Mahesh Babu: మురారి బాటలో ఖలేజా...

సూపర్ స్టార్ కృష్ణ (Super Star Krishna) జన్మదినోత్సవం సందర్భంగా మే 30న మహేశ్‌ బాబు (Mahesh Babu) నటించిన 'ఖలేజా' (Khaleja) చిత్రం మరోసారి జనం ముందుకు రాబోతోంది. మహేశ్, త్రివిక్రమ్ (Trivikram) కాంబినేషన్ లో ఆ చిత్రాన్ని శింగనమల రమేశ్‌, సి. కళ్యాణ్ నిర్మించారు. ఇప్పుడు దీనిని సుబ్బారావు ప్రస్తుతం రీ-రిలీజ్ చేస్తున్నారు. ఈ సందర్భంగా మూవీ ప్రీ రిలీజ్ సేల్స్ బాగా జరిగినందుకు హైదరాబాద్ ఎఫ్.ఎన్.సి.సి.లో మీడియా సమావేశం ఏర్పాటు చేశారు.

ఈ కార్యక్రమంలో ఇద్దరు నిర్మాతలతో పాటు కృష్ణ సోదరుడు ఆది శేషగిరిరావు, కమెడియన్ అలీ, సునీల్ నారంగ్ తదితరులు పాల్గొన్నారు. ఈ సందర్భంగా ఆదిశేషగిరి రావు మాట్లాడుతూ, 'మహేశ్ బాబు నటించిన 'పోకిరి' (Pokiri), 'మురారి' (Murari) చిత్రాలు రీ-రిలీజ్ లో మంచి విజయాన్ని అందుకున్నాయి. అదే తరహాలో 'ఖలేజా' చిత్రానికీ విడుదలకు ముందే స్పందన లభించడం ఆనందంగా ఉంది' అని అన్నారు. ఏ దేశం వెళ్ళినా అక్కడ ఖలేజా సినిమా గురించి మాట్లాడుతుంటారని, త్రివిక్రమ్, మహేశ్ ఆ సినిమా కోసం ప్రాణం పెట్టిపనిచేశారని అలి చెప్పారు. ఈ సినిమాకు ఇప్పటికీ కల్ట్ ఫ్యాన్స్ ఉన్నారని ఆయన అన్నారు. ఈ సినిమా అడ్వాన్స్ బుకింగ్స్ ఓపెన్ చేసిన నిమిషాల్లోనే అయిపోవడం ఆశ్చర్యాన్ని కలిగించిందని ఏసియన్ సునీల్ నారంగ్ తెలిపారు. నిజానికి మహేశ్ బాబు నటించిన 'పోకిరి, 'మురారి', 'ఒక్కడు' వంటి చిత్రాలు అప్పట్లో బాక్సాఫీస్ బరిలో చక్కని విజయాన్ని అందుకున్నాయి. అందువల్ల రీ-రిలీజ్ సమయంలోన ఆ యా చిత్రాలకు చక్కని ఆదరణ లభించింది. కానీ 'ఖలేజా' మొదటిసారి విడుదలైనప్పుడు ఆశించిన స్థాయిలో విజయాన్ని అందుకోలేకపోయింది. అయినా... ఈ సినిమా రీ-రిలీజ్ సమయంలో అడ్వాన్స్ బుకింగ్స్ భారీగా జరగడం విశేషం.

Also Read: Ravi Teja: వినాయక చవితికి మాస్ జాతర

Also Read: Gaddar Film Awards: గద్దర్ తెలంగాణ ఫిల్మ్ అవార్డ్స్ విజేతలు వీరే...

మరిన్ని సినిమా వార్తల కోసం ఇక్కడ క్లిక్ చేయండి