Love Returns: భార్య, ప్రియురాలు.. ఒకే ఇంటిలో ఉంటే! అదిరిపోయే యూట్యూబ్‌ మినీ సిరీస్‌

ప్రముఖ ఆడియో కంపెనీ సరిగమ నిర్మాణంలోకి అడుగుపెట్టి, తొలిసారిగా ‘లవ్‌ రిటర్న్స్ పేరుతో నిర్మించిన సిరీస్‌ ‘లవ్‌ రిటర్న్స్.

ప్రముఖ ఆడియో కంపెనీ సరిగమ (Saregama) యూట్యూబ్‌ మినీ సిరీస్‌ నిర్మాణంలోకి అడుగుపెట్టి, తొలిసారిగా ‘లవ్‌ రిటర్న్స్ (Love Returns) పేరుతో ఈ లఘు చిత్ర సిరీస్‌ నిర్మించింది. మొత్తం 12 ఎపిసోడ్లుగా రూపొందించిన ఈ మినీ సిరీస్‌లో బుల్లితెర సీరియల్‌ ఫేం చైత్ర రెడ్డి (Chaitra Reddy), ‘కన కానుమ్‌ కాలంగల్‌-2’ ఫేం ఫర్వీన్ (Parveen), ‘ఆఫీస్‌’ సీరియల్‌లో హీరోగా నటించిన గురు లక్ష్మణ్ (Gurulakshman) ప్రధాన పాత్రలు పోషించారు.

తాజాగా విడుద‌ల చేసిన ట్రైల‌ర్ విశేషంగా ఆక‌ట్టుకుంటోంది. ప్ర‌స్తుతం ఈ సిరీస్ ఆగ‌స్టు 7వ తేదీ సాయంత్రం 7 గంట‌ల నుంచి స‌రిగ‌మ డైస్ త‌మిళ్(Saregama Dice (TV Shows) Tamil) యూ ట్యూబ్ ఛాన‌ల్‌లో కేవ‌లం త‌మిళంలో మాత్ర‌మే అందుబాటులోకి రానుంది. తెలుగులో మాత్రం లేదు.

ఈ నెల 7వ తేదీ నుంచి నుంచి ప్రసారమయ్యే ఈ షార్ట్ సిరీస్‌ను సరిగమ ప్రొడక్షన్స్‌ పతాకంపై ప్రిన్స్‌ ఇమ్మాన్యుయేల్‌ నిర్మించారు. సదాశివం సెంథిల్‌రాజన్ (Sadhasivam Senthilrajan), అర్జున్‌ డీవీ (Arjun DV) అనే ఇద్దరు డైరెక్ట‌ర్లు దర్శకత్వం వహించారు. ఈ కథను దర్శక ద్వయం వివరిస్తూ, ‘ఒకే ఇంటిలో భార్య, మాజీ ప్రియురాలు ఉండగా, ఆ సమయంలో ఆఫీస్‌ స్నేహితులు ఇంటికి వస్తే ఏం జరుగుతుంది. భార్య, ప్రియురాలి మధ్య చిక్కుకున్న భర్త పరిస్థితి ఎలా ఉంటుంది? వంటి అంశాలను ఆసక్తికరంగా తెరకెక్కించాం’ అని వివరించారు.