Bollywood: పేరెంట్ హోదా పొందబోతున్న రణదీప్ హుడా, లిన్ లైశ్రామ్
ABN , Publish Date - Nov 29 , 2025 | 03:22 PM
బాలీవుడ్ నటుడు రణదీప్ హుడా అభిమానులకు ఓ తీయని కబురును తెలిపాడు. త్వరలోనే తన భార్య Lin Laishram పండంటి బిడ్డకు తల్లి కాబోతోందని చెప్పాడు.
బాలీవుడ్ లో పలు వైవిధ్యమైన పాత్రలను పోషించి చక్కని నటుడిగా పేరు తెచ్చుకున్నాడు రణదీప్ హుడా (Randeep Hooda). అంతేకాదు స్వాతంత్ర్య వీర సావర్కర్ (Swatantrya Veer Savarkar) మూవీలో తానే టైటిల్ రోల్ పోషించి, స్వీయ దర్శకత్వంలో దాన్ని నిర్మించాడు. ఇటీవల విడుదలైన 'జాట్' (Jaat) మూవీలో ప్రతినాయకుడిగా నటించి మెప్పించాడు. రణదీప్ హుడా వివాహం రెండేళ్ళ క్రితం లిన్ లైశ్రామ్ (Lin Laishram) తో జరిగింది. నటి, వ్యాపారవేత్త అయిన లిన్ ను తొలిసారి రణదీప్ హుడా నసీరుద్దీన్ షా నడిపే మోట్లీ థియేటర్ గ్రూప్ లో కలిశాడు. ఆ పరిచయం ప్రేమగా మారి పెళ్లికి దారితీసింది. భార్య సంప్రదాయానికి ప్రాధాన్యమిస్తూ రణదీప్ మణిపూర్ లో మైతేయి సంప్రదాయం ప్రకారం వివాహం చేసుకున్నాడు.
తన ద్వితీయ వివాహ వార్షికోత్సవం సందర్భంగా అభిమానులకు రణదీప్ హుడా ఓ తీపికబురు చెప్పాడు. త్వరలోనే తామిద్దరం ముగ్గురం కాబోతున్నామని, తాము త్వరలో పేరెంట్ హోదా పొందబోతున్నామని తెలిపాడు. దాంతో తోటి నటీనటులు, అభిమానులు రణదీప్ హుడా దంపతులకు శుభాకాంక్షలు తెలియచేస్తున్నారు. ఇక కెరీర్ విషయానికి వస్తే... అమెరికన్ యాక్షన్ అడ్వంచరస్ కామెడీ డ్రామా 'మ్యాచ్ బాక్స్'లో రణదీప్ హుడా కీలక పాత్రను పోషిస్తున్నాడు.
Also Read: Ram Pothineni: ఊహించని కాంబినేషన్.. పవన్ కళ్యాణ్ డైరెక్టర్ తో రామ్
Also Read: Daggubati Suresh Babu: సురేశ్ బాబు సహకారంతో ఎగరబోతున్న 'పతంగ్'