Danger Boys: కన్నడ, తెలుగు భాషల్లో సీక్వెల్

కన్నడ అనువాద చిత్రాలు ఇప్పుడు తెలుగులోనూ మంచి విజయాన్ని అందుకుంటున్నాయి. ఈ నేపథ్యంలోనే 'అపాయవీడి హెచ్చరిక' సినిమా 'డేంజర్ బాయ్స్' పేరుతో డబ్ అవుతోంది.

కన్నడలో మంచి విజయం సాధించిన 'అపాయవీడి హెచ్చరిక' (Apayaveedi Hechcharike) చిత్రం 'డేంజర్ బాయ్స్' (Danger Boys) పేరుతో తెలుగులో రానుంది. ప్రముఖ దర్శకనిర్మాత శ్రీరంగం సతీష్ కుమార్ ఈ చిత్రాన్ని తెలుగులో విడుదల చేస్తున్నారు. ఈ సందర్భంగా మూవీ ప్రీ- రిలీజ్ వేడుక హైదరాబాద్ లోని ప్రసాద్ ల్యాబ్ లో ఆదివారం సాయంత్రం జరిగింది. తెలంగాణ ఫిల్మ్ ఛాంబర్ ఆఫ్ కామర్స్ అధ్యక్షులు ప్రతాని రామకృష్ణ గౌడ్ 'డేంజర్ బాయ్స్' ఫస్ట్ లుక్ రిలీజ్ చేయగా... టీజర్ ను ప్రముఖ దర్శకనిర్మాత సాయి వెంకట్ (Sai Venkat), పాటలను ప్రముఖ నిర్మాత తుమ్మలపల్లి రామసత్యనారాయణ (Thummalapalli Rama Satyanarayana), జాతీయ మానవ హక్కుల కమిషన్ మెంబర్ సత్యవర్ధన్ విడుదల చేశారు. ట్రైలర్ ను తెలుగు దర్శకుల సంఘం అధ్యక్షులు వీర శంకర్ (Veera Sankar) ఆవిష్కరించారు. ఈ వేడుక కోసం బెంగళూర్ నుంచి మొత్తం చిత్రబృందం హైదరాబాద్ రావడం విశేషం.

'దండుపాళ్యం, కేజీఎఫ్, కాంతారా' వంటి కన్నడ అనువాద చిత్రాలు తెలుగులోనూ ఈ మధ్య కాలంలో విడుదలై మంచి విజయాన్ని అందుకున్నాయని, 'డేంజర్ బాయ్స్' కూడా ఆ కోవలో ఘన విజయాన్ని సాధించాలనే ఆకాంక్షను అతిథులు వ్యక్తం చేశారు. ఈ ట్రైలర్, సాంగ్స్ చూస్తుంటే ఈ చిత్రం మరో 'మంజమల్ బాయ్స్' (Manjummel Boys) అవుతుందనిపిస్తోందని వారు చెప్పారు. శ్రీరంగం సతీష్ కుమార్ సమర్పణలో వి.జి. మంజునాథ్ - పూర్ణిమ ఎమ్.గౌడ్ నిర్మించిన ఈ చిత్రాన్ని అభిజిత్ తీర్థహళ్ళి తెరకెక్కించారు. వికాస్ ఉత్తయ్య , రాధా భగవతి, అశ్విన్ హసన్, రాఘవ్ కొడబాద్రి తదితరులు కీలక పాత్రలు పోషించారు. దీనికి సినిమాటోగ్రఫీ అందించడంతో పాటు సునాద్ గౌతమ్ స్వరాలను సమకూర్చారు. ఈ సినిమాను తెలుగులో విడుదల చేసే అవకాశం కల్పించడం పట్ల శ్రీరంగం సతీశ్ కుమార్ కృతజ్ఞతలు తెలిపారు. 'డేజర్ బాయ్స్' మూవీకి సీక్వెల్ ప్లాన్ చేస్తున్నామని, దాన్ని ఏక కాలంలో కన్నడ, తెలుగు భాషల్లో నిర్మిస్తామని నిర్మాతలు తెలిపారు.

Also Read: Raj Nidimoru: వ్యూహాత్మక మౌనానికి కారణం అదేనా...

Also Read: Kannappa Promotions: అవన్నీ వద్దు.. ప్రభాస్ వస్తున్నాడా.. ?

మరిన్ని సినిమా వార్తల కోసం ఇక్కడ క్లిక్ చేయండి