Kingdom: ప్రీ రిలీజ్ టిక్కెట్స్ సేల్ సూపర్

'కింగ్ డమ్' మూవీని గౌతమ్ తిన్ననూరి (Gowtam Tinnanuri) దర్శకత్వంలో సూర్యదేవర నాగవంశీ (Suryadevara Naga Vamsi), సాయి సౌజన్య నిర్మించారు. శ్రీకర్ స్టూడియోస్ దీని ప్రెజెంటర్. రాక్ స్టార్ అనిరుధ్ (Rockstar Anirudh) ఈ సినిమాకు సంగీతాన్ని సమకూర్చారు. మీడియా సమావేశంలో హీరో విజయ్ దేవరకొండ (Vijay Deverakonda) మాట్లాడుతూ, 'సినిమా అవుట్ పుట్ పట్ల మేం చాలా సంతృప్తిగా ఉన్నాం. బుకింగ్స్ కి వస్తున్న అద్భుతమైన స్పందన చూస్తుంటే సంతోషంగా ఉంది. తెలుగు ప్రేక్షకులు ఇస్తున్న భరోసాతోనే.. ఈ సినిమా విడుదల ముందు ఇంత ప్రశాంతంగా ఉండగలుగు తున్నాం. ఈ చిత్రంలో భావోద్వేగాలు కట్టిపడేస్తాయి. చరిత్రలో ఏ యుద్ధం చూసుకున్నా.. కుటుంబం కోసమో, పుట్టిన నేల కోసమో, ప్రేమ కోసమో ఉంటుంది. ఈ యుద్ధం కూడా అలాంటిదే. కుటుంబ భావోద్వేగాల నేపథ్యంలో ఈ చిత్రం తెరకెక్కింది. సినిమా మొదలైన రెండు నిమిషాలకే ప్రేక్షకులు 'కింగ్‌డమ్' ప్రపంచంలోకి వెళ్తారు. థియేటర్ కి వచ్చిన ప్రతి ఒక్కరికీ ఈ చిత్రం మంచి అనుభూతిని ఇస్తుంది' అని అన్నారు.

సూర్యదేవర నాగవంశీ మాట్లాడుతూ, 'ఈమధ్య కాలంలో సినిమాలకు ఓపెనింగ్స్ రాబట్టడం పెద్ద ఛాలెంజ్ అయిపోయింది. ఆ పరంగా చూస్తే మేం పాస్ అయ్యాం. బుకింగ్స్ బాగున్నాయి. మంచి వసూళ్లతో సినిమా ఘన విజయం సాధిస్తుందని ఆశిస్తున్నాను. ఇది పూర్తిస్థాయి యాక్షన్ చిత్రం కాదు. గౌతమ్ తిన్ననూరి శైలి ఎమోషన్స్ ఉంటాయి. అన్ని వర్గాల ప్రేక్షకులు మెచ్చే అంశాలతో తెరకెక్కిన గ్యాంగ్ స్టర్ డ్రామా ఇది. ఈ సినిమా కోసం సెట్స్ వేయలేదు. ఎక్కువ భాగం రియల్ లొకేషన్స్ లో షూట్ చేశాం. మా టీమ్ పడిన కష్టం మీకు తెర మీద కనిపిస్తుంది' అని చెప్పారు. భాగ్యశ్రీ బోర్సే (Bhagyashree Borse) మాట్లాడుతూ, 'కింగ్‌డమ్ లో మధు అనే కథకు కీలకమైన పాత్ర పోషించాను. గౌతమ్ గారు పాత్రను అద్భుతంగా మలిచారు. విజయ్ లాంటి నటుడితో కలిసి నటించడం సంతోషంగా ఉంది. ఈ సినిమా ప్రేక్షకులకు నచ్చుతుందని ఆశిస్తున్నాను' అని అన్నారు.

Also Read: Indian Movies: 'యుఎ' లో వయసు పరిమితులు పట్టించుకోని నిర్మాతలు

Also Read: SS Rajamouli: వార్నర్ కి ‘బాహుబలి’ కిరీటం