Bhanupriya: భర్త మరణం.. ఆ వ్యాధి బారిన పడ్డా..

ఒకప్పటి సీనియర్ నటి భానుప్రియ (Bhanupriya) గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. అందం, అభినయం కలగలిపిన హీరోయిన్స్ లో భానుప్రియ టాప్ 10 లో ఉంటుంది అని చెప్పడంలో అతిశయోక్తి లేదు.

Bhanupriya: ఒకప్పటి సీనియర్ నటి భానుప్రియ (Bhanupriya) గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. అందం, అభినయం కలగలిపిన హీరోయిన్స్ లో భానుప్రియ టాప్ 10 లో ఉంటుంది అని చెప్పడంలో అతిశయోక్తి లేదు. ముఖ్యంగా నృత్య కళాకారిణి అయిన ఆమె డ్యాన్స్ కు సపరేట్ ఫ్యాన్ బేస్ ఉందని చెప్పొచ్చు. తెలుగు, తమిళ్, హిందీ భాషల్లో ఎన్నో సినిమాల్లో నటించి మెప్పించిన భానుప్రియ.. హీరోయిన్ గానే కాకుండా సపోర్టింగ్ రోల్స్ లో కూడా నటించి మెప్పించింది.

ఇక భానుప్రియ చివరగా అయలాన్ సినిమాలో కనిపించింది. గత కొంతకాలంగా ఆమె బయట చాలా రేర్ గా కనిపిస్తుంది. సినిమాలు కూడా చేయడం మానేసింది. దీంతో అసలు ఆమెకు ఏమైంది అని అభిమానులు ఆందోళన వ్యక్తం చేస్తున్నారు. ఇక చాలాకాలం తరువాత భానుప్రియ ఒక యూట్యూబ్ ఛానెల్ కి ఇంటర్వ్యూ ఇచ్చింది. అందులో అనేక విషయాలను అభిమానులతో పంచుకుంది. భర్త మరణం తరువాత తనకు మతిమరుపు వ్యాధి వచ్చినట్లు ఆమె చెప్పుకొచ్చింది.

కెరీర్ పీక్స్ లో ఉన్నప్పుడే భానుప్రియ.. ఆదర్శ్ కౌశల్ అనే వ్యక్తిని వివాహం చేసుకుంది. వీరికి అభినయ అనే కూతురు కూడా ఉంది.ఇక ఈ జంట 2005 లో విభేదాల కారణంగా విడిపోయారు. 2008 లో ఆదర్శ్ గుండెపోటుతో మరణించాడు. అప్పటి నుంచి భానుప్రియ అనారోగ్య సమస్యలతో బాధపడుతున్నట్లు తెలిపింది. తనకు ఏది గుర్తు ఉండడం లేదని, మతిమరుపు వ్యాధి వచ్చినట్లు తెలిపింది.

తన భర్త మరణం తనను బాగా కృంగదీసినట్లు భానుప్రియ తెలిపింది. అంతేకాకుండా తాను ఎంతో ఇష్టపడి నేర్చుకున్న డ్యాన్స్ మీద కూడా తనకు ఆసక్తి లేదని, ఈ మతిమరుపు కారణంగా ఆ స్టెప్పులు కూడా గుర్తులేవని చెప్పుకొచ్చింది. ఈ వార్త తెలియడంతో ఆమె అభిమానులు ఎంతో ఆవేదన వ్యక్తం చేస్తున్నారు. తమ అభిమాన నటికి ఇలాంటి పరిస్థితి రావడం చాలా బాధాకరమని, ఆమె త్వరగా కోలుకోవాలని కోరుకుంటూ కామెంట్స్ పెడుతున్నారు.