Daggubati Suresh Babu: సురేశ్ బాబు సహకారంతో ఎగరబోతున్న 'పతంగ్'
ABN , Publish Date - Nov 29 , 2025 | 02:39 PM
గాలిపటాల పోటీ నేపథ్యంలో తెరకెక్కిన సినిమా 'పతంగ్'. ఈ సినిమాకు ప్రముఖ నిర్మాత డి. సురేశ్ బాబు సమర్పకుడిగా వ్యవహరిస్తున్నారు. తాజాగా ఈ మూవీలోని మాస్ సాంగ్ విడుదలైంది.
న్యూ టాలెంట్ను ఎంకరైజ్ చేయడంలో ఎప్పుడూ ముందుండే సురేష్ ప్రొడక్షన్స్ అధినేత, ప్రముఖ నిర్మాత డి. సురేష్ బాబు (Suresh Babu) తాజాగా 'పతంగ్' (Patang ) చిత్ర టీమ్తో చేతులు కలిపారు. డిసెంబరు 25న ప్రపంచవ్యాప్తంగా విడుదల కాబోతున్న 'పతంగ్' మూవీకి సురేశ్ బాబు సమర్పకుడిగా వ్యవహరిస్తున్నారు. ఇటీవల ఈ చిత్రాన్ని వీక్షించి, చిత్ర టీమ్ను ప్రశంసించిన ఆయన 'పతంగ్' చిత్రంలో భాగస్వామి కావాలని నిర్ణయించుకున్నారు. పతంగుల పోటీతో రాబోతున్న కామెడీ స్పోర్ట్స్ డ్రామా ‘పతంగ్’. దీన్ని విజయ్ శేఖర్ అన్నే, సంపత్ మక, సురేష్ కొత్తింటి, నాని బండ్రెడ్డి నిర్మించారు. ఈ మూవీకి ప్రణీత్ పత్తిపాటి దర్శకుడు (Praneeth Prattipati).
'పతంగ్' మూవీలో ఇన్స్టాగ్రమ్ సెన్సేషన్ ప్రీతి పగడాల (Preethi Pagadala), జీ సరిగమప రన్నరప్ ప్రణవ్ కౌశిక్తో పాటు వంశీ పూజిత్ ప్రధాన పాత్రలు పోషించారు. అలానే ప్రముఖ సింగర్ ఎస్పీ చరణ్ (SP Charan) ఈ చిత్రంలో కీలక పాత్రలో కనిపించబోతున్నారు. తాగా ఈ చిత్రంలోని 'ఎమోసనల్ డ్రామా...' అంటూ సాగే ఓ మాసివ్ పాటను సురేష్బాబు విడుదల చేశారు. ఈ సందర్భంగా ఆయన మాట్లాడుతూ, 'కొత్తతరం చేసిన సినిమా ఇది. ఎంతో డబ్బు ఖర్చు పెట్టి రిచ్గా దీన్ని తీశారు. నాని బండ్రెడ్డి మంచి క్రియేటివిటి ఉన్న పర్సన్. కెమెరా వర్క్ చాలా బాగుంది. ఈ సినిమా క్లైమాక్స్ కోసం ఓ స్టేడియంను అద్దెకు తీసుకుని, పతంగుల పోటీ పెట్టి ఎంతో భారీగా తీశారు. తప్పకుండా ఈ సినిమా విజయం సాధిస్తుందనే నమ్మకం ఉంది' అన్నారు. నిర్మాతల్లో ఒకరైన నాని బండ్రెడ్డి మాట్లాడుతూ 'మా సినిమాను, నన్ను నమ్మి సురేష్బాబు గారు సమర్పకునిగా వ్యవహరిస్తున్నారు. ఆయనకు నా కృతజ్ఞతలు. నవ్యమైన కాన్సెప్ట్తో చేసిన ఈ సినిమా అందరికి నచ్చుతుందనే నమ్మకం ఉంది' అని అన్నారు.

సంగీత దర్శకుడు జోస్ జిమ్మి మాట్లాడుతూ 'నేను పుట్టింది కేరళలో అయినా పెరిగింది భీమవరంలో. నా మ్యూజిక్, మూవీ అందరికి నచ్చుతుందని నమ్మకం ఉంది' అన్నారు. ఈ కార్యక్రమంలో పూజిత్, ప్రణవ్ కౌశిక్, ఇతర నిర్మాతలు కూడా తమ భావాలను వ్యక్తం చేశారు. తాజాగా విడుదలైన పాటను శ్రీమణి రాయగా, ఆంటోనీ దాసన్, సాహితీ చాగంటి, జోస్ జిమ్మీ పాడాడు. మరి డిసెంబర్ 25న రాబోతున్న 'పతంగ్' బాక్సాఫీస్ ఎరీనాలో ఏ స్థాయిలో ఎగురుతుందో చూడాలి.
Also Read: Vaaranaasi: టైటిల్ వివాదం.. చివరకు ఇలా ముగిసింది
Also Read: Tollywood Heroes: బంగారం సార్.. మా టాలీవుడ్ హీరోలు