సెట్ లో ప్రమాదం.. ఇమ్రాన్ హష్మీకి తప్పిన ప్రాణాపాయం

బాలీవుడ్ టాలెంటెడ్ యాక్టర్ ఇమ్రాన్ హష్మీ (Emraan Hashmi)కి పెను ప్రమాదం తప్పింది. ఆయన నటిస్తున్న మోస్ట్ అవేటెడ్ స్పై థ్రిల్లర్ 'గన్‌మాస్టర్ జి9' (Gunmaaster G9) షూటింగ్‌లో ప్రమాదం జరిగింది. ప్రస్తుతం ఈ సినిమాకు సంబంధించిన క్లైమాక్స్ యాక్షన్ సీక్వెన్స్ షూటింగ్ బెంగళూరు వేదికగా అత్యంత భారీ బడ్జెట్‌తో తెరకెక్కుతోంది. ఈ హై-వోల్టేజ్ యాక్షన్ సన్నివేశాల కోసం మేకర్స్ ప్రత్యేకమైన టెక్నికల్ పరికరాలను, సేఫ్టీ మెకానిజమ్‌లను ఏర్పాటు చేశారు.

షూటింగ్‌లో భాగంగా ఒక కారును గాలిలో సస్పెండ్ చేసి ఉంచేలా రిగ్గింగ్ చేశారు. అయితే, అనుకోని సాంకేతిక లోపం కారణంగా ఆ మెకానిజం అకస్మాత్తుగా చేతులెత్తేసింది. దీంతో గాలిలో ఉండాల్సిన వాహనం ఒక్కసారిగా వేగంగా కిందపడిపోయింది. సరిగ్గా ఇమ్రాన్ హష్మీ ముఖానికి కేవలం ఒక్క అడుగు దూరంలో ఆ కారు కుప్పకూలడంతో సెట్‌లో ఒక్కసారిగా కలకలం రేగింది. ఈ ఊహించని పరిణామానికి చిత్ర యూనిట్ షాక్ గురికాగా, షూటింగ్ తాత్కాలికంగా నిలిచిపోయింది.

ఇలాంటి ప్రమాదకరమైన స్టంట్స్ చేసేటప్పుడు ఎంత జాగ్రత్తగా ఉన్నప్పటికీ, టెక్నికల్ లోపాలు ఏ స్థాయిలో ప్రాణాపాయానికి దారితీస్తాయో ఈ ఘటన మరోసారి గుర్తుచేసింది. ఒకవేళ కారు మరో అడుగు ముందుకు పడి ఉంటే తీవ్రమైన గాయాలు అయ్యేవి. అయితే అదృష్టవశాత్తూ ఇమ్రాన్ హష్మీకి ఏకైక చిన్న గీత కూడా పడలేదు. ఎలాంటి ప్రాణనష్టం జరగకపోవడంతో యూనిట్ సభ్యులు ఊపిరి పీల్చుకున్నారు. ఈ సినిమాపై భారీ అంచనాలు ఉండగా, ప్రస్తుతం ఈ వార్త సోషల్ మీడియాలో వైరల్ అవుతోంది. ఇక ఇమ్రాన్ హష్మీ తెలుగులో గూఢచారి 2 లో నటిస్తున్నాడు. త్వరలోనే ఈ సినిమా రిలీజ్ కి సిద్ధమవుతోంది. మరి ఈ సినిమాతో తెలుగులో ఇమ్రాన్ హష్మీ ఎలాంటి విజయాన్ని అందుకుంటాడో చూడాలి.

Also Read:

సితార ఎంటర్‌టైన్‌మెంట్స్ సినిమాల విడుదల వాయిదా

RC17: కొత్త ఆఫీస్ పూజా కార్యక్రమాలు పూర్తి

అడుక్కుతినరా.. అంత మాట అన్నావేంటి థమన్ అన్నా