Ram Pothineni: ఊహించని కాంబినేషన్.. పవన్ కళ్యాణ్ డైరెక్టర్ తో రామ్

Ram Pothineni: ఎనర్జిటిక్ హీరో రామ్ పోతినేని(Ram Pothineni) గత కొంతకాలంగా ఒక సాలిడ్ హిట్ కోసం కష్టపడుతున్న విషయం తెల్సిందే. ఇక ఈ నేపథ్యంలోనే మహేష్ బాబు పి(Mahesh Babu p) దర్శకత్వంలో ఆంధ్రా కింగ్ తాలూకా (Andhra King Taluka) అనే సినిమా చేశాడు రామ్. ఎన్నో అంచనాల నడుమ రిలీజ్ అయిన ఈ సినిమా మంచి పాజిటివ్ టాక్ ను అయితే అందుకుంది కానీ, కలక్షన్స్ ను మాత్రం రాబట్టలేకపోయింది. వీకెండ్ లో కూడా ఆంధ్రా కింగ్ తాలూకా కలక్షన్స్ చప్పగా ఉన్నాయని ట్రేడ్ వర్గాలు చెప్పుకొస్తున్నాయి. కలక్షన్స్ పక్కన పెడితే రామ్ నటన, డ్యాన్స్ మాత్రం నెక్స్ట్ లెవెల్ అని చెప్పుకొస్తున్నారు.

ఇక ఈ సినిమా తరువాత రామ్ ఎవరితో సినిమా చేయబోతున్నాడు అనేది మిస్టరీగా మారింది. అయితే అందుతున్న సమాచారం ప్రకారం రామ్.. మరోసారి తమిళ్ డైరెక్టర్ తో రిస్క్ చేస్తున్నాడని వార్తలు వినిపిస్తున్నాయి. ఇప్పటికే కోలీవుడ్ డైరెక్టర్ లింగుసామిని నమ్మి ది వారియర్ సినిమాలో నటించి చేతులు కాల్చుకున్నాడు. ఇక ఇప్పుడు నటుడు కమ్ డైరెక్టర్ అయిన సముద్రఖనితో రామ్ టై అప్ అయ్యినట్లు తెలుస్తోంది. ఇది అసలు ఊహించని కాంబోనే.. కానీ,నటుడిగా సముద్రఖనికి ఎంత మంచి గుర్తింపు ఉందో తమిళ్ లో ఆయన తెరకెక్కించిన చిత్రాలకు సపరేట్ ఫ్యాన్ బేస్ ఉంది.

అయితే కోలీవుడ్ లో డైరెక్టర్ గా హిట్స్ అందుకున్న సముద్రఖని తెలుగులో అంతగా గుర్తింపు తెచ్చుకోలేదు. పవన్ కళ్యాణ్, సాయి ధరమ్ తేజ్ మల్టీస్టారర్ గా బ్రో సినిమాను తెరకెక్కించిన సముద్రఖని ఆ సినిమా ఆశించిన ఫలితం అందుకోలేకపోయేసరికి ఎలాగైనా పవన్ కు ఒక మంచి హిట్ ను ఇచ్చేదాకా వదిలేది లేదు అని తిరుగుతున్నాడు. పవన్ ప్రస్తుతం ఖాళీగా లేడు అన్న విషయం తెల్సిందే. దీంతో ఒక కథను రామ్ కు వినిపించగా.. వెంటనే ఆయన ఓకే చెప్పాడని టాక్. సముద్రఖని - రామ్ కాంబోలో వస్తున్న సినిమాను KVN ప్రొడక్షన్స్ నిర్మిస్తుందని తెలుస్తోంది. మరి ఇందులో నిజమెంత అనేది తెలియాల్సి ఉంది.