Kantara: Chapter 1: 'ఆర్.ఆర్.ఆర్.' కలెక్షన్స్ కు చేరువగా...

జాతీయ ఉత్తమ నటుడు రిషబ్ శెట్టి నటించిన తాజా చిత్రం 'కాంతార' వెయ్యి కోట్ల క్లబ్ లో చేరడానికి తహతహలాడుతోంది. ఇంతవరకూ 800 కోట్లకు పైగా గ్రాస్ ను ఈ సినిమా వసూలు చేసింది. త్వరలో ఇంగ్లీష్‌ వర్షన్ కూడా రిలీజ్ కానుండటంతో ఖచ్చితంగా ఇది వెయ్యి కోట్ల గ్రాస్ వసూలు చేస్తుందని ట్రేడ్ వర్గాలు చెబుతున్నాయి. మరో విశేషం ఏమంటే... హిందీలో తాజాగా 'కాంతార: చాప్టర్ 1' రూ. 200 కోట్ల గ్రాస్ ను దాటేసింది. దాంతో ఈ సినిమా నెక్ట్స్ టార్గెట్ 'ట్రిపుల్ ఆర్' మూవీ అని ట్రేడ్ పండిట్స్ చెబుతున్నారు.

ప్రముఖ దర్శకుడు రాజమౌళి... ఎన్టీఆర్, రామ్ చరణ్ తో తెరకెక్కించిన 'ట్రిపుల్ ఆర్' మూవీ అప్పట్లో ఘన విజయాన్ని సాధించింది. ఈ సినిమా హిందీ వర్షన్ రూ. 277 కోట్ల గ్రాస్ ను వసూలు చేసింది. అలానే దీనిపైన స్థానంలో ప్రభాస్ నటించిన 'కల్కి 2898 ఎ.డి.' ఉంది. ఈ సినిమా హిందీ వర్షన్ రూ. 295 కోట్లు వసూలు చేసింది. అయితే విడుదలైన మొదటి రోజు నుండే పాజిటివ్ టాక్ తో సాగిపోతున్న 'కాంతార: చాప్టర్ 1' సినిమా టాప్ టెన్ హిందీ డబ్బింగ్ మూవీస్ జాబితాలో ఉన్న 'బాహుబలి': ది బిగినింగ్, 'సాహో', 'సలార్', '2.0' సినిమాలను అధిగమించి ప్రస్తుతం ఆరవ స్థానంలో ఉంది. రేపు ఫుల్ రన్ లో ఈ సినిమా 'ట్రిపుల్ ఆర్'ను, 'కల్కి'ని క్రాస్ చేసి ముందుకు వెళ్ళినా... దీని ముందు మరో మూడు సినిమాలు ఉంటాయి. బాలీవుడ్ డబ్బింగ్ మూవీస్ లో అగ్రస్థానంలో 'పుష్ప -2' రూ. 836 కోట్లు, 'బాహుబలి 2: ది కన్ క్లూజన్ రూ. 511 కోట్లు, కె.జీ.ఎఫ్‌. చాప్టర్ 2: రూ. 434.62 కోట్లు వసూలు చేశాయి. రిషబ్ శెట్టి స్వీయ దర్శకత్వంలో రూపుదిద్దుకున్న 'కాంతార: చాప్టర్ 1'తో ఉత్తరాది ప్రేక్షకులు బాగానే కనెక్ట్ అయ్యారు. అందుకే అతి సునాయాసంగా ఈ సినిమా అక్కడ 200 కోట్ల మార్క్ ను దాటేసింది. అన్ని అనుకున్నట్టు జరిగితే... 'కాంతార: చాప్టర్ 1' టాప్ ఫైవ్ లో చోటు దక్కించుకోవడం పెద్ద కష్టమేమీ కాదు.

Also Read: Spirit: కథను మలుపు తిప్పడమే కాదు.. అదే ప్రాణం కూడా...

Also Read: SSS Motion Poster: టైం పది అయ్యింది... గ్లాసులు కడుక్కునే టైం అయ్యింది