RK Deeksha: సుమన్ ఆవిష్కరించిన 'ఆర్. కె. దీక్ష' ట్రైలర్

తెలంగాణ ఫిల్మ్ ఛాంబర్ ఆఫ్ కామర్స్ అధ్యక్షులు డా. ప్రతాని రామకృష్ణ గౌడ్ (Prathani Ramakrishna Goud) స్వీయ దర్శకత్వంలో నిర్మించిన సినిమా 'ఆర్.కె. దీక్ష' (RK Deeksha). డి.ఎస్.రెడ్డి సమర్పణలో నిర్మితమైన ఈ సినిమాలో 'ఢీ' జోడీ ఫేమ్ అక్సఖాన్, అలేఖ్య రెడ్డి హీరోయిన్లుగా, కిరణ్ హీరోగా నటించారు. తులసి, అనూష, కీర్తన, ప్రవల్లిక, రోహిత్ శర్మ ఇతర కీలక పాత్రలు పోషించారు. ఈ సినిమాకు రాజ్ కిరణ్‌ సంగీతం అందించగా మేనగ శ్రీను ఎడిటర్ గా వ్యవహరించారు. అతి త్వరలో జనం ముందుకు రాబోతున్న ఈ సినిమా ట్రైలర్ ను సీనియర్ నటుడు సుమన్ ఆవిష్కరించారు.

'ఆర్.కె. దీక్ష' ట్రైలర్ ఆవిష్కరణ కార్యక్రమంలో తెలుగు ఫిల్మ్ ఛాంబర్ అధ్యక్షుడు భరత్ భూషణ్, ట్రెజరర్ ప్రసన్న కుమార్, సి. కళ్యాణ్ తదితరులు పాల్గొని చిత్ర బృందాన్ని అభినందించారు. ఈ సినిమా నిర్మాణానికి దాదాపు యేడాది పాటు సాగిందని, ఇందులో ఐదు పాటలతో పాటు మూడు ఫైట్స్ ఉన్నాయి. దేశం కోసం ప్రాణాలు అర్పించిన మురళీ నాయక్ ఇందులోని ఓ పాటను అంకితం చేశాం. జవాన్ లను కీర్తించేలా ఈ పాట సాగుతుంది' అని అన్నారు. గతంలో ఎయిర్ ఫోర్స్ లో పనిచేసిన వ్యక్తిగా ఇందులో జవాన్ సాంగ్ కు తాను బాగా కనెక్ట్ అయ్యానని చిత్ర సమర్పకుడు డి.ఎస్.రెడ్డి చెప్పారు. ఈ చిత్రం తమందరి జీవితాలకు మంచి మలుపు అవుతుందనే నమ్మకం ఉందని హీరో, హీరోయిన్లు ఆశాభావం వ్యక్తం చేశారు. ఈ కార్యక్రమంలో తెలంగాణ ఫిల్మ్ ఛాంబర్ జనరల్ సెక్రటరీ స్నిగ్థ రెడ్డి, వైస్ ఛైర్మన్ గురు రాజ్ తదితరులు పాల్గొన్నారు.

Also Read: Rashi Singh: లెక్చరర్ తో ప్రేమ.. అక్కడ టైమ్ పాస్ చేశాం

Also Read: Nandamuri Balakrishna: అదిరా బాలయ్య అంటే.. రూ. 17 కోట్లు వెనక్కి ఇచ్చేసి