మూడు భాషల్లో జనవరి 21న 'లవ్ అండ్ వార్'
ABN , Publish Date - Apr 18 , 2026 | 10:30 AM
సంజయ్ లీలా భన్సాలీ రూపొందిస్తున్న భారీ ప్రేమకథా చిత్రం 'లవ్ అండ్ వార్' విడుదల తేదీ ఖరారైంది. 2027 జనవరి 21న ఈ సినిమాను మూడు భాషల్లో రిలీజ్ చేయబోతున్నారు.
భారతీయ చలనచిత్ర రంగంలో ఎంతో ఆసక్తిగా ఎదురుచూస్తున్న భారీ ప్రేమకథ చిత్రం 'లవ్ అండ్ వార్' (Love and War) విడుదలకు ముహూర్తం ఖరారైంది. ప్రముఖ దర్శకుడు సంజయ్ లీలా భన్సాలీ (Sanjay Leela Bhansali) తెరకెక్కిస్తున్న ఈ చిత్రం రిపబ్లిక్ డే వారాంతాన్ని పురస్కరించుకుని, 2027 జనవరి 21వ తేదీన (గురువారం) ప్రపంచవ్యాప్తంగా విడుదల కానుంది.
ఎంతో ఉత్కంఠభరితంగా సాగే ఈ రొమాంటిక్ డ్రామాలో బాలీవుడ్ స్టార్స్ రణబీర్ కపూర్, విక్కీ కౌశల్, ఆలియా భట్ ప్రధాన పాత్రల్లో నటిస్తున్నారు. భన్సాలీకి మాత్రమే సాధ్యమైన అద్భుతమైన విజువల్స్, భారీ సెట్టింగ్స్, లోతైన భావోద్వేగాలతో ఈ సినిమా రూపొందుతోంది. ఈ చిత్రాన్ని కేవలం హిందీలోనే కాకుండా తెలుగు, తమిళ భాషల్లో కూడా ప్రేక్షకుల ముందుకు తీసుకురానున్నారు. భారతీయ సినిమాలో ఇప్పటివరకు వచ్చిన అతిపెద్ద రొమాంటిక్ సినిమాలలో ఒకటిగా, భన్సాలీ కెరీర్లోనే అత్యంత ప్రతిష్ఠాత్మకమైన ప్రాజెక్టుగా 'లవ్ అండ్ వార్' నిలవబోతోంది.
ఇవి కూడా చదవండి:
మంగ్లీ కేసులో ప్రధాన నిందితుడు అరెస్ట్.. అసలు కథ ఇప్పుడే మొదలైంది!
Balakrishna: ‘రూటు’ మార్చిన బాలయ్య.. కొడుకు కథను పక్కన పెట్టి.. తనే ఆ దర్శకుడితో?