Chiyaan 62: చియాన్ విక్రమ్ 62వ ప్రాజెక్ట్‌లో మరో విలక్షణ నటుడు

విలక్షణ నటుడు, ప్రముఖ హీరో చియాన్ విక్రమ్ (Chiyaan Vikram) ప్రస్తుతం తన 62వ ప్రాజెక్ట్‌ను ఎస్.యు. అరుణ్ కుమార్ (SU Arun Kumar) దర్శకత్వంలో చేస్తున్న విషయం తెలిసిందే. ఈ ప్రాజెక్ట్‌కు ప్రస్తుతం చియాన్ 62 (Chiyaan62) అని వర్కింగ్ టైటిల్‌ను పెట్టారు. ఈ క్రేజీ ప్రాజెక్టులోకి మరో విలక్షణ నటుడు ఎస్‌జె సూర్య కూడా నటిస్తున్నారు. ఈ విషయాన్ని శుక్రవారం చిత్రయూనిట్ అధికారికంగా ప్రకటించింది.

ఎస్.యు. అరుణ్ కుమార్ గతంలో ‘పన్నయ్యరుమ్ పద్మినియుమ్’, ‘సేతుపతి’, ‘సింధుబాద్’, ఇటీవల హిట్ చిత్రం ‘చిత’ వంటి చిత్రాలతో గుర్తింపు తెచ్చుకున్నారు. చియాన్ విక్రమ్ ఈ సినిమాలో ఓ డిఫరెంట్ పాత్రలో కనిపించనున్నారు. ఈ చిత్రానికి జీవీ ప్రకాష్ కుమార్ సంగీతం అందించనున్నారు. శిబు థమీన్ కుమార్తె రియా శిబు (Riya Shibu) ఈ చిత్రాన్ని హెచ్ఆర్ పిక్చర్స్ (HR Pictures) బ్యానర్‌పై భారీ స్థాయిలో నిర్మిస్తున్నారు.

ఈ ప్రాజెక్ట్‌కి సంబంధించి ప్రొడక్షన్ హౌస్ గతంలో ఒక ప్రత్యేక ప్రకటనను విడుదల చేసి అందరిలోనూ ఆసక్తిని రేకెత్తించింది. ఇప్పుడు విలక్షణ నటుడు ఎస్‌జె సూర్య (SJ Suryah) ఎంట్రీతో ఈ ప్రాజెక్ట్‌పై మరింత ఇంట్రెస్ట్‌ను పెంచారు. ఈ చిత్రంలో ఎస్‌జె సూర్య మునుపెన్నడూ చూడని పాత్రలో కనిపిస్తారని చిత్రబృందం చెబుతోంది. చియాన్ విక్రమ్, ఎస్‌జె సూర్యల కలయికతో రాబోతోన్న ఈ సినిమా అభిమానులలో అంచనాలను పెంచడమే కాకుండా ట్రేడ్ వర్గాల్లో కూడా ఈ ఆసక్తిని క్రియేట్ అయ్యేలా చేస్తోంది.

ఇవి కూడా చదవండి:

====================

*Karthik Gattamneni: తెలుగులో ‘ఈగల్’.. హిందీలో ‘సహదేవ్’ అని ఎందుకు పెట్టామంటే..

*************************

*Director Maruthi: ‘ట్రూ లవర్’ జంటతో డైరెక్ట్ తెలుగు సినిమా చేస్తాం

**************************

*ప్రకటనలతో సరిపెట్టొద్దు.. ప్రజాక్షేత్రంలోకి వెళ్లండి: విజయ్‌కి ఈ సూచన ఎవరిచ్చారో తెలుసా..?

****************************