HanuMan: అయోధ్య రామమందిరానికి ‘హనుమాన్’ సినిమా విరాళం ఎంతంటే?

ప్రశాంత్ వర్మ (Prasanth Varma) దర్శకత్వంలో తేజ సజ్జా (Teja Sajja) హీరోగా ప్రైమ్‌షో ఎంటర్‌టైన్‌మెంట్స్‌ బ్యానర్‌పై నిరంజన్ రెడ్డి నిర్మించిన చిత్రం ‘హను మాన్’ (HanuMan). సంక్రాంతికి వచ్చిన ఈ సినిమా స్ట్రాంగ్ ట్రెండ్‌ను కొనసాగిస్తోంది. ఇప్పటి వరకు ఈ సినిమా ప్రపంచవ్యాప్తంగా రూ. 150 కోట్ల మార్కును క్రాస్ చేసి.. వీక్ డేస్‌లో కూడా భారీ వసూళ్లను రాబట్టి సక్సెస్‌ఫుల్‌గా దూసుకెళుతోంది. ‘హను-మాన్’ రెండవ వారాంతంలోనూ దేశీయ, విదేశాలలో మ్యాగ్జిమమ్ ఆక్యుపెన్సీని రీచ్ అవుతోంది. ఈ చిత్రం బ్లాక్‌బస్టర్ హిట్‌తో పాటు, ప్రజల ఆదరాభిమానాలను అందుకుంది.

అయితే ఈ సినిమా ప్రీ రిలీజ్ వేడుక రోజు మేకర్స్ మెగాస్టార్ చిరంజీవి (Megastar Chiranjeevi) ద్వారా ఓ స్టేట్‌మెంట్ ఇప్పించారు. అయోధ్యలోని రామ మందిరానికి ఈ సినిమాకు తెగే ప్రతి టిక్కెట్ నుండి రూ. 5 విరాళంగా ఇవ్వడం జరుగుతుందని తెలిపారు. ఆ విధంగా అయోధ్యలోని భగవాన్ శ్రీ రాముని ప్రాణ ప్రతిష్ట వేడుకల్లో ఈ సినిమా కూడా భాగమైంది. మేకర్స్ ప్రీ-రిలీజ్ ఈవెంట్‌లో పేర్కొన్నట్లుగా, అయోధ్య రామమందిరానికి (#AyodhaRamMandir) ఒక్కో టికెట్ నుండి ₹5 పక్కన పెట్టి విరాళంగా ఇస్తున్నారు. (Hanu Man For Shreeram)

ఇప్పటికే ఈ సినిమా ప్రీమియర్ షోలకు విక్రయించిన 2,97,162 టిక్కెట్లకుగానూ రూ. 14,85,810 చెక్కును అయోధ్య రామమందిరానికి అందించారు. ఇప్పుడు మొత్తంగా లెక్కేస్తూ.. ఇప్పటి వరకు విక్రయించిన 53,28,211 టిక్కెట్ల నుంచి రూ.2,66,41,055ను అయోధ్య రామమందిరం కోసం అందిస్తున్నట్లు మేకర్స్ అధికారికంగా ఓ పోస్టర్‌ను విడుదల చేశారు. ఈ పోస్టర్ ప్రస్తుతం వైరల్ అవుతోంది. (Ayodhya Ram Mandir)

ఇవి కూడా చదవండి:

====================

*Esha Gupta: ఇక్కడ వైట్‌ స్కిన్‌ ఉండే నటులదే హవా..

***********************

*Sitara Ghattamaneni: ‘ఓ మై బేబీ’ పాటకు ఎంత చక్కగా డ్యాన్స్ చేసిందో చూశారా..

*****************************

*Saripodhaa Sanivaaram: దిల్ రాజు చేతుల్లోకి.. డివివి వాళ్ల సినిమా

*************************

*Rashmika Mandanna: రష్మిక డీప్‌ ఫేక్ వీడియో.. ఏపీ వ్యక్తి అరెస్ట్

****************************