Mahesh Babu: మూడేళ్లు గ్యాప్‌.. వచ్చే మూడేళ్లు పండగే..

సూపర్‌స్టార్‌ మహేశ్‌ బాబు (mahesh Babu) గత చిత్రం ‘గుంటూరు కారం’ విడుదలై రెండేళ్లు దాటేసింది. తాజాగా చిత్రం ‘వారణాసి’ రావాలంటే ఇంకా ఏడాది సమయం ఉంది. రాజమౌళి (Rajamouli)దర్శకత్వంలో భారీగా తెరకెక్కుతున్న ఈ చిత్రం వచ్చే ఏడాది ఏప్రిల్‌ 7న ప్రేక్షకుల ముందుకు రానుంది. ఇప్పటివరకు మహే్‌ష్‌ పూర్తి స్థాయి పాన్‌ ఇండియా సినిమా చేయలేదు. ఇదే తొలి ప్రయత్నం. ఈ సినిమాతో మహేశ్‌ గ్లోబల్‌స్థాయిలో గుర్తింపు పొందే అవకాశాలున్నాయని సినీ వర్గాలు భావిస్తున్నాయి. ఆయన కెరీర్‌కు ఇది గేమ్‌ ఛేంజర్‌గా మారనుంది. అయితే ఈ సినిమా పూర్తయ్యాక మహేశ్‌కు పెద్ద లైనప్‌ ఉంది. ‘వారణాసి’ షూటింగ్‌ పూర్తి కావడంతోనే ఇతర ప్రాజెక్ట్‌లతో దృష్టి పెట్టనున్నారు మహేశ్‌. ఆయన తదుపరి చిత్రం మైత్రీ మూవీ మేకర్స్‌లో ఉండబోతుందని టాక్‌. అయితే ఈ చిత్రానికి దర్శకుడు ఇంకా ఫైనల్‌ కాలేదు, చర్చల దశలో ఉంది.

అలాగే ఏషియన్‌ సునీల్‌తో కూడా ఓ సినిమా కమిట్‌మెంట్‌ ఉంది. ప్రస్తుతం ఈ రెండు ప్రాజెక్ట్‌లు చర్చల దశలో ఉన్నాయి. వారణాసి విడుదల తర్వాత వచ్చే మూడేళ్లు మూడు సినిమాలు విడుదల చేయాలని మహేశ్‌ ప్లాన్‌లో ఉన్నారని ఆయన సన్నిహిత వర్గాలు తెలిపారు.