Film Chamber: సమస్యల పరిష్కార దిశగా తొలి అడుగు

ఇటీవల ప్రెస్ మీట్ లో చెప్పినట్టుగానే మే 30న జరిగిన తెలుగు ఫిల్మ్ ఛాంబర్ ఆఫ్ కామర్స్ ఎగ్జిక్యూటివ్ కమిటీ మీటింగ్ లో అంతర్గత కమిటీని వేశారు. మూడు సెక్టార్ల నుండి 30 మందిని ఎంపిక చేశారు.

గత రెండు నెలలుగా ఎగ్జిబిటర్స్ (Exhibitors), డిస్ట్రిబ్యూటర్స్ (Distributors), ప్రొడ్యూసర్స్ (Producers) మధ్య నలుగుతున్న సమస్య తారాస్థాయికి చేరడంతో తెలుగు ఫిల్మ్ చాంబర్ (Telugu Film Chamber) దీనిని పరిష్కరించే పనిని భుజానికి ఎత్తుకుంది. మే 30న జరిగే ఎగ్జిక్యూటివ్ కమిటీ సమావేశంలో మూడు సెక్టార్లకు చెందిన 30 మందితో ఓ కమిటీని వేస్తామని ఫిల్మ్ ఛాంబర్ సెక్రటరీ కె. ఎల్. దామోదర ప్రసాద్ (K. L. Damodara Prasad) ఇప్పటికే హామీ ఇచ్చారు. దాని ప్రకారం 30న విశాఖ పట్టణంలో తెలుగు ఫిల్మ్ ఛాంబర్ ఆఫ్ కామర్స్ ఎగ్జిక్యూటివ్ సమావేశం జరిగింది. అందులో నిర్మాతలు, పంపిణీదారులు, ఎగ్జిబిటర్స్ నుండి 30మందితో కూడిన అంతర్గత కమిటీని వేశారు. ఈ కమిటీకి ఛైర్మన్ గా తెలుగు ఫిల్మ్ ఛాంబర్ ఆఫ్ కామర్స్ ప్రెసిడెంట్ పి. భరత్ భూషణ్ వ్యవహరిస్తారు. అలానే కన్వీనర్ గా ఛాంబర్ సెక్రటరీ కె.ఎల్. దామోదర ప్రసాద్ వ్యవహరించబోతున్నారు.

తెలుగు ఫిల్మ్ ఛాంబర్ ఆఫ్ కామర్స్ వేసిన కమిటీలో నిర్మాతల రంగం నుండి కె.ఎల్. దామోదర ప్రసాద్, దిల్ రాజు, టి. ప్రసన్న కుమార్, సి. కళ్యాణ్, పి.వి రవికిశోర్, వై రవిశంకర్, సూర్యదేవర నాగవంశీ, డీవీవీ దానయ్య, స్వప్న దత్, వై సుప్రియ సభ్యులుగా ఉంటారు. డిస్ట్రిబ్యూటర్స్ సెక్టార్ నుండి భరత్ భూషణ్, ఎన్. సుధాకర్ రెడ్డి, ఎం. సుధాకర్, శిరీశ్‌ రెడ్డి, శశిధర్ రెడ్డి, యు. వెంకటేశ్వరరావు, ఎం. రాందాసు, ఎన్. నాగార్జున, సీడెడ్ కుమార్, సి. భరత్ చౌదరి ఉంటారు. అలానే ఎగ్జిబిటర్ సెక్టార్ నుండి టి.ఎస్. రాం ప్రసాద్, డి. సురేశ్‌ బాబు, సునీల్ నారంగ్, జి. వీర నారాయణ బాబు, సి. శ్రీనివాసరావు, కె. అనుపమ్ రెడ్డి, టి. బాల గోవింద రాజ్, జి. మహేశ్వర్ రెడ్డి, కె. శివ ప్రసాద్ రావు, ఎం. విజయేందర్ రెడ్డి సభ్యులుగా వ్యవహరించబోతున్నారు. మూడు సెక్టార్స్ కు చెందిన ఈ 30 మంది తెలుగు సినిమా రంగంలోని వివిధ సమస్యలపై పరస్పరం చర్చించుకుని పరిష్కార మార్గాన్ని వెతకాల్సి ఉంటుంది.

Also Read: Rukmini Vasanth: ఆకాశాన్ని తాకుతున్న అమ్మడి రెమ్యునరేషన్

Also Read: Aditi Rao Hydari: నిర్మాతల కోసం హీరామండీ లేడీస్ ఆటాపాటా

మరిన్ని సినిమా వార్తల కోసం ఇక్కడ క్లిక్ చేయండి