Sasivadane OTT: స‌డ‌న్‌గా.. ఆ ఓటీటీకి! గోదావ‌రి.. రూర‌ల్ ల‌వ్ డ్రామా

ఎన్నో ఏండ్లుగా వాయిదాల మీద వాయిదాలు ప‌డుతూ ఆక్టోబ‌ర్ 10న థియేర్ల‌లోకి వ‌చ్చి ప్రేక్షకుల‌ను ఆక‌ట్టుకోలేక పోయిన చిత్రం శశివదనే స‌డ‌న్‌గా డిజిట‌ల్ స్ట్రీమింగ్‌కు వ‌చ్చేసింది.

ప‌లాస సినిమాతో అక‌ట్టుకున్న రక్షిత్ అట్లూరి (Rakshit Atluri), నాని హిట్ సిరీస్ చిత్రాల‌తో మంచి గుర్తింపు ద‌క్కించుకున్న కోమలి ప్రసాద్ (Komalee Prasad) జంటగా తెరకెక్కిన శశివదనే (Sasivadane) చివరకు ఎన్నో ఏండ్లుగా వాయిదాల మీద వాయిదాలు ప‌డుతూ ఆక్టోబ‌ర్ 10న థియేర్ల‌లోకి వ‌చ్చి ప్రేక్షకుల‌ను అంత‌గా ఆక‌ట్టుకోలేక‌పోయింది. గోదావరి తీరం నేపథ్యంలో ప్రేమ, ప్రతీకారం క‌థ‌తో తెర‌కెక్కిన ఈ సినిమా ఇప్పుడు ఓటీటీలో స్ట్రీమింగ్ అవుతోంది.

1990ల చివరి నాటి గోదావరి ప్రాంతం. రాఘవ (రక్షిత్ అట్లూరి) మధ్యతరగతి కుటుంబానికి చెందిన యువకుడు. చిన్నప్పుడు తల్లి మరణించడంతో తండ్రి ఒంటరిగానే పెంచుతాడు. చదువుతో పాటు అల్లరి చేస్తూ తిరిగే రాఘవకి శశి బెల్లంకొండ (కోమలి ప్రసాద్) పరిచయమవుతుంది. మొదటి చూపులోనే ప్రేమలో పడిపోతాడు. ఇద్దరి ప్రేమ పెరుగుతున్న సమయంలో శశి బావ (దీపక్ ప్రిన్స్)తో రాఘవకు తగాదాలు మొదలవుతాయి. ఆ గొడవ ప్రతీకారంగా మారి ఇద్దరి జీవితాలను ఎలాంటి మలుపులకు తీసుకెళ్లిందన్నదే కథ. రాఘవ జైలుకు ఎందుకు వెళ్లాడు? శశి–రాఘవ ప్రేమ ఏ ద‌రికి చేరింది? అన్నది క్లైమాక్స్‌.

కథలో కొత్తదనం పెద్దగా లేక‌పోవ‌డం, గోదావరి బ్యాక్‌డ్రాప్‌లో ఇలాంటి ప్రేమకథలు ఇప్పటికే ఎన్నో చూసేయ‌డం వంటి ఇత్యాది కార‌ణాల‌తో సినిమా రీచ్ కాలేక‌పోయింది. కథలో అసలు ట్విస్ట్ కోసం చాలా సమయం తీసుకోవ‌డం కాస్త లాగ్ చేశార‌ని అనిపిస్తుంది. ఇప్పుడీ సినిమా స‌న్ నెక్ట్స్ (Sun NXT) ఓటీటీ (OTT)లో స్ట్రీమింగ్‌కు వ‌చ్చేసింది. ఫస్ట్ సాంగ్, హీరోహీరోయిన్‌ను గుడిలో చూపించిన రొమాంటిక్ సీన్స్ అవసరం లేనట్టే అనిపిస్తాయి. గోదారి అందాలు చూపించడంలో కూడా తగిన శ్రద్ధ కనబడలేదు. క్లైమాక్స్ మాత్రం మంచి రైటింగ్‌తో బాగా ఎగ్జిక్యూట్ చేశారు. తండ్రీకొడుకుల సెంటిమెంట్ మూవీకి మెయిన్ హైలెట్‌.