మోక్షజ్ఞ కంటే ముందే.. బాల‌య్య కుమార్తె తేజ‌స్విని ఎంట్రీ!

తెలుగు సినీ పరిశ్రమలో ప్రముఖ స్టార్ ఫ్యామిలీల నుంచి ఎంతమంది వారసులు హీరోలుగా పరిచయమైనా ప్రేక్షకులు, అభిమానులు ఎంతో ఆదరణతో స్వాగతిస్తారు. కానీ వారసురాళ్ల విషయంలో మాత్రం అంత సపోర్ట్ లభించదు.

తెలుగు సినీ పరిశ్రమలో ప్రముఖ స్టార్ కుటుంబాల (Star Heroes Families) నుంచి ఎంతమంది వారసులు హీరోలుగా పరిచయమైనా ప్రేక్షకులు, అభిమానులు ఎంతో ఆదరణతో స్వాగతిస్తారు. అయితే, అదే నందమూరి, ఘట్టమనేని, అక్కినేని లేదా మెగా ఫ్యామిలీల నుంచి అమ్మాయిలు హీరోయిన్లుగా లేదా నటీమణులుగా వెండితెరపైకి రావాలనుకున్నప్పుడు కొన్ని ప్రత్యేకమైన పరిస్థితులు, భిన్నాభిప్రాయాలు ఎదురవుతూ ఉంటాయి. గతంలో సూపర్‌స్టార్ కృష్ణ (Super Star Krishna) కుమార్తె, నటి మంజుల (Manjula) నటిగా ఎంట్రీ ఇవ్వాలనుకున్న సమయంలో అభిమానుల నుంచి తీవ్రమైన వ్యతిరేకత వచ్చిన సంగతి తెలిసిందే. ఆ పరిణామాల తర్వాత స్టార్ హీరోలు తమ కుమార్తెలను కథానాయికలుగా పరిచయం చేసే విషయంలో చాలా అప్రమత్తంగా ఉంటూ, కొంత వెనుకంజ వేస్తూ వచ్చారు. నిహారిక (Niharika) మినహా మెగా ఫ్యామిలీ నుంచి హీరోయిన్లుగా ఎవరూ బయటకు రాలేదు. తెరపై కంటే తెరవెనుకే వారు చక్రం తిప్పుతున్నారు.

ఇక నందమూరి ఫ్యామిలీ (Nandamuri Family) విషయానికి వస్తే.. నటసింహం బాలకృష్ణ తనయుడు మోక్షజ్ఞ (Mokshagna) సినీ రంగ ప్రవేశం కోసం నందమూరి అభిమానులు కొన్ని సంవత్సరాలుగా వేయి కళ్లతో ఎదురుచూస్తున్నారు. మోక్షజ్ఞ ఎంట్రీ సినిమాపై భారీ ఆశలు నెలకొనడం, సరైన కథ కోసం వేచి చూడటంతో ఆయన ప్రాజెక్ట్ ప్రకటనలు, సన్నాహాలు శరవేగంగా జరుగుతున్నాయి. అయితే, ప్రస్తుతం ఫిలింనగర్ వర్గాల్లో మరొక ఆసక్తికరమైన వార్త తెగ హల్‌చల్ చేస్తోంది. మోక్షజ్ఞ కంటే ముందే బాలయ్య రెండవ కుమార్తె (Balakrishna Second Daughter) తేజస్విని (Tejaswini) నటన వైపు అడుగులు వేస్తున్నారనే ప్రచారం మొదలైంది.

ఇప్పటికే నిర్మితమవుతున్న పలు ప్రాజెక్టుల్లో నిర్మాణాత్మక భాగస్వామిగా, వెనుక ఉండి నడిపించే క్రియాశీలక పాత్రలో కనిపిస్తున్న తేజస్విని, ఇప్పుడు స్వయంగా నటిగా ఓ వైవిధ్యమైన సినిమాలో మెరవబోతున్నారని టాక్ నడుస్తోంది. ఆమె ప్రధాన పాత్రలో లేదా ఒక కీలక పాత్రలో ఒక చిత్రం తెరకెక్కనుందని సోషల్ మీడియాలో విపరీతంగా ప్రచారం జరుగుతోంది. దశాబ్దాలుగా నందమూరి కాంపౌండ్ నుంచి ఆడపిల్లలు కథానాయికలుగా రాలేదు కాబట్టి, ఈ వార్త నిజమైతే నందమూరి అభిమానులు ఎలా స్పందిస్తారు? ఈ నిర్ణయాన్ని ఎలా స్వీకరిస్తారు? అనేది ప్రస్తుతం టాలీవుడ్‌లో సరికొత్త చర్చకు దారితీస్తోంది. మరోవైపు తేజస్విని మాత్రం తన డ్యాన్సింగ్ స్కిల్స్‌కు పదును పెడుతూ, రిలీజ్ చేస్తున్న వీడియోలు సోషల్ మీడియాను షేక్ చేస్తున్న విషయం తెలిసిందే. ఈ నేపథ్యంలో ఆమె నటిగా ఎంట్రీ అంటే.. నిజంగానే అంచనాలు ఆకాశాన్ని తాకుతాయి. కానీ, అభిమానులు ఎలాంటి అభిప్రాయం వ్యక్తం చేస్తారనేది తెలియాల్సి ఉంది. అంతకంటే ముందు, ఆమె ఎంట్రీకి సంబంధించి అధికారిక ప్రకటన కూడా రావాల్సి ఉంది.

ఇవి కూడా చదవండి:

మిస్టిక్ డివైన్ థ్రిల్లర్ ‘అగధ’ ట్రైలర్ రిలీజ్ డేట్ ఫిక్స్

Karmaakhya Movie reveiw: కర్మాఖ్య మూవీ రివ్యూ

సైమా 14వ ఎడిషన్‌ నామినేషన్స్‌లో ఈ తెలుగు చిత్రాలదే హవా..