది. ప్రీ-ప్రొడక్షన్ పనులు వేగంగా సాగుతున్నాయి . 'రాజా ది గ్రేట్' తర్వాత వస్తున్న రవితేజ - దిల్ రాజు కాంబినేషన్ లోని ఈ మూవీ ఎలాంటి మ్యాజిక్ సృష్టిస్తుందో చూడాలి.

Read Also: వార్నీ..'పెద్ది' వాయిదాకు కారణం ఇదా?

Read Also: Mahesh Babu: మూడేళ్లు గ్యాప్‌.. వచ్చే మూడేళ్లు పండగే..